完整藏文原文 · 德格版页 当前仅加载第 55 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་ཆེར་སྟེན་པར་གྱིས། །སུ་དག་སྟོང་པ་ཞི་བ་འདི་འདོད་པ། །དེ་དག་བྱང་ཆུབ་མཆོག་ལ་ཞུགས་པ་ཡིན། །ཉན་ཐོས་སར་ནི་ནམ་ཡང་མ་སློབ་ཤིག །དེ་ཡི་སྤྱོད་ལའང་དགའ་བར་མ་བྱེད་ཅིག །སངས་རྒྱས་ཡོན་ཏན་དག་ལས་སེམས་མ་བཏང་། །མྱུར་དུ་སངས་རྒྱས་རྒྱལ་བའི་
D127.055.0150b01.01དབང་པོར་འགྱུར། །བདེན་ཚིག་དམ་པ་རྟག་ཏུ་སྨྲ་བར་གྱིས། །{བརྫུན་,རྫུན་}རྣམས་དང་ནི་རྩུབ་པོའི་ཚིག་མ་སྨྲ། །རྟག་ཏུ་འཇམ་ཞིང་དགའ་བ་སྨྲ་བར་གྱིས། །འཇིག་རྟེན་སློབ་དཔོན་དག་གི་གསུང་ཐོབ་འགྱུར། །ལུས་དང་སྲོག་ལ་ཆགས་པར་མ་བྱེད་ཅིག །གཞན་ལ་སྨོད་ཅིང་བདག་
D127.055.0150b02.01ལ་སྟོད་མ་བྱེད། །བདག་གི་ཡོན་ཏན་ཡང་དག་སྒྲུབ་གྱིས་ལ། །གཞན་གྱི་སྤྱོད་པ་དག་ལ་བཏང་སྙོམས་གྱིས། །རྣམ་ཐར་སྟོང་ལ་རྟག་ཏུ་དགའ་བར་གྱིས། །འགྲོ་བ་རྣམས་སུ་སྨོན་པར་མ་བྱེད་ཅིག །མཚན་མ་ཐམས་ཅད་མ་ལུས་རྣམ་པར་སྤོངས། །རྟག་ཏུ་མཚན་མ་མེད་ལ་གནས་
D127.055.0150b03.01པར་གྱིས། །དུས་ཀུན་ཏུ་ནི་མཐའ་ཡང་རྣམ་པར་སྤོངས། །རྟག་དང་ཆད་ལ་གནས་པར་མ་གྱུར་ཅིག །ཐམས་ཅད་རྐྱེན་ལས་གྱུར་པར་རྟག་རིག་གྱིས། །དེ་ལྟར་བྱས་ན་སྟོན་པ་ཇི་བཞིན་འགྱུར། །འདོད་པའི་དགའ་བ་རྣམས་ལ་དགའ་བ་སྤོངས། །ཞེ་སྡང་ཐ་བ་དྲི་མ་རྣམ་སྤངས་
D127.055.0150b04.01ཤིང་། །གཏི་མུག་མུན་པ་ཐམས་ཅད་རྣམ་བསལ་ན། །ཞི་བར་དགའ་བའི་མི་ཡི་སེང་གེར་འགྱུར། །རྟག་པ་མི་རྟག་པར་ཡང་རྟག་ཏུ་ལྟོས། །སྲིད་པ་ཀུན་གྱི་སྡུག་བསྔལ་བདེ་གྲོལ་ཞིང་། །བདག་དང་གཙང་ལ་མི་གཙང་བདག་མེད་པར། །བསྒོམ་པར་བྱས་ན་མི་ཡི་དབང་པོར་
D127.055.0150b05.01འགྱུར། །འཇིག་རྟེན་སྒྲོན་མཛད་རྒྱལ་བ་རྣམས་ཀྱིས་ནི། །གང་ལ་ཚུལ་བཞིན་ཆོས་རྣམས་རབ་བསྟན་པ། །དེ་ཡིས་བདུད་ཀྱི་སྟོབས་རྣམས་བཅོམ་ནས་སུ། །བླ་ན་མེད་པའི་བྱང་ཆུབ་ཡངས་པ་ཐོབ། །ཡོན་ཏན་ཇི་སྙེད་ངས་བཤད་ཐོབ་བྱས་ཏེ། །ཉེས་པ་བརྒྱ་དག་ངས་ནི་གང་བསྟན་
D127.055.0150b06.01པ། །རྣམ་པར་སྤངས་ནས་སློབ་པར་བྱེད་པ་ནི། །གཞོན་ནུ་དེ་ཚེ་འདིར་ཡང་སངས་རྒྱས་འགྱུར། །སྙན་པའི་འོད་ཀྱི་ལེའུ་སྟེ་སུམ་ཅུ་རྩ་བརྒྱད་པའོ།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། བམ་པོ་བཅུ་བཞི་པ། དེ་ནས་ཡང་བཅོམ་ལྡན་འདས་ཀྱིས་
D127.055.0150b07.01