完整藏文原文 · 德格版页 当前仅加载第 55 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་དང་ཕྲད་ཅིང་ཤེས་རབ་རྣོ། །བདེན་ལ་འཇུག་དང་རྟག་ཏུ་ཆོས་ཤེས་པ། །ཕུང་པོ་ཡོངས་ཤེས་ཁམས་རྣམས་མཉམ་པ་ཉིད། །སྐྱེ་མཆེད་རྣམ་པ་ཀུན་ཏུ་བསལ་བ་སྟེ། །སྐྱེ་བ་མེད་པ་མངོན་སུམ་འཇུག་པ་དག །ཏིང་འཛིན་དེ་ནི་རྒྱལ་བས་བཤད་མཛད་དམ། །སོ་སོ་ཡང་དག་
D127.055.0059b01.01རིག་པ་བཞི་ལ་འཇུག །ཡི་གེ་ཐམས་ཅད་དབྱེ་བའི་ཡེ་ཤེས་དང་། །དངོས་པོར་འཇུག་པ་ལས་ནི་འདའ་བ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །དབྱངས་རྣམས་ཡོངས་སུ་ཤེས་ཤིང་དགའ་བ་ཐོབ། །བདེ་གཤེགས་བསྔགས་པ་ལ་ཡང་དགར་གྱུར་ཅིང་། །འཕགས་པ་
D127.055.0059b02.01དག་གི་ཚུལ་འཇམ་དྲང་པོ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །དེས་པ་ནམ་ཡང་ཁྲོ་གཉེར་མི་བྱེད་ཅིང་། །མཉེན་ཞིང་འཇམ་པ་བཞིན་ཡང་འཛུམ་པ་སྟེ། །སེམས་ཅན་མཐོང་ནས་སྔོན་དུ་སྨྲ་བ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །ལེ་ལོ་མེད་ཅིང་བླ་
D127.055.0059b03.01མའི་རི་མོ་བྱེད། །སྲི་ཞུ་ཆེ་བས་ཕྱག་འཚལ་སྡུག་པར་ལྟ། །སྐྱེ་བ་དག་གིས་ཆོག་ཤེས་དཀར་བ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །འཚོ་བ་དག་ཅིང་དེ་བཞིན་དགོན་གནས་དང་། །སྦྱངས་པ་དག་ལ་གནས་ཤིང་དྲན་མི་ཉམས། །ཕུང་པོ་དང་ནི་ཁམས་ལ་མཁས་པ་
D127.055.0059b04.01ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །སྐྱེ་མཆེད་མཁས་ཤིང་མངོན་ཤེས་ཡེ་ཤེས་དང་། །ཉོན་མོངས་བསལ་བ་དུལ་བའི་ས་རྣམས་དང་། །གསང་སྔགས་མང་པོ་ཐམས་ཅད་འཆད་པ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །སྲིད་པའི་འགྲོ་བ་ཀུན་
D127.055.0059b05.01ལས་འདའ་བ་དང་། །སྐྱེ་བ་དྲན་ཞིང་ཆོས་ལ་ནེམ་ནུར་མེད། །ཆོས་ལ་སེམས་ཤིང་ཐོས་པ་ཚོལ་བ་ཡི། །ཏིང་འཛིན་དེ་ནི་རྒྱལ་བས་བཤད་མཛད་དམ། །ཁྱད་པར་འགྲོ་ཞིང་རྟག་ཏུ་སྒོམ་ལ་འཇུག །ལྟུང་བ་དག་ལ་མཁས་ཤིང་འབྱུང་བར་གནས། །དེ་ལ་གནས་པས་བག་ལ་
D127.055.0059b06.01ཉལ་བ་སེལ། །ཏིང་འཛིན་དེ་ནི་རྒྱལ་བས་བཤད་མཛད་དམ། །གང་ལས་ཡེ་ཤེས་རྣོ་བའི་མཆོག་འབྱུང་བ། །མི་གཡོ་རི་བོ་བཞིན་དུ་མི་སྒུལ་བ། །ཕྱིར་མི་ལྡོག་པའི་མཚན་དང་གཟུངས་ཀྱི་སྒོ། །ཏིང་འཛིན་དེ་ནི་རྒྱལ་བས་བཤད་མཛད་དམ། །རྟག་ཏུ་དཀར་པོའི་ཆོས་རྣམས་
D127.055.0059b07.01