完整藏文原文 · 德格版页 当前仅加载第 55 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་དག་གིས་ཡང་དག་བསྔགས། །སེམས་ཅན་བྱེ་བ་ཁྲག་ཁྲིག་མང་པོ་དག །ཆོས་ལ་གནས་ནས་ཤེས་པས་མགུ་བར་བྱེད། །དེ་དང་དེ་དག་བདག་པོ་དེད་དཔོན་ཏེ། །གསལ་བ་སེམས་ཅན་རྣམས་ཀྱི་སྐྱབས་འདོད་པ། །སེམས་ཅན་རིན་ཆེན་ལམ་ལ་རྨོངས་གྱུར་ཅིང་། །རྟག་ཏུ་བདུད་ཀྱི་སྙིང་
D127.055.0145a01.01ཞུགས་མཐོང་ནས་ནི། །དེ་དག་ལ་ཡང་ལམ་མཆོག་ཞི་ཞིང་བདེ། །རྟག་པར་མྱ་ངན་འདས་པ་རབ་ཏུ་སྟོན། །མཁས་པ་དག་ནི་ཡེ་ཤེས་ལམ་དེ་ཡིས། །སེམས་ཅན་མང་པོ་བྱེ་བརྒྱ་འདྲེན་པར་བྱེད། །དེ་དང་དེ་དག་གནས་དང་རྟེན་དུ་འགྱུར། །སྐྱབས་དང་མིག་དང་སྒྲོན་མ་བྱེད་པ་ཡིན། །འཇིགས་པ་རྣམས་
D127.055.0145a02.01ལ་མི་འཇིགས་རབ་ཏུ་སྦྱིན། །སྐྲག་པ་རྣམས་ཀྱང་རྟག་ཏུ་དབུགས་འབྱིན་བྱེད། །དེ་དག་སེམས་ཅན་ཤིན་ཏུ་སྡུག་བསྔལ་དང་། །དམུས་ལོང་གྱུར་པ་འདི་དག་རིག་ནས་ནི། །ཡང་དག་ཚུལ་བསླབས་རིན་ཆེན་ཆོས་རྣམས་ཀྱིས། །ཆོས་ཀྱི་སྣང་བ་དག་ཀྱང་བྱེད་པར་འགྱུར། །འཇིག་རྟེན་ན་ནི་བཟོ་མཆོག་ཅི་ཡོད་
D127.055.0145a03.01པ། །བཟོ་བོ་བྱེད་པས་སེམས་ཅན་ཕན་འགྱུར་ཞིང་། །གང་གིས་སེམས་ཅན་རྟག་ཏུ་བདེར་འགྱུར་བ། །བཟོ་ཡི་རྣམ་པ་དེ་དག་ཤིན་ཏུ་བསླབས། །སུ་དག་བྱང་ཆུབ་ཏུ་ནི་མངོན་ཞུགས་ཏེ། །བློ་གྲོས་ལྡན་ཞིང་འཇིག་རྟེན་མིག་སྦྱིན་པ། །བསླབས་པ་རྣམས་ལ་མཆོག་གི་ཕ་རོལ་ཕྱིན། །མཁས་རབ་འཇིག་རྟེན་
D127.055.0145a04.01ན་ཡང་ངོ་མཚར་ཐོབ། །སངས་རྒྱས་དག་གི་ཆོས་མཆོག་ཐོས་པ་ཡིས། །མཚུངས་པ་མེད་པ་ངོམས་པར་ཡོང་མི་འགྱུར། །ཚུལ་ཁྲིམས་བཟོད་དང་ཏིང་འཛིན་ཕ་རོལ་ཕྱིན། །ཟབ་མོ་ཡི་ནི་ཆོས་རྣམས་ཤིན་ཏུ་ཐོས། །དེ་དག་ཞི་བ་རིན་ཆེན་ཆོས་རྣམས་ནི། །གཞན་ལ་སྟོན་པས་ངོམས་པར་མི་འགྱུར་ཏེ། །
D127.055.0145a05.01ཐར་བའི་ཐབས་ཀྱི་ཆར་ཡང་རབ་འབེབས་ཤིང་། །ཆོས་ཀྱིས་སྐྱེས་བུ་དག་ནི་ཚིམ་པར་བྱེད། །དེ་ཡི་དྲུང་དུ་སེམས་ཅན་མང་པོ་ནི། །ཆོས་འདོད་མཁས་པ་ཇི་སྙེད་ལྷགས་ནས་སུ། །ཆོས་མཆོག་བཟང་པོ་དམ་པ་རིན་པོ་ཆེ། །དྲང་ཞིང་གསལ་བའི་ལམ་རྣམས་མཉན་སྙམ་པ། །དེ་དག་བློ་གྲོས་འཆང་བས་
D127.055.0145a06.01ཐེ་ཚོམ་བཅད། །ཆོས་ཀྱིས་དེ་དག་ཤིན་ཏུ་མགུ་བར་བྱེད། །ཚུལ་ཁྲིམས་བཟོད་དང་ཏིང་འཛིན་ཕ་རོལ་ཕྱིན། །སེམས་ཅན་རྣམས་ཀྱི་བསམ་པ་རབ་ཏུ་ཤེས། །ཡེ་ཤེས་ལྡན་ཞིང་ཡེ་ཤེས་མཆོག་རབ་ཀྱི། །ཕ་རོལ་ཕྱིན་པ་སེམས་ཅན་བསམ་ལ་མཁས། །སེམས་ཅན་ཕ་རོལ་སེམས་དང་སྤྱོད་པ་དང་། །གང་
D127.055.0145a07.01