完整藏文原文 · 德格版页 当前仅加载第 55 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་བསྒོམ་པས་བསྒོམ་པར་བྱ། མང་དུ་བྱ་གཞན་དག་ལ་ཡང་རྒྱ་ཆེར་རབ་ཏུ་བསྟན་པར་བྱའོ། །གང་ལས་སྙིང་རྗེ་ཆེན་པོ་ལ་འཇུག་པའི་ཆོས་ཀྱི་རྣམ་གྲངས་འདི་ཐོས་པ་དེ་ལ་དགའ་བ་དང་གུས་པས་སྟོན་པར་འདུ་ཤེས་བསྐྱེད་པར་བྱའོ། །གཞོན་ནུ་ནམ་བྱང་ཆུབ་སེམས་དཔའ་སེམས་
D127.055.0070b01.01དཔའ་ཆེན་པོ་དགེ་བའི་བཤེས་གཉེན་ཡོངས་སུ་ཚོལ་བ་དང་སྲི་ཞུ་བྱ་བ་དང་གཡོག་བྱ་བ་ལ་ཡིད་མི་སྐྱོ་བར་གྱུར་པ་དེའི་ཚེ་གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བདེ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །བདེ་བར་སྙིང་རྗེ་
D127.055.0070b02.01ཆེན་པོ་ལ་འཇུག་པའི་ཆོས་ཀྱི་རྣམ་གྲངས་འདི་འཐོབ་བོ། །གཞོན་ནུ་དེ་ལྟ་བས་ན་མགོ་དང་གོས་ལ་མེ་འབར་བ་བཞིན་དུ་བྱས་ཏེ་རྟག་པར་དགེ་བའི་བཤེས་གཉེན་ཡོངས་སུ་བཙལ་བར་བྱ། གཡོ་མེད་པས་བསྟེན་པར་བྱ། བསྙེན་པར་བྱ། རིམ་གྲོར་བྱའོ། །དེ་ཅིའི་ཕྱིར་ཞེ་ན།
D127.055.0070b03.01གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་དགེ་བའི་བཤེས་གཉེན་གྱི་ཁར་ལས་ན། སྙིང་རྗེ་ཆེན་པོ་ལ་འཇུག་པའི་ཆོས་ཀྱི་རྣམ་གྲངས་འདི་ལྟ་ཅི་སྨོས། གཞོན་ནུ་དེ་ལྟ་བས་ན་ཁྱོད་ཀྱིས་དགེ་བའི་བཤེས་
D127.055.0070b04.01གཉེན་ཡོངས་སུ་བཙལ་བ་དང་སྲི་ཞུ་བྱ་བ་དང་གཡོག་བྱ་བ་ལ་ཡིད་ཡོངས་སུ་མི་སྐྱོ་བར་བྱའོ་ཞེས་གཞོན་ནུ་ཁྱོད་ཀྱིས་རྟག་ཏུ་དེ་ལྟར་བསླབ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་སྙིང་རྗེ་ཆེན་པོ་ལ་འཇུག་པའི་ཆོས་ཀྱི་རྣམ་གྲངས་འདི་ཉིད་ཤིན་ཏུ་བརྗོད་པའི་ཕྱིར་ཟླ་འོད་
D127.055.0070b05.01གཞོན་ནུར་གྱུར་པ་ལ་སྔོན་བྱུང་བ་བསྟན་པ་ཚིགས་སུ་བཅད་པའི་དབྱངས་ཀྱིས་རྒྱ་ཆེར་ཡང་དག་པར་རབ་ཏུ་བསྟན་ཏོ། །འདས་པའི་བསྐལ་པ་བྱེ་བ་མང་པོ་སྟེ། །དཔག་ཏུ་མེད་ཅིང་གཞལ་མེད་བསམ་མི་ཁྱབ། །དེ་ཚེ་དབང་ཏོག་རྒྱལ་མཚན་རྒྱལ་པོ་ཞེས། །འདྲེན་པ་རྐང་གཉིས་
D127.055.0070b06.01གཙོ་བོ་བྱུང་བར་གྱུར། །དེས་ནི་ཏིང་འཛིན་ཞི་བ་འདི་བཤད་དེ། །དེ་ལ་མི་དང་སྲོག་དང་གང་ཟག་མེད། །སྒྱུ་མ་ཆུ་བུར་སྨིག་རྒྱུ་གློག་འདྲ་ཞིང་། །ཆོས་རྣམས་ཐམས་ཅད་ཆུ་ཡི་ཟླ་བ་བཞིན། །ཤི་ནས་འཇིག་རྟེན་ཕ་རོལ་འགྲོ་བ་ཡི། །སེམས་ཅན་ཤེད་ལས་སྐྱེས་པ་མི་
D127.055.0070b07.01