完整藏文原文 · 德格版页 当前仅加载第 55 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་གཟུང་ཞིང་བཀླག་པར་གྱིས། །དེ་བཞིན་གཤེགས་པའི་བྱང་ཆུབ་འདི་ཡིན་ཏེ། །གཞོན་ནུ་ང་ཡི་ཚིག་ལ་དད་པར་གྱིས། །དེ་བཞིན་གཤེགས་པ་{བརྫུན་,རྫུན་}གྱི་ཚིག་མི་གསུང་། །འདི་འདྲའི་སེམས་ཅན་{བརྫུན་,རྫུན་}དུ་སྨྲ་བ་མེད། །སྔོན་གྱི་བསྐལ་པ་བརྒྱ་ཕྲག་བསམ་ཡས་སུ། །བྱང་ཆུབ་
D127.055.0142b01.01སྤྱད་པ་མཆོག་འདི་རབ་སྤྱོད་ཅིང་། །ཏིང་འཛིན་འདི་ནི་ཡོངས་སུ་ཚོལ་བའི་ཕྱིར། །ངས་ནི་བདག་ཏུ་ལྟ་བ་འདིར་སྦྱངས་སོ། །དེ་ཕྱིར་ཆོས་ཀྱི་མཛོད་འདི་མཉན་པར་གྱིས། །འདི་ལས་མདོ་སྡེ་བྱེ་བ་ཁྲག་ཁྲིག་འབྱུང་། །འདི་ནི་བསོད་ནམས་ཕུང་པོ་བསམ་ཡས་ཡངས། །འདིས་ནི་
D127.055.0142b02.01སངས་རྒྱས་ཡེ་ཤེས་མྱུར་དུ་འཐོབ། །མཁས་པ་འཇིགས་མེད་དེ་དག་གང་སྟོན་པ། །འདི་ནི་མདོ་སྡེ་ཀུན་གྱི་དམ་པའི་མདོ། །དགེ་བ་བསམ་གྱིས་མི་ཁྱབ་འབྱུང་གནས་ཏེ། །ཆོས་དེ་རྣམས་ལ་མཐའ་ཐུག་རྙེད་མི་འགྱུར། །སྟོང་ཆེན་དག་ནི་བཅད་ཅིང་བཤིག་ནས་སུ། །རྡུལ་གྱི་ཚོགས་
D127.055.0142b03.01རྣམས་བགྲང་བར་ནུས་ན་ཡང་། །མདོ་སྡེ་བརྒྱ་ཕྲག་བསམ་ཡས་ཚད་མེད་པ། །རྒྱུན་མི་ཆད་པར་དེ་སྟོང་བགྲང་མི་ནུས། །སངས་རྒྱས་ཞིང་གི་སེམས་ཅན་ཐམས་ཅད་ཀྱི། །ཕྱི་ནང་རྒྱུ་བའི་དབུགས་ནི་བགྲང་ནུས་ཀྱང་། །ཏིང་འཛིན་འདི་ལ་གནས་ནས་གང་སྟོན་པ། །མདོ་
D127.055.0142b04.01སྡེ་དེ་དག་མཐར་ཐུག་ནུས་མི་འགྱུར། །སངས་རྒྱས་ཞིང་ནི་གང་གཱའི་བྱེ་མ་སྙེད། །འགྲོ་བ་དེར་ཡང་སེམས་ཅན་གང་སྐྱེས་པ། །དེ་དག་སེམས་ནི་བགྲང་བར་ནུས་ཀྱང་སྲིད། །རྟག་སྟོན་མདོ་སྡེ་དེ་དག་བགྲང་མི་ནུས། །རྒྱ་མཚོ་ཆེན་པོའི་བྱེ་མ་ཅི་ཡོད་དང་། །ཀླུང་དང་མཚེའུ་
D127.055.0142b05.01དང་གཤོང་གི་བྱེ་མ་དག །བསྐལ་པ་བྱེ་བ་དག་གིས་བགྲང་ནུས་ཀྱང་། །དེ་དག་འཆད་པའི་མདོ་སྡེ་མཐའ་ཡས་སོ། །སངས་རྒྱས་ཞིང་ནི་བྱེ་བ་མང་པོ་ན། །ཆུ་ཡི་ཕུང་པོ་རྟག་འདུག་ཅི་ཡོད་པ། །བརྒྱ་ཚལ་སྐྲ་ཡི་རྩེ་མོས་བགྲང་ནུས་ཀྱང་། །དེ་ཡི་དབྱངས་ཀྱི་ཡན་ལག་ཀུན་མི་འགྲངས། །
D127.055.0142b06.01གང་སྔོན་འདིར་ནི་སེམས་ཅན་ཅི་འབྱུང་བ། །རང་གི་ལུས་ལ་སྙིང་པོར་འདོགས་པ་རྣམས། །བསྐལ་པ་བྱེ་བ་མང་པོས་བགྲང་ནུས་ཀྱང་། །དེ་དག་མདོ་སྡེ་སྒྲུབ་པ་ཤེས་མི་ནུས། །ཕྱོགས་བཅུ་དག་ན་སེམས་ཅན་ཅི་ཡོད་པ། །སྲོག་ཆགས་ཀུན་གྱི་སྒྲ་སྐད་བགྲང་ནུས་ཀྱང་། །དེ་དག་རྟག་ཏུ་མི་
D127.055.0142b07.01