完整藏文原文 · 德格版页 当前仅加载第 55 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པར་འཛིན། །དེ་ནི་ཚིག་གཅིག་ལ་ཡང་ཐེ་ཚོམ་འབྱུང་མི་འགྱུར། །ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས་པ། །དེ་ནི་རྟག་ཏུ་བྱེ་བྲག་འཕགས་ཤིང་གཏོང་ལྡན་འགྱུར། །སྡུག་བསྔལ་དག་ལ་བདེ་བ་སྦྱིན་པའི་སྦྱིན་བདག་ཡིན། །སེམས་ཅན་སྡུག་
D127.055.0103a01.01བསྔལ་མཐོང་ནས་རིན་ཆེན་ཚིམ་པར་བྱེད། །ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས་པ། །དེ་ནི་རྟག་ཏུ་འཛམ་བུ་རྒྱལ་མཚན་རྒྱལ་པོར་འགྱུར། །དུས་ཀུན་དུ་ཡང་སྲོག་ཆགས་རྣམས་ལ་བྱམས་ལྡན་ཏེ། །རྟག་ཏུ་མཐའ་ཡས་པ་ཡི་བདེ་བ་བྱེད་པར་འགྱུར། །ཆོས་ཀྱི་རང་བཞིན་
D127.055.0103a02.01རྟག་ཏུ་སྟོང་པར་གང་ཤེས་པ། །དཔའ་བོ་བུ་དང་བུ་མོ་བྲན་དག་གཏོང་བར་བྱེད། །མགོ་དང་ལག་པ་དེ་བཞིན་རྒྱལ་སྲིད་ཡོངས་སུ་གཏོང་། །ཁྱུ་མཆོག་དེ་ཡི་ཡིད་ནི་ཞུམ་པར་ཡོང་མི་འགྱུར། །ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས་པ། །དེ་ཡི་ལུས་དང་ཡན་ལག་གལ་ཏེ་བཅད་
D127.055.0103a03.01གྱུར་ཀྱང་། །རྨི་ལམ་ན་ཡང་དེ་ཡི་ཡིད་ལ་ཁོང་ཁྲོ་མེད། །དེས་ནི་འདྲེན་པ་རྐང་གཉིས་གཙོ་བོ་མཆོད་པ་ཡིན། །ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས་པ། །དེས་ནི་འདས་པའི་འདྲེན་པ་ཐམས་ཅད་མཆོད་པ་ཡིན། །དེ་བཞིན་མ་བྱོན་པ་ཡི་རྐང་གཉིས་གཙོ་བོ་མཆོད། །དེས་ནི་འདྲེན་
D127.055.0103a04.01པ་བཞུགས་པ་ཐམས་ཅད་རི་མོར་བྱས། །གང་དག་མདོ་སྡེ་འདི་ཐོས་ཟད་པའི་དུས་ལ་འཛིན། །དེ་ནི་མཁས་པ་བདེ་བར་གཤེགས་པའི་མཛོད་འཆང་ཡིན། །དེ་ནི་གཟུངས་མཆོག་དག་ལ་རབ་ཏུ་གནས་པ་སྟེ། །དེ་ནི་རིང་པོར་མི་ཐོགས་འཇིག་རྟེན་འདྲེན་པར་འགྱུར། །གང་གིས་མདོ་སྡེ་
D127.055.0103a05.01འདི་དག་རབ་བཤད་མི་བརྗེད་པ། །མཁས་པ་དེ་ནི་ལོང་བར་ནམས་ཀྱང་མི་འགྱུར་ཏེ། །བསྐལ་པ་མང་པོར་ཡན་ལག་མ་ཚང་ཡོང་མི་འགྱུར། །དེས་ནི་མི་ཁོམ་བརྒྱད་པོ་དག་ཀྱང་རྟག་ཏུ་སྤངས། །དེ་ནི་ངན་འགྲོར་ནམ་ཡང་འགྲོ་བར་མི་འགྱུར་ཏེ། །རྟག་ཏུ་མཚན་རྣམས་འཆང་ཞིང་
D127.055.0103a06.01བྱད་བཞིན་བཟང་པོར་འགྱུར། །མངོན་ཤེས་ལྔ་པོ་དེ་དག་རྟག་པར་དེས་བསྒོམས་ཏེ། །དཔའ་བོ་དེ་ནི་རྟག་ཏུ་བདེ་གཤེགས་སྤྱན་སྔར་གནས། །ཡེ་ཤེས་ཅན་དེ་འཕྲུལ་པ་མང་པོ་སྤྲུལ་བྱས་ནས། །ཞིང་རྣམས་བྱེ་བ་མང་པོར་འདུལ་བའི་དོན་ཕྱིར་གཏོང་། །སངས་རྒྱས་སྤྲུལ་པ་མང་
D127.055.0103a07.01