完整藏文原文 · 德格版页 当前仅加载第 55 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ། ཇི་སྐད་སྨྲ་བ་དེ་བཞིན་བྱེད། ཁམས་གསུམ་ལ་མ་ཆགས་ཤིང་ཁམས་གསུམ་ལས་ཡང་དག་པར་འདས་ཏེ། འདོད་པའི་ས་དང་གཟུགས་ཀྱི་ས་དང་གཟུགས་མེད་པའི་ས་དང་ཉོན་མོངས་པའི་ས་དང་མིང་གི་ས་དང་སྒྲའི་ས་ལས་འདས་ཤིང་ཡི་གེ་དང་ཆོས་ཀྱི་ཚུལ་ལ་མཁས་པ།
D127.055.0043b01.01ཡེ་ཤེས་མི་ཟད་པར་བསྒོམས་པ། བརྗོད་དུ་མེད་པའི་ཆོས་རྟོགས་པ། ཡི་གེ་ཤེས་པ། ཡི་གེ་ལ་མཁས་པ། ཡི་གེ་དང་ཚིག་རབ་ཏུ་དབྱེ་བ་ཤེས་པ་ལ་མཁས་པ། ཡི་གེ་དང་ཚིག་རབ་ཏུ་དབྱེ་བ་རྒྱས་པ་ཤེས་པ་ལ་མཁས་པ། ཆོས་ཐམས་ཅད་རབ་ཏུ་དབྱེ་བ་ཤེས་པ་ལ་མཁས་པ། ཆོས་
D127.055.0043b02.01ཐམས་ཅད་རབ་ཏུ་དབྱེ་བ་རྒྱས་པ་ཤེས་པ་ལ་མཁས་པ། ཆོས་ཐམས་ཅད་རྣམ་པར་དགོད་པ་ལ་མཁས་པ་ཡིན་ཏེ། གཏན་ལ་དབབ་པའི་བློ་དང་ལྡན་ཞིང་། བདུད་སྡིག་ཅན་དང་བདུད་ཀྱི་རིས་ཀྱི་ལྷ་རྣམས་ཀྱིས་ཟིལ་གྱིས་མི་ནོན་ཏོ། །ཆོས་ཀྱི་རྣམ་གྲངས་འདི་བཤད་པའི་ཚེ་ལྷ་དང་མིའི་སྐྱེ་
D127.055.0043b03.01དགུ་སྔོན་ཡོངས་སུ་སྦྱང་བ་བྱས་པ་ཁྲག་ཁྲིག་ཕྲག་དགུ་བཅུ་རྩ་བརྒྱད་ཀྱིས་བྱེ་བ་བརྒྱ་སྟོང་འཁྱིལ་པའི་གཟུངས་དང་སྒྲིབ་པ་མེད་པའི་མཐའ་དང་ཆོས་རྣམ་པར་མཐོང་བའི་བཟོད་པ་སོ་སོར་ཐོབ་ནས་བཅོམ་ལྡན་འདས་ཀྱིས་དེ་དག་ཐམས་ཅད་ལ་བསྐལ་པ་གྲངས་མེད་པ་བརྒྱ་སྟོང་ཕྲག་བཞི་བཅུ་
D127.055.0043b04.01རྩ་བརྒྱད་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ་ཐམས་ཅད་ཀྱང་མིང་ནི་ཐ་དད། ཚེའི་ཚད་ནི་གཅིག་པར་སངས་རྒྱས་ཀྱི་ཞིང་སོ་སོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ་ཞེས་ལུང་བསྟན་ཏོ། །
D127.055.0043b05.01དེ་ལ་འདི་སྐད་ཅེས་བྱ་སྟེ། བྱང་ཆུབ་སེམས་དཔའ་བློ་དང་ལྡན་པ་གང་། །བླ་ན་མེད་པའི་བྱང་ཆུབ་རབ་ཚོལ་ཞིང་། །ཆོས་དང་དེ་བཞིན་དོན་ལ་མཁས་པ་དེ། །ཆོས་ཀྱི་ངོ་བོ་ཉིད་ལ་སྤྱོད་པ་ཡིན། །ཡང་དག་མ་ཡིན་པ་ཡི་ཚིག་མི་སྨྲ། །སངས་རྒྱས་ཡོན་ཏན་བྱེ་བྲག་ཅི་འདྲ་བ། །རྒྱལ་བ་
D127.055.0043b06.01རྣམས་ཀྱི་ཆོས་ནི་དེ་ཡིན་ཏེ། །དཔའ་བོ་ཐེ་ཙོམ་བྲལ་བས་ཤིན་ཏུ་རིག །ཆོས་ཀུན་དོན་གཅིག་པར་ནི་རབ་ཤེས་ཏེ། །མགོ་གཅིག་ཏུ་ནི་སྟོང་པ་ཉིད་ཡིན་པས། །དེ་དག་ལ་ནི་ཐ་དད་གྱུར་པ་མེད། །དོན་གཅིག་ལ་ནི་ཤིན་ཏུ་བསླབས་པ་ཡིན། །རྟོག་པ་མེད་ཅིང་རྣམ་རྟོག་མེད་པ་དང་། །
D127.055.0043b07.01