完整藏文原文 · 德格版页 当前仅加载第 55 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
འཆད་སྟོན་པ་ཡི། །མདོ་སྡེ་དེ་དག་བགྲང་བར་ཡོང་མི་ནུས། །ཆོས་རྣམས་ཐམས་ཅད་བསྟན་པར་རབ་ཤེས་ཤིང་། །ངེས་པའི་ཚིག་དང་བསྟན་པ་ཚིག་དོན་མཁས། །གཏན་ལ་བབ་པའི་ཡང་དག་ཚུལ་ལ་བསླབས། །བློ་གྲོས་ཡངས་ཤིང་རྟག་དགའ་ཤེས་རབ་ཅན། །ཡངས་
D127.055.0143a01.01པའི་དོན་སེམས་རབ་ཏུ་ཕྱེ་བའི་བློ། །བསམ་དང་མི་བསམ་པ་ཡང་རྟག་ཏུ་ཤེས། །དབྱངས་ཀྱི་རང་བཞིན་རྒྱ་ཆེན་ཐམས་ཅད་རིག །སྒྲ་དབྱངས་དེ་དག་སྟོན་ཀྱང་ཆགས་མི་འགྱུར། །ཐོགས་མེད་དེ་ནི་ཆོས་སྨྲར་བརྗོད་པ་སྟེ། །འགྲོ་བ་ཀུན་ལ་སྟོན་ཀྱང་ཆགས་མི་འགྱུར། །དྲི་བ་ངེས་པར་བསྟན་
D127.055.0143a02.01པ་བརྒྱ་ལ་མཁས། །དེ་ལྟར་དེ་ཡིས་དོན་དམ་རབ་ཏུ་རྟོགས། །མདོ་སྡེ་གཅིག་གིས་ཕྱོགས་ཀྱང་བྱེ་བ་སྙེད། །བསམ་གྱིས་མི་ཁྱབ་དེས་སྟོན་ཆགས་པ་མེད། །ཆགས་མེད་སྟོན་པ་ཚིག་གི་དོན་ལ་མཁས། །འཁོར་གྱི་ནང་དུ་དེ་འཆད་ཆགས་མི་འགྱུར། །ཏིང་འཛིན་འདི་ལ་ལེགས་པར་གང་གནས་
D127.055.0143a03.01པ། །བྱང་ཆུབ་སེམས་དཔའ་དེ་ནི་གཡོ་བ་མེད། །ཆོས་ལ་སྟོབས་བསྐྱེད་བྱེ་བྲག་ཐོབ་པས་ནི། །སྲོག་ཆགས་བྱེ་བ་མང་པོའི་དོན་དེ་བྱེད། །ཇི་ལྟར་རི་རབ་མི་གཡོ་མི་འགུལ་ཏེ། །རླུང་རྣམས་ཀུན་གྱིས་འགུལ་བར་མི་ནུས་པ། །དེ་བཞིན་དགེ་སློང་ཆོས་སྨྲ་མཁས་པ་ཡང་། །ཕ་རོལ་རྒོལ་
D127.055.0143a04.01བ་ཀུན་གྱིས་བསྐྱོད་མི་ནུས། །སྟོང་ཆེན་གྱི་ནི་འཇིག་རྟེན་ཁམས་འདི་ན། །རི་གང་མི་གཡོ་བར་ནི་བརྗོད་པ་རྣམས། །དེ་དག་རླུང་གིས་རབ་ཏུ་བསྐྱོད་ནུས་ཀྱང་། །སྟོང་པའི་ཆོས་གནས་དགེ་སློང་བསྐྱོད་མི་ནུས། །སུ་དག་སྟོང་པ་ཉིད་ལ་རྟག་བརྩོན་པ། །སངས་རྒྱས་གནས་སུ་ངེས་པ་དེ་ཡིན་ཏེ། །
D127.055.0143a05.01གཏན་ལ་བབ་པ་སྟོང་པའི་ཆོས་རབ་ཤེས། །དེ་ནི་རྒོལ་བ་ཀུན་གྱིས་དཀྲུག་མི་ནུས། །ཕས་ཀྱི་རྒོལ་བ་དག་གིས་མི་བསྐྱོད་ཅིང་། །སྨྲ་བ་ཐམས་ཅད་ཀྱིས་ཀྱང་ཟིལ་མི་ནོན། །ཏིང་འཛིན་ཞི་བ་འདི་ནི་བསྟན་བྱས་ན། །ཟིལ་གྱིས་མི་ནོན་སྨད་པ་མེད་པར་འགྱུར། །ཏིང་འཛིན་ཞི་བ་འདི་ནི་བཤད་
D127.055.0143a06.01བྱས་ན། །དེ་ཡིས་སྟོང་ཉིད་རྟོགས་པར་ཁོང་དུ་ཆུད། །དེ་ནི་ཆོས་རྣམས་ཀུན་ལ་ནེམ་ནུར་མེད། །ཡེ་ཤེས་མཐའ་ཡས་དག་ལ་ཁོར་མོར་གནས། །ཏིང་འཛིན་འདི་ནི་བཟུང་ཞིང་བཀླགས་པ་ན། །སྟོབས་དང་བྱང་ཆུབ་ཡན་ལག་རྙེད་མི་དཀའ། །ཡང་དག་རིག་དང་རྫུ་འཕྲུལ་བསམ་མི་ཁྱབ། །
D127.055.0143a07.01