完整藏文原文 · 德格版页 当前仅加载第 55 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་ཅན་དག་གི་ཡོད་དང་མེད་ཅེས་བྱ། །དེ་ལྟར་སྤྱོད་པ་སྡུག་བསྔལ་ཞི་མི་འགྱུར། །ཡོད་དང་མེད་ཅེས་བྱ་བ་གཉི་ག་མཐའ། །གཙང་དང་མི་གཙང་འདི་ཡང་མཐའ་ཡིན་ཏེ། །དེ་ཕྱིར་གཉིས་ཀའི་མཐའ་ནི་རྣམ་སྤངས་ནས། །མཁས་པ་དབུས་ལའང་གནས་པར་ཡོང་མི་བྱེད། །ཡོད་
D127.055.0027a01.01དང་མེད་ཅེས་བྱ་བ་རྩོད་པ་སྟེ། །གཙང་དང་མི་གཙང་འདི་ཡང་རྩོད་པ་ཡིན། །རྩོད་པར་གྱུར་པ་སྡུག་བསྔལ་ཞི་མི་འགྱུར། །རྩོད་པ་མེད་པར་གྱུར་པ་སྡུག་བསྔལ་འགག །དྲན་པ་ཉེ་བར་གཞག་པའི་གཏམ་བྱས་ཏེ། །བྱིས་པ་བདག་ཉིད་ལུས་ལ་མངོན་སུམ་སྙེམས། །ལུས་ལ་མངོན་སུམ་
D127.055.0027a02.01གྱུར་པ་རློམ་སེམས་མེད། །དེ་ནི་རློམ་སེམས་མེད་དོ་ཐམས་ཅད་སྤངས། །བསམ་གཏན་བཞི་དག་གི་ཡང་གཏམ་བྱས་ནས། །བྱིས་པ་བདག་ཉིད་བསམ་གཏན་སྤྱོད་ཡུལ་སྨྲ། །བསམ་གཏན་ཉོན་མོངས་མེད་ཅིང་རློམ་སེམས་མེད། །ཤེས་པས་རྟོགས་ནས་དྲེགས་པ་རབ་ཏུ་སྤོང་། །བདེན་པ་
D127.055.0027a03.01བཞི་ཡི་གཏམ་རྣམས་བྱས་ནས་ཀྱང་། །བྱིས་པ་བདག་ཉིད་བདེན་པ་མཐོང་ཞེས་ཟེར། །བདེན་པ་མཐོང་ལ་རློམ་སེམས་གང་ཡང་མེད། །རློམ་སེམས་མེད་པ་བདེན་པ་རྒྱལ་བས་གསུངས། །ཚུལ་ཁྲིམས་སྲུང་ཞིང་དེ་ཡིས་སྙེམས་མི་བྱ། །ཆོས་རྣམས་མཉན་ཅིང་དེས་ནི་མི་བསྙེམས་ཏེ། །གང་དག་
D127.055.0027a04.01ཤེས་རབ་ཆུང་ངུ་དེ་བསྙེམས་པ། །རྩ་བ་དེ་ལས་དེ་ཡི་སྡུག་བསྔལ་འཕེལ། །འཇིག་རྟེན་འདྲེན་པ་ཐམས་ཅད་མཁྱེན་པ་ཡིས། །དྲེགས་པ་སྡུག་བསྔལ་རྩ་བ་ཡིན་པར་བསྟན། །རྒྱགས་པས་དྲེགས་པ་སྡུག་བསྔལ་རབ་ཏུ་འཕེལ། །རློམ་སེམས་མེད་པ་སྡུག་བསྔལ་འགག་པར་འགྱུར། །ཇི་
D127.055.0027a05.01སྙེད་ཆོས་མང་ཡོངས་སུ་ཆུབ་བྱས་ནས། །ཐོས་པས་རྒྱགས་ཤིང་ཚུལ་ཁྲིམས་མི་སྲུང་ན། །ཚུལ་ཁྲིམས་འཆལ་བས་ངན་འགྲོར་དེ་འགྲོ་ལ། །ཐོས་པ་མང་པོས་དེ་ལ་སྐྱོབ་མི་ནུས། །གལ་ཏེ་ཚུལ་ཁྲིམས་གྲགས་པས་དེ་རྒྱགས་ཤིང་། །མང་དུ་ཐོས་ལ་བརྩོན་པར་མི་བྱེད་ན། །ཚུལ་ཁྲིམས་
D127.055.0027a06.01འབྲས་བུ་མ་ལུས་ཟད་ནས་ནི། །ཕྱིར་ཡང་སྡུག་བསྔལ་རབ་ཏུ་མྱོང་བར་འགྱུར། །འཇིག་རྟེན་དག་ན་ཏིང་འཛིན་སྒོམ་བྱེད་ཀྱང་། །དེ་ནི་བདག་ཏུ་འདུ་ཤེས་གཞིག་མི་བྱེད། །དེ་ཡི་ཉོན་མོངས་ཕྱིར་ཡང་རབ་ཏུ་ལྡང་། །ལྷག་སྤྱོད་ཀྱིས་ནི་ཏིང་འཛིན་འདིར་བསྒོམས་བཞིན། །གལ་ཏེ་བདག་མེད་
D127.055.0027a07.01