完整藏文原文 · 德格版页 当前仅加载第 55 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཡས་མང་པོར་ཏིང་འཛིན་སྒོམ་པར་བྱེད། །རྟག་ཏུ་བསམ་གཏན་རྣམ་པར་ཐར་ལ་ཤིན་ཏུ་ངེས། །དེ་ཚེ་བྱང་ཆུབ་སེམས་དཔའ་དེ་དག་སངས་རྒྱས་སྲས། །དེ་དག་རྫུ་འཕྲུལ་རྐང་པ་རྟག་ཏུ་སྙེན་བྱེད་ཅིང་། །ཞིང་རྣམས་མཐའ་ཡས་རྣམ་པ་མང་པོར་དེ་སོང་ནས། །བདེ་བར་
D127.055.0113a01.01གཤེགས་པས་རབ་ཏུ་བཤད་པའི་ཆོས་ཉན་ཏེ། །གཟུངས་ལ་རབ་ཏུ་གནས་པས་ཐམས་ཅད་འཛིན་པར་བྱེད། །བྱང་ཆུབ་སེམས་དཔའ་གང་དག་གཟུངས་ལ་གནས་པ་ནི། །མདོ་སྡེ་དཔག་ཏུ་མེད་པ་མཐའ་ཡས་རབ་ཏུ་སྟོན། །བྱང་ཆུབ་སེམས་དཔའ་གང་དག་གཟུངས་ལ་གནས་
D127.055.0113a02.01པ་ནི། །སེམས་ཅན་དག་གི་དོན་ཀྱང་དཔག་ཏུ་མེད་པ་བྱེད། །སེམས་ཅན་འཆི་འཕོ་སྐྱེ་བ་དང་། །འགྲོ་བ་དང་ནི་འོང་བ་ཤེས། །དེས་ནི་ཅི་འདྲའི་ལས་བྱས་པ། །རྣམ་པར་སྨིན་པ་དེ་འདྲར་འགྱུར། །ལས་རྣམས་འཕོ་བར་འགྱུར་བ་ཡང་། །རྡུལ་ཙམ་ཡང་ནི་མི་རྙེད་དོ། །བྱང་ཆུབ་
D127.055.0113a03.01སེམས་དཔའ་གྲགས་ཆེན་ནི། །དེ་དག་གི་ཡང་དེ་ཤེས་སོ། །སྟོང་པ་བདག་ཉིད་ཆེན་པོ་ཡི། །གནས་པ་དག་གི་དམ་པ་ཡིན། །སེམས་ཅན་བྱེ་བ་བསམ་ཡས་ཀྱང་། །ཐེག་པ་ཆེ་ལ་རབ་ཏུ་འགོད། །དེ་ལ་སྟོན་པར་བྱེད་པ་ན། །སེམས་ཅན་འདུ་ཤེས་མི་འཇུག་སྟེ། །ཆོས་
D127.055.0113a04.01རྣམས་འཇུག་པ་མེད་པར་ནི། །བྱང་ཆུབ་སེམས་དཔའ་རབ་ཏུ་སྟོན། །ཆོས་རྣམས་རབ་ཏུ་སྟོན་པ་ན། །དམིགས་པ་དག་ནི་མི་འབྱུང་སྟེ། །ཡེ་ཤེས་བརྟན་ལ་རབ་གནས་ཤིང་། །སྟོང་པ་ཉིད་ལ་གནས་པར་འགྱུར། །སྟོན་པ་ཀུན་གྱི་གནས་པ་ཡི། །ཏིང་འཛིན་འདི་ནི་བསྟན་
D127.055.0113a05.01བྱས་ནས། །བུད་མེད་འདུ་ཤེས་རང་བཞིན་གྱིས། །དེ་ལ་འདུ་ཤེས་མི་འབྱུང་ངོ་། །བུད་མེད་འདུ་ཤེས་རྣམ་བཤིག་ནས། །བྱང་ཆུབ་སྙིང་པོར་འདུག་པར་འགྱུར། །བྱང་ཆུབ་སྙིང་པོར་འདུག་ནས་ནི། །བདུད་ཀྱི་འདུ་ཤེས་རྣམ་པར་ལྡོག །མཁས་པ་དེས་ནི་བདུད་རྣམས་
D127.055.0113a06.01དང་། །བདུད་ཀྱི་སྡེ་ཡང་མི་མཐོང་སྟེ། །བདུད་ཀྱི་བུ་མོ་གསུམ་པོ་ཡང་། །དེས་ནི་མཐོང་བར་མི་འགྱུར་རོ། །བྱང་ཆུབ་སྙིང་པོར་འདུག་ནས་ནི། །འདུ་ཤེས་ཐམས་ཅད་རབ་ཏུ་སྤོང་། །འདུ་ཤེས་ཐམས་ཅད་རབ་སྤངས་ནས། །ས་འདི་ཐམས་ཅད་གཡོས་པར་གྱུར། །
D127.055.0113a07.01