完整藏文原文 · 德格版页 当前仅加载第 55 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་དང་། སོ་སོ་ཡང་དག་པར་རིག་པ་འདི་བཞི་འཐོབ་པར་འགྱུར་བ་དེ་ནི་གཞོན་ནུ་ལུས་ཀྱི་སྡོམ་པ་ཞེས་བྱའོ། །ལུས་ཀྱི་སྡོམ་པ་གང་དང་ལྡན་པས་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་འཐོབ་སྟེ། སུམ་ཅུ་རྩ་བདུན་གང་ཞེ་ན།
D127.055.0151b01.01འདི་ལྟ་སྟེ། དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་
D127.055.0151b02.01ཅུ་རྩ་བདུན་པོ་འདི་དག་འཐོབ་པར་འགྱུར་བ་དེ་ནི་ལུས་ཀྱི་སྡོམ་པ་ཞེས་བྱའོ། །ལུས་ཀྱི་སྡོམ་པ་གང་དང་ལྡན་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་ལ་གནས་པ་ཐོབ་པ་དང་། བཏང་སྙོམས་ཆེན་པོ་ལ་གནས་པ་འཐོབ་པ་དང་། བདེ་བའི་རྣམ་པར་རྟོག་པ་འཐོབ་པ་
D127.055.0151b03.01དང་། རབ་ཏུ་དབེན་པའི་ཆོས་རྣམས་འཐོབ་པར་འགྱུར་བ་དེ་ནི་གཞོན་ནུ་ལུས་ཀྱི་སྡོམ་པ་ཞེས་བྱའོ། །གཞན་ཡང་གཞོན་ནུ་ལུས་ཀྱི་སྡོམ་པ་གང་དང་ལྡན་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྲོག་གཅོད་པ་སྤོང་བར་འགྱུར་བ་དང་། མ་བྱིན་པར་ལེན་པ་དང་། མི་ཚངས་
D127.055.0151b04.01པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མའི་ཚིག་དང་། ཚིག་རྩུབ་པོ་དང་། ཁྱལ་པར་སྨྲ་བ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་དང་། སྲང་ལ་གཡོ་བྱེད་པ་དང་། ཚད་ལ་གཡོ་བྱེད་པ་དང་། ནོར་ལ་གཡོ་བྱེད་པ་དང་། གཟུང་བ་དང་།
D127.055.0151b05.01བཅིང་བ་དང་། གཙེ་བ་དང་། བརྡེག་པ་དང་། བསྡིགས་པ་དང་། གཅད་པ་དང་། དབུག་པ་དང་། ཞེ་ལ་གནོན་པ་དང་། ཆགས་པ་དང་། སེར་སྣ་མ་སྤངས་པར་འགྱུར་བ་དང་། ལག་པ་རྒོད་པ་དང་། རྐང་པ་རྒོད་པ་དང་། རྐང་ལག་མ་བསྡམས་པ་དང་། དེའི་ལུས་
D127.055.0151b06.01དང་ངག་དང་ཡིད་ཀྱི་གནས་ངན་ལེན་སྤངས་ཤིང་ཏ་ལའི་མགོ་བཅད་པ་བཞིན་དུ་མ་འོངས་པའི་དུས་ན་མི་སྐྱེ་བའི་ཆོས་ཅན་དུ་འགྱུར་བ་དེ་ནི་གཞོན་ནུ་དེའི་ལུས་ཀྱི་སྡོམ་པ་ཞེས་བྱའོ། །གཞོན་ནུ་དེ་ལྟ་བས་ན་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། གཞོན་ནུ་སྔོན་བྱུང་བ་འདས་པའི་དུས་ན་
D127.055.0151b07.01