完整藏文原文 · 德格版页 当前仅加载第 55 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་མངོན་པར་ཤེས་པ་རྙེད་མི་དཀའ། །མཐའ་ཡས་ཡེ་ཤེས་རྒྱལ་བ་མཐོང་བ་ཡང་། །སྲིད་པར་གྲུབ་པ་དག་ནི་རྙེད་མི་དཀའ། །སངས་རྒྱས་བྱེ་བ་ཁྲག་ཁྲིག་བསམ་མི་ཁྱབ། །ཏིང་འཛིན་འདི་འཆང་དེ་ཡིས་མཐོང་བར་འགྱུར། །དེ་ནི་རྒྱལ་བ་དེ་དག་ཐམས་ཅད་ལས། །ཏིང་འཛིན་ཞི་བ་
D127.055.0143b01.01འདི་ཡང་ཐོས་འགྱུར་ཏེ། །ཡང་དག་རིག་དང་དབང་གི་ཕ་རོལ་ཕྱིན། །སངས་རྒྱས་ཡེ་ཤེས་མཆོག་དང་ལྡན་པར་འགྱུར། །སྟོང་ཆེན་གྱི་ནི་འཇིག་རྟེན་ཁམས་འདི་དག །ལྷ་རྫས་ནོར་བུ་རིན་ཆེན་བཟང་མཆོག་གིས། །འོག་ནས་བཟུང་སྟེ་སྲིད་པའི་རྩེ་མོའི་བར། །ནོར་བུ་རིན་ཆེན་དག་གིས་
D127.055.0143b02.01གང་གྱུར་དང་། །ཞིང་ཡང་མཐའ་ཡས་རྣམ་མང་ཇི་སྙེད་པ། །འཛམ་བུའི་ཆུ་བོའི་གསེར་བཀྲམ་གང་བ་ཀུན། །ས་ཡི་འོག་ནས་སྲིད་པའི་རྩེ་མོའི་བར། །ཐམས་ཅད་རྒྱལ་བའི་མཆོག་ལ་སྦྱིན་པ་བྱིན། །སེམས་ཅན་རྣམ་པ་མང་པོ་ཇི་སྙེད་པ། །བསྐལ་པ་མཐའ་ཡས་མང་པོར་སྦྱིན་པ་བྱིན། །
D127.055.0143b03.01སངས་རྒྱས་རྣམས་ལ་ཁོར་མོར་མི་ཆད་བྱིན། །བྱང་ཆུབ་འདོད་ཕྱིར་བྱིན་པའི་སྦྱིན་ཚོགས་ལ། །དགེ་སློང་གང་དག་སྟོང་ཉིད་མངོན་དགའ་ཞིང་། །སྟོབས་བཅུ་ལ་ནི་ཐལ་སྦྱར་ཕྱག་འཚལ་ན། །བྱང་ཆུབ་སེམས་དཔའ་སྟོང་ཉིད་མངོན་དགའ་ལ། །སྦྱིན་པའི་ཕུང་པོ་སྔ་མས་ཆར་མི་འཕོད། །
D127.055.0143b04.01བསོད་ནམས་ལྡན་པའི་མི་དེས་དེ་རྙེད་ནས། །སངས་རྒྱས་བྱང་ཆུབ་མཚུངས་མེད་ཚོལ་བའི་ཕྱིར། །དད་པ་རྒྱ་ཆེར་བསྐྱེད་ནས་སྦྱིན་པ་བྱིན། །དེ་ཡི་དཔེ་འདི་སྐྱེས་བུ་དམ་པས་བསྟན། །སུ་དག་ཏིང་འཛིན་དམ་པའི་མཆོག་འདི་ལས། །ཚིག་བཞིའི་ཚིགས་བཅད་སེམས་དགའ་འཛིན་པ་ཡང་། །
D127.055.0143b05.01དེ་ཡི་བསོད་ནམས་ཕུང་པོ་བསགས་པ་ལ། །སྦྱིན་པ་དེ་ཀུན་བརྒྱ་ཡི་ཆར་མི་ཕོད། །ཏིང་འཛིན་རྡུལ་བྲལ་ཞི་བ་མ་ཐོས་པར། །ཕན་བྱེད་བྱང་ཆུབ་སེམས་དཔས་སྦྱིན་བྱིན་ཀྱང་། །ཐོས་པས་སངས་རྒྱས་ཡེ་ཤེས་མྱུར་ཐོབ་ལྟར། །དེ་ཙམ་སངས་རྒྱས་ཡེ་ཤེས་མྱུར་མི་འཐོབ། །གང་གིས་ཞིང་
D127.055.0143b06.01མཆོག་ས་འདི་ཐོབ་ནས་སུ། །རྡུལ་བྲལ་ཏིང་འཛིན་སྟོང་པའི་རིགས་འདི་ནི། །བྱང་ཆུབ་སེམས་དཔའ་དགའ་བས་རྟོགས་བྱེད་པ། །དེས་ནི་སངས་རྒྱས་ཡེ་ཤེས་མྱུར་དུ་འཐོབ། །གང་གིས་འདི་ལྟ་བུ་ཡི་གཏེར་རྙེད་པ། །ཞིང་རྣམས་མཐའ་ཡས་གང་གཱའི་བྱེ་མ་སྙེད། །དེ་དག་ལྷ་དང་དེ་བཞིན་མི་རྣམས་ཀྱི། །ནོར་བུ་
D127.055.0143b07.01