完整藏文原文 · 德格版页 当前仅加载第 55 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར། །འདུ་ཤེས་དག་ནི་འགགས་ནས་སུ། །སངས་རྒྱས་མཐའ་ཡས་མཐོང་བར་འགྱུར། །དེ་འདྲ་བ་ཡི་ཡེ་ཤེས་ཀྱིས། །བྱང་ཆུབ་སྤྱོད་པ་སྤྱད་ནས་ནི། །སེམས་ཅན་ཀུན་གྱི་དོན་བྱས་ནས། །དོན་བྱེད་པ་ཡི་རྒྱལ་བར་འགྱུར། །གང་གིས་ཏིང་འཛིན་བཟུང་
D127.055.0110a01.01བ་ཡི། །མཁས་པས་འདིར་ནི་གང་འཐོབ་པ། །ཡོན་ཏན་ཕན་ཡོན་འདི་དག་སྟེ། །གཞན་ཡང་དཔག་ཏུ་མེད་པར་འགྱུར། །བུད་མེད་ཀྱིས་ཀྱང་མདོ་སྡེ་འདི། །ཐོས་ནས་ཚིགས་བཅད་གཅིག་བཟུང་ན། །བུད་མེད་དངོས་པོ་རྣམ་བསྒྱུར་ནས། །ཆོས་སྨྲ་བ་ཡང་དེ་འགྱུར་རོ། །དེ་ནི་
D127.055.0110a02.01ཕྱིས་ཀྱང་བུད་མེད་ཀྱི། །དངོས་པོ་འཛིན་པར་མི་འགྱུར་ཏེ། །མཚན་རྣམས་ཀྱིས་ནི་ལེགས་བརྒྱན་ཅིང་། །རྟག་ཏུ་བྱད་བཞིན་བཟང་པོར་འགྱུར། །མདོ་སྡེ་མཆོག་རབ་འདི་ཡི་ནི། །ཡོན་ཏན་དག་ཀྱང་མཆོག་བཤད་པ། །དེ་ལ་དེ་དག་ཐམས་ཅད་འབྱུང་། །བྱང་ཆུབ་ཉིད་ཀྱང་མྱུར་
D127.055.0110a03.01དུ་འཐོབ། །སངས་རྒྱས་ཀུན་གྱི་སྤྱོད་ཡུལ་ཏེ། །མདོ་སྡེ་འདི་ནི་བཟུང་ནས་སུ། །དེ་དག་སྐྱེ་བ་ཐམས་ཅད་དུ། །རྟག་ཏུ་འཇིགས་པ་མེད་པར་འགྱུར། །ཏིང་འཛིན་ཞི་བ་བཤད་པ་ནི། །བྱང་ཆུབ་སེམས་དཔའ་སྐྱེད་པ་སྟེ། །བྱང་ཆུབ་རྟོགས་པར་སུ་འདོད་པ། །མདོ་སྡེ་འདི་
D127.055.0110a04.01ནི་བརྗོད་པར་གྱིས། །དེ་དག་ཐུབ་དབང་བསྙེན་པ་སྟེ། །སངས་རྒྱས་བྱང་ཆུབ་ཉེ་བར་འགྱུར། །དེ་དག་རིང་པོར་མི་ཐོགས་པར། །མཉམ་གཞག་ཞི་བའི་ས་འདི་ཐོབ། །བྱང་ཆུབ་སེམས་དཔའ་དཔའ་བོ་དག །བྱང་ཆུབ་དེ་ལ་རྟག་གནས་ནས། །སངས་རྒྱས་དག་ནི་བྱེ་བ་རྣམས། །
D127.055.0110a05.01གང་གཱའི་བྱེ་སྙེད་མཐོང་བར་འགྱུར། །ཏིང་འཛིན་རྡུལ་བྲལ་ཞི་བ་འདི་ནི་དེས་ཐོབ་ནས། །ས་བདག་འཁོར་ལོས་སྒྱུར་བའི་རྒྱལ་པོར་དེ་འགྱུར་ཏེ། །སངས་རྒྱས་རྡུལ་བྲལ་ཤིན་ཏུ་སེམས་ཞི་རྣམས་མཐོང་ནས། །འཇིག་རྟེན་མགོན་པོ་དེ་དག་ཚིགས་བཅད་བརྒྱས་སྟོད་འགྱུར། །ཤིན་
D127.055.0110a06.01ཏུ་གྲགས་པ་ཆེན་པོ་ལྷ་དང་མི་ཡི་མཆོག །འདྲེན་པ་དག་ལ་མཆོད་པ་མཚུངས་མེད་དེས་བྱས་ཏེ། །དེས་ནི་རྒྱལ་སྲིད་མཆིལ་མ་བཞིན་དུ་ཡོངས་སྤངས་ནས། །གཙང་ཞིང་རྣམ་པར་དག་པས་ཚངས་པའི་སྤྱད་པ་སྤྱོད། །དེ་ནི་ཐུབ་པ་མཆོག་གི་བསྟན་ལ་རབ་བྱུང་ནས། །ཏིང་
D127.055.0110a07.01