完整藏文原文 · 德格版页 当前仅加载第 55 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པའི་སྟོབས་ལས་ནམ་ཡང་ཉམས་མ་གྱུར། །དེ་ནི་གཞན་གྱི་དུས་སུ་གྱུར་པའི་ཚེ། །སྲོག་ཆགས་བརྒྱ་དག་གི་ཡང་དོན་ཆེན་བྱས། །བསམ་གྱིས་མི་ཁྱབ་ཆོས་ཀྱང་རྗེས་སུ་དྲན། །བསོད་ནམས་བློ་གྲོས་དགའ་བ་ཆེན་པོ་སྐྱེས། །དེར་ཡང་རི་མོ་རྒྱ་
D127.055.0149a01.01ཆེར་བྱས་ནས་ནི། །དགེ་སློང་དེ་ལ་བསོད་ནམས་བློ་གྲོས་སྨྲས། །བདག་གི་སློབ་དཔོན་ལ་ནི་སུ་ཡིས་ཀྱང་། །སེམས་ལ་མི་འཐད་ཅི་ཞིག་མ་བགྱིས་སམ། །དེས་སྨྲས་རྒྱལ་སྲས་གཞོན་ནུ་གསན་དུ་གསོལ། །བཟོད་པའི་སྟོབས་ཀྱིས་སངས་རྒྱས་ཡང་དག་བྱུང་། །
D127.055.0149a02.01སུ་ཡིས་བདག་ལ་མི་སྙན་ཚིག་སྨྲས་པ། །དེ་ལ་བདག་ནི་བྱམས་པ་རྒྱ་ཡང་ཆེ། །གང་གིས་བསྐལ་པ་སྟོང་ཕྲག་བརྒྱ་དག་ཏུ། །སྔོན་གྱི་སྲིད་པ་ལ་ནི་བཟོད་བསྒོམས་པ། །དགེ་སློང་སྙན་འོད་དེ་ནི་ང་ཡིན་ཞེས། །བཅོམ་ལྡན་ཤཱཀྱ་ཐུབ་པས་ཚིག་བརྗོད་དོ། །གང་གིས་
D127.055.0149a03.01དགེ་སློང་སྙན་འོད་བསྲུངས་པ་ཡི། །བསོད་ནམས་བློ་གྲོས་རྒྱལ་པོའི་བུ་དེ་ནི། །ཚེ་རབས་སྟོང་དུ་ང་ཡི་གྲོགས་གྱུར་ཏེ། །སངས་རྒྱས་བྱམས་པར་ངས་ནི་ལུང་བསྟན་ཏོ། །གང་གིས་སྟོན་པ་ཚོགས་ཀྱི་དབང་ཕྱུག་མཆོད། །གང་གིས་གནས་ཁང་བཟང་པོ་མཆོག་བྱས་པ། །གང་སྔོན་
D127.055.0149a04.01མེ་ཏོག་བཟང་ཞེས་བྱ་བ་དེ། །རྐང་གཉིས་གཙོ་བོ་མི་ཡི་དབང་པོར་གྱུར། །དེ་ལྟར་བསྐལ་པ་མང་པོ་མཐའ་ཡས་པར། །རྒྱལ་བ་དག་གི་དམ་ཆོས་ངས་བཟུང་སྟེ། །ངས་སྔོན་བཟོད་པའི་སྟོབས་ཀྱང་ཡང་དག་བསྒྲུབས། །གཞོན་ནུ་ཐོས་ནས་ང་ཡི་རྗེས་སུ་སློབས། །ང་ནི་མྱ་ངན་འདས་
D127.055.0149a05.01གྱུར་ཕྱི་མའི་ཚེ། །དམ་པའི་ཆོས་ནི་རྣམ་པར་འཇིག་པ་ན། །དགེ་སློང་མུ་སྟེགས་བློ་ལ་བརྩོན་པ་དག །དེ་དག་ང་ཡི་ཞི་བའི་ཆོས་ལ་སྤོང་། །ཁེངས་ཤིང་རྒོད་ལ་གཏུམ་ཞིང་སྤྱི་བརྟོལ་ཆེ། །སྡིག་པའི་གྲོགས་པོའི་ཟས་ལ་ཆགས་པ་དག །ཆོས་གོས་ལྷུང་བཟེད་དག་ལ་ཆགས་
D127.055.0149a06.01ཤིང་བརྐམ། །རྙེད་ལ་གནས་ཤིང་དེ་དག་ཆོས་ལ་སྤོང་། །དེ་དག་ཡིད་གཏུམ་ཞེ་སྡང་བྱས་མི་གཟོ། །དམའ་བའི་རིགས་དང་དབུལ་བའི་རིགས་ལས་ནི། །ང་ཡི་བསྟན་པ་འདི་ལ་རབ་བྱུང་ནས། །དེ་དག་ཞི་བའི་ཆོས་འདི་སྤོང་བར་བྱེད། །བདུད་ཀྱི་བློ་ཡིས་སེམས་ཅན་མུན་གཏིབས་ཤིང་། །འདོད་
D127.055.0149a07.01