完整藏文原文 · 德格版页 当前仅加载第 55 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱི་ཚད་ནི་ཤེས་པར་སླ་མ་ཡིན། །ཕྱོགས་བཅུའི་སངས་རྒྱས་ཞིང་ན་སེམས་ཅན་ཅི་ཡོད་པ། །སེམས་ཅན་དེ་དག་གི་ནི་སྒྲ་སྐད་གཟུང་ནུས་ཀྱང་། །བྱང་ཆུབ་སེམས་དཔའ་ནམ་ཞིག་ཏིང་འཛིན་འདི་ཐོབ་ན། །དེ་ཡི་སེམས་ཀྱི་མཐའ་ནི་ཤེས་པར་སླ་མ་ཡིན། །དེས་ནི་རྡུལ་
D127.055.0111b01.01བྲལ་ཞི་བའི་ཏིང་འཛིན་འདི་ཐོབ་ནས། །ཀུན་ནས་ཉོན་མོངས་མེད་ཅིང་གོས་པ་མེད་པར་འགྱུར། །ནམ་ཞིག་དེས་ནི་ཏིང་འཛིན་ཞི་བ་ཐོབ་པའི་ཚེ། །ཕྱིར་ཡང་སྲེད་པ་གསུམ་ལ་ནམ་ཡང་ཆགས་མི་བྱེད། །ནམ་ཞིག་རྡུལ་དང་བྲལ་བའི་ཏིང་འཛིན་འདི་ཐོབ་ན། །འདོད་པ་དག་ལ་མི་སྲེད་
D127.055.0111b02.01གཟུགས་ལ་མི་སྲེད་དེ། །བུད་མེད་དག་ལ་མི་སྲེད་སེམས་ཀྱང་འཁྲུལ་པ་མེད། །ཞི་ཞིང་རབ་ཏུ་ཞི་བ་གོས་པ་མེད་པར་འགྱུར། །ནམ་ཞིག་རྡུལ་དང་བྲལ་བའི་ཏིང་འཛིན་འདི་ཐོབ་ན། །བུ་ལ་མི་སྲེད་བུ་མོ་དག་ལའང་སྲེད་མི་འགྱུར། །ཆུང་མ་དག་ལའང་མི་སྲེད་གཡོག་ལའང་སྲེད་པ་མེད། །རབ་
D127.055.0111b03.01ཏུ་ཞི་བར་སྤྱོད་ཅིང་གོས་པ་མེད་པར་འགྱུར། །གསེར་ལ་མི་སྲེད་ནོར་རྣམས་ལ་ཡང་སྲེད་མེད་དེ། །མཐོ་རིས་མི་སྲེད་རིན་ཆེན་རྫས་ལ་ཆགས་མི་འགྱུར། །སེམས་ཀྱང་ཤིན་ཏུ་རྣམ་པར་དག་ཅིང་མི་རྟོག་པ། །འདི་ནི་ཏིང་ངེ་འཛིན་རྣམས་ཐོབ་པའི་བྱེ་བྲག་ཡིན། །རྒྱལ་སྲིད་འདོད་ཕྱིར་
D127.055.0111b04.01ཚངས་པར་སྤྱོད་པ་དེ་མི་སྤྱོད། །མཁས་པ་མཐོ་རིས་སྲེད་པས་རྟག་ཏུ་སྦྱིན་མི་བྱེད། །བྱང་ཆུབ་སེམས་དཔའ་བྱང་ཆུབ་འདོད་པས་སྦྱིན་བྱེད་དེ། །འདི་ནི་ཏིང་ངེ་འཛིན་དག་ཐོབ་པའི་བྱེ་བྲག་གོ། །རྒྱལ་པོའི་སྲིད་ཕྱིར་དཀའ་ཐུབ་བརྟུལ་ཞུགས་མི་སྤྱོད་དོ། །སྲིད་པ་གསུམ་དུ་དབང་ཕྱུག་འདོད་
D127.055.0111b05.01པའི་ཕྱིར་མ་ཡིན། །སྐྱེ་བོ་མང་ལ་ཕན་ཕྱིར་བྱང་ཆུབ་སྲེད་པ་ཡིས། །དེ་ནི་རྡུལ་དང་བྲལ་བའི་ཏིང་འཛིན་འདི་སྒྲུབ་བོ། །གླུ་ལ་མི་སྲེད་གར་ལའང་སྲེད་པ་མ་ཡིན་ཏེ། །སྤོས་ལ་མི་སྲེད་བཏུང་བ་དག་ལའང་སྲེད་མ་ཡིན། །ཟས་ལའང་མི་སྲེད་གོས་ལ་ཡང་ནི་སྲེད་མི་འགྱུར། །འདི་
D127.055.0111b06.01ནི་ཏིང་ངེ་འཛིན་དག་ཐོབ་པའི་བྱེ་བྲག་ཡིན། །མིག་ལ་མི་སྲེད་རྣ་བ་ལ་ཡང་སྲེད་མ་ཡིན། །སྣ་ལ་མི་སྲེད་ལྕེ་ལ་སྲེད་པ་མ་ཡིན་ཞིང་། །ལུས་ལ་མི་སྲེད་སེམས་ལ་ཡང་ནི་སྲེད་མི་འགྱུར། །འདི་ནི་ཏིང་ངེ་འཛིན་དག་ཐོབ་པའི་བྱེ་བྲག་ཡིན། །ཁྱིམ་ལ་མི་སྲེད་དགོན་པར་སྲེད་པ་མ་ཡིན་
D127.055.0111b07.01