完整藏文原文 · 德格版页 当前仅加载第 55 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཞེ་ན། གཞོན་ནུ་ཡིད་ཀྱི་སྤྱོད་པ་ཡོངས་སུ་དག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མི་ཁོམ་པ་ཐམས་ཅད་རྣམ་པར་སྤོང་ཞིང་། སངས་རྒྱས་ཀྱི་ཆོས་བསམ་གྱིས་མི་ཁྱབ་པའང་ཐོབ་པར་འགྱུར་རོ། །སངས་རྒྱས་ཐམས་ཅད་ལས་ཀྱང་སངས་རྒྱས་ཀྱི་མངོན་པར་ཤེས་པ་
D127.055.0160b01.01ཐམས་ཅད་དང་། མི་འཁྲུགས་པའི་སེམས་རྣམ་པར་གྲོལ་བ་ཐོབ་པར་འགྱུར་བ་དེ་ནི་གཞོན་ནུ་ཡིད་ཀྱི་སྡོམ་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །ཡིད་ཀྱི་སྡོམ་པ་དག་ནི་ངས་བཤད་ཀྱིས། །གཡེང་བ་མེད་པའི་ཡིད་ཀྱིས་
D127.055.0160b02.01ཐམས་ཅད་ཉོན། །ཇི་སྟེ་མྱུར་དུ་འཚང་རྒྱ་འདོད་ན་ཡང་། །ང་ལས་ཐོས་ནས་དེ་ལ་ནན་ཏན་བྱོས། །ཡིད་ཀྱི་སྡོམ་པ་གང་གིས་མཁས་པ་དག །མཆོག་ཏུ་རབ་ཞི་རྒྱ་ཆེ་མི་གཡོ་བ། །རྒྱལ་ཆོས་བསམ་ཡས་རྨད་དུ་བྱུང་བ་འཐོབ། །འདི་ནི་ཡིད་ཀྱི་སྡོམ་པ་དག་པར་བརྗོད། །ཡིད་ཀྱི་
D127.055.0160b03.01སྡོམ་པ་གང་གིས་མཁས་པ་དག །སེམས་ཀྱང་རྣམ་གྲོལ་རྟག་ཏུ་མི་གཡོ་འཐོབ། །དེ་བཞིན་རྡོ་རྗེ་ལྟ་བུའི་ཏིང་འཛིན་མཆོག །འདི་ནི་ཡིད་ཀྱི་སྡོམ་པ་དག་པར་བརྗོད། །མཁས་པ་གང་གིས་ཉེ་བར་སྤྱོད་པ་ཡི། །འོད་ཟེར་དོན་ཆེན་བྱེད་པ་སྒྲུབ་པར་བྱེད། །གང་གིས་ཡན་
D127.055.0160b04.01ལག་དྲུག་ཅུའི་དབྱངས་ཐོབ་པ། །དེ་ནི་ཡིད་ཀྱི་སྡོམ་པ་རྣམ་དག་བརྗོད། །ཡིད་ཀྱི་སྡོམ་པ་གང་གིས་མཁས་པ་དག །སུམ་ཅུ་རྩ་གཉིས་མཚན་རྣམས་མྱུར་ཐོབ་འགྱུར། །སྟོབས་བཅུ་སངས་རྒྱས་ཡོན་ཏན་མ་ལུས་འཐོབ། །དེ་ནི་ཡིད་ཀྱི་སྡོམ་པ་མཆོག་ཏུ་བརྗོད། །ཡིད་ཀྱི་སྡོམ་
D127.055.0160b05.01པ་གང་གིས་མཁས་པ་དག །སོ་སོ་ཡང་དག་རིག་དང་མི་འཇིགས་དང་། །ཡོན་ཏན་མཆོག་ཏུ་རྨད་བྱུང་བསམ་ཡས་འཐོབ། །དེ་ནི་ཡིད་ཀྱི་སྡོམ་པ་མཆོག་ཏུ་བརྗོད། །ཡིད་ཀྱི་སྡོམ་པ་གང་གིས་མཁས་པ་དག །དྲན་པ་ཉེ་བར་གཞག་དང་རྫུ་འཕྲུལ་རྐང་། །ཡང་དག་སྤོང་དང་དབང་
D127.055.0160b06.01སྟོབས་ལྔ་འཐོབ་པ། །དེ་ནི་ཡིད་ཀྱི་སྡོམ་པ་མཆོག་ཏུ་བརྗོད། །ཡིད་ཀྱི་སྡོམ་པ་གང་གིས་མཁས་པ་དག །ཚངས་པའི་གནས་བཞི་མ་ལུས་དེ་བཞིན་ཏེ། །སྟོང་ཉིད་མཚན་མེད་སྨོན་མེད་སྒོ་འཐོབ་པ། །དེ་ནི་ཡིད་ཀྱི་སྡོམ་པའི་མཆོག་ཏུ་བརྗོད། །ཡིད་ཀྱི་སྡོམ་པ་དག་དང་གང་
D127.055.0160b07.01