完整藏文原文 · 德格版页 当前仅加载第 55 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་གང་བར་འཁོད་དེ། མེ་ཏོག་དང་སྤོས་དང་ཕྲེང་བ་དང་བྱུག་པ་དང་ཕྱེ་མ་དང་རིན་པོ་ཆེའི་ཆར་རབ་ཏུ་འབེབས་ཤིང་། བཅོམ་ལྡན་འདས་ཆུ་དྲོན་ཡོད་པའི་སྒོ་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་གདུགས་ཚོད་ལ་གཤེགས་སོ། །དེའི་ཆོས་ཉིད་ནི་འདི་ཡིན་ཏེ། དེ་ལ་འདི་
D127.055.0034a01.01སྐད་ཅེས་བྱའོ། །སངས་རྒྱས་དེ་བཞིན་གཤེགས་པས་དུས་མཁྱེན་ནས། །དཔའ་བོ་ཡོན་ཏན་ཀུན་གྱི་རབ་བརྒྱན་པ། །ཞིང་རྣམས་བསམ་གྱིས་མི་ཁྱབ་སྣང་མཛད་ཅིང་། །བཅོམ་ལྡན་མི་ཡི་སེང་གེ་གཤེགས་པར་གྱུར། །སྤྱན་རས་གཟིགས་དང་མཐུ་ཆེན་དོན་ཡོད་དང་། །སྤོས་ཀྱི་བལ་
D127.055.0034a02.01གླང་རིན་ཆེན་ལག་{བཟངས་,བཟང་}དང་། །རིན་ཆེན་ཏོག་དང་འབྱུང་དཀའ་དཔའ་བོ་དང་། །དེ་དང་གཞན་དག་རྒྱལ་བའི་ཞབས་འབྲིང་བྱེད། །གཡས་ཕྱོགས་ན་ནི་མི་ཕམ་འདུག་གྱུར་ཏེ། །དེ་མིང་བྱམས་པ་ཡོན་ཏན་མཐའ་ཡས་ཕྱུག །བར་དུ་མ་ཆོད་སངས་རྒྱས་འགྱུར་བ་སྟེ། །བསོད་ནམས་
D127.055.0034a03.01ཡེ་ཤེས་ཚོགས་ཀྱང་རབ་ཏུ་རྫོགས། །བྱམས་དང་བཏང་སྙོམས་དགའ་བས་ལུས་བསྒོམས་ཤིང་། །ཆོས་ཀྱི་བདག་ཉིད་ཆེན་པོ་སྙིང་རྗེས་སྐྱེད། །ཡོན་ཏན་མཐའ་ཡས་ཐུབ་དབང་ཡོན་ཏན་སེམས། །བདེ་གཤེགས་ཐུགས་རྗེ་ཅན་གྱི་ཞབས་འབྲིང་བྱེད། །དེ་ཡི་རྗེས་ལ་བསྐལ་པ་བཟང་
D127.055.0034a04.01པོ་ཡི། །བློ་གྲོས་ཆེན་པོ་ལྡན་པ་ཇི་སྙེད་པའི། །སངས་རྒྱས་སྟོང་དུ་བཞིས་མ་ཚང་བ་དག །དེ་དག་གིས་ཀྱང་བྱམས་པ་མདུན་དུ་བདར། །གང་སྔོན་རྒྱལ་པོའི་ཁབ་ཀྱི་གྲོང་ཁྱེར་འདིར། །བསྐལ་པ་དག་ལ་རྒྱལ་བ་མཐའ་ཡས་མཆོད། །ཟླ་བ་མཛེས་པའི་འོད་འདྲ་ལྷ་ཡི་ལུས། །ཟླ་འོད་
D127.055.0034a05.01དཔའ་བོ་ཡང་ནི་མདུན་ན་འདུག །སྙིང་རྗེ་མཆོག་གི་གཡོན་ཕྱོགས་འདུག་པ་ནི། །འཇམ་དཔལ་བྱེ་བ་བརྒྱ་ཕྲག་མང་པོ་དང་། །དཔའ་བོ་རྫུ་འཕྲུལ་སྟོབས་ཀྱིས་མངོན་འཕགས་པ། །བརྒྱ་ཕྲག་མཐའ་ཡས་ཞིང་དུ་འགྲོ་བའོ། །དེ་ཡི་འོག་ཏུ་ཉན་ཐོས་དགེ་འདུན་ཏེ། ཤཱ་རིའི་བུ་འོག་མཽད་གལ་ནག་
D127.055.0034a06.01པོ་དང་། །འོད་སྲུང་རབ་འབྱོར་དགའ་བོ་ཀ་ཕི་ན། །བཟང་ལྡན་རྒྱལ་པོ་དེ་བཞིན་ཀཽཎྜི་ནྱ། །ཀུན་དགའ་དེ་བཞིན་གནས་བརྟན་སྒྲ་གཅན་ཟིན། །ལེགས་འོངས་ཀྲོན་ཙི་གང་པོ་འཆར་བ་པོ། །ནམ་གྲུ་གསུས་ཆེན་ཉེ་འཁོར་མ་འགགས་པ། །རལ་པ་ཅན་ནི་སྟོང་དུ་ཚང་བ་དག །ཉན་ཐོས་དགེ་འདུན་
D127.055.0034a07.01