完整藏文原文 · 德格版页 当前仅加载第 55 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སངས་རྒྱས་བདག་འགྱུར་སྙམ། །དེ་ལྟར་གང་གི་བློ་འགྱུར་བ། །སྲིད་པའི་སྲེད་པས་ཡོང་མི་གཟིར། །མཁས་པ་བྱང་ཆུབ་རྟོགས་པར་འགྱུར། །བྱང་ཆུབ་སེམས་དཔའ་མཉམ་བཞག་པ། །ཆོས་ནི་གང་ལའང་སྨོན་མི་བྱེད། །ཅི་ཡང་མེད་ཅིང་དམིགས་པ་མེད། །དེ་ནི་བྱང་
D127.055.0108b01.01ཆུབ་བརྗོད་པ་ཡིན། །བྱང་ཆུབ་ཏུ་ནི་ངེས་ཞུགས་ཤེས། །མང་དུ་དེ་སྐད་སྨྲ་མོད་ཀྱི། །འཇུག་པ་འདི་ནི་མི་ཤེས་པས། །དེ་དག་སངས་རྒྱས་བྱང་ཆུབ་རིང་། །འདུ་བྱེད་ཐམས་ཅད་སྟོང་པར་ནི། །སྒྲ་ཡིས་ཆོས་རྣམས་རབ་ཏུ་བཤད། །སྒྲ་ཡི་རང་བཞིན་གང་ཡིན་པ། །ཟབ་ཅིང་ཕྲ་སྟེ་
D127.055.0108b02.01མཐོང་བར་དཀའ། །མངོན་ཤེས་ཆེ་ལ་མདོ་སྡེ་འདི། །ངེས་པར་བསྟན་ཞེས་བྱ་བ་ཡིན། །བྱང་ཆུབ་སེམས་དཔའི་དོན་ཕྱིར་ནི། །སངས་རྒྱས་རྣམས་ཀྱིས་བསྟན་མཛད་དོ། །ཀུན་ནས་ཉོན་མོངས་ཇི་སྙེད་པ། །གཉེན་པོ་ཐམས་ཅད་དེ་ཡིས་བཅོམ། །མངོན་པར་ཤེས་ལ་རབ་གནས་ཤིང་། །
D127.055.0108b03.01དེ་དག་རྫུ་འཕྲུལ་ཤིན་ཏུ་བསྒོམས། །བསམས་ནས་ཤེས་ལ་དེ་གནས་ཏེ། །ཤེས་པ་དེ་ཡང་རྣམ་པར་བཤིག །བསམ་གྱིས་མི་ཁྱབ་དཔག་མེད་ཀྱི། །ཡེ་ཤེས་ཐོབ་པས་ངོམས་པ་མེད། །ཏིང་ངེ་འཛིན་དང་རྫུ་འཕྲུལ་ཕྱིར། །དེ་དག་མངོན་པར་འདུ་བྱེད་མེད། །དཔའ་བོའི་རྣམ་
D127.055.0108b04.01སྨིན་དེ་ཡིན་ཏེ། །དུས་ཀུན་དུ་ཡང་མཉམ་པར་བཞག །རྣམ་སྨིན་སྐྱེས་པའི་རྫུ་འཕྲུལ་གྱིས། །ཞིང་ནི་བྱེ་བར་དེ་འགྲོ་སྟེ། །འཇིག་རྟེན་སྒྲོན་མ་མཐོང་བ་ནི། །གང་གཱ་དག་གི་བྱེ་མ་སྙེད། །དེ་དག་འཆི་འཕོ་སྐྱེ་བ་ཡང་། །སེམས་གཞན་དུ་ནི་སྒྱུར་བར་བྱེད། །སེམས་ལ་དབང་
D127.055.0108b05.01ཡང་ཐོབ་པས་ན། །དེ་དག་ལུས་ནི་འོད་གསལ་ལོ། །སངས་རྒྱས་དག་གི་ཉན་ཐོས་གང་། །བསྒོམས་པའི་རྫུ་འཕྲུལ་གནས་པ་ནི། །འདུ་བྱེད་མེད་པའི་རྫུ་འཕྲུལ་ལ། །དེ་དག་བཅུ་དྲུག་ཆར་མི་ཕོད། །ལྷ་རྣམས་ཀྱིས་ཀྱང་དེ་དག་གི། །བསམ་པ་ཤེས་པར་མི་ནུས་ཏེ། །འཇིག་
D127.055.0108b06.01རྟེན་གྱི་ནི་མགོན་པོ་དང་། །དེ་དག་མཚུངས་གནས་མ་གཏོགས་སོ། །དེ་དག་སྤྱི་ཅེར་མི་འགྱུར་ཏེ། །མགོ་ལ་སྐྲ་དཀར་མི་འབྱུང་ཞིང་། །རགས་པའི་རྒ་བ་མི་འབྱུང་སྟེ། །དེ་བཞིན་སྡུག་བསྔལ་འཆི་བ་མེད། །ཐེ་ཚོམ་ཡིད་གཉིས་མི་འབྱུང་སྟེ། །དེ་དག་ལ་ནི་ནེམ་ནུར་མེད། །
D127.055.0108b07.01