完整藏文原文 · 德格版页 当前仅加载第 55 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་མགོ་ཡི་ནད་རྣམས་ཀྱང་། །འཚོ་བའི་འཇིག་རྟེན་དག་ན་དེ་ལ་ནད་མི་འབྱུང་། །རྡུལ་དང་བྲལ་བའི་ཏིང་འཛིན་ཞི་བ་འདི་བཟུང་ན། །མི་ཡི་འཇིག་རྟེན་ནད་རྣམས་མང་པོ་ཅི་ཡོད་པ། །ལུས་ཀྱི་ནད་དང་དེ་བཞིན་སེམས་ཀྱི་ནད་རྣམས་དང་། །དེ་ལ་ནད་ཀྱང་དེ་དག་རྟག་
D127.055.0111a01.01ཏུ་ཡོང་མི་འབྱུང་། །རྡུལ་དང་བྲལ་བའི་ཏིང་འཛིན་ཞི་བ་འདི་བཟུང་ན། །སེམས་ལ་ཀུན་ནས་ཉོན་མོངས་པ་ནི་གང་ཡོད་དང་། །ལུས་ལ་ཡང་ནི་ནད་ཀྱི་རྣམ་པ་གང་ཡོད་པ། །ཀུན་ནས་ཉོན་མོངས་མང་པོ་དེ་དག་དེ་ལ་མེད། །རྡུལ་དང་བྲལ་བའི་ཏིང་འཛིན་ཞི་བ་འདི་བཟུང་ན། །བར་སྣང་
D127.055.0111a02.01ནམ་མཁའ་དག་ལ་གོས་པ་མེད་པ་ལྟར། །རྣམ་པར་དག་ཅིང་རྒྱ་ཆེ་རབ་ཏུ་འོད་གསལ་ཏེ། །དེ་བཞིན་དེ་ཡི་སེམས་ཀྱང་རྣམ་པར་དག་པར་འགྱུར། །རྡུལ་དང་བྲལ་བའི་ཏིང་འཛིན་ཞི་བ་འདི་བཟུང་ན། །ཟླ་བའི་འོད་དང་དེ་བཞིན་ཉི་མའི་འོད་རྣམས་ནི། །དག་ཅིང་གཟུང་དུ་མེད་ལ་རབ་
D127.055.0111a03.01ཏུ་འོད་གསལ་བ། །དེ་བཞིན་དེ་ཡི་སེམས་ཀྱང་ཤིན་ཏུ་འོད་གསལ་འགྱུར། །ཇི་ལྟར་ཚོན་རྩི་ཐོགས་ནས་བར་སྣང་ནམ་མཁའ་ལ། །རྣམ་པ་མང་པོ་དུ་མའི་གཟུགས་རྣམས་བྲི་བར་དཀའ། །དེ་བཞིན་རྡུལ་བྲལ་ཞི་བའི་ཏིང་འཛིན་འདི་བསྒོམས་ན། །དེ་ཡི་སེམས་ལ་རི་མོར་བྲི་བ་སླ་
D127.055.0111a04.01མ་ཡིན། །རླུང་ནི་ཇི་ལྟར་ཕྱོགས་བཞི་དག་ནས་ལངས་པ་དང་། །ཐོགས་པ་མེད་པར་ཕྱོགས་རྣམས་ཀུན་ཏུ་འགྲོ་བར་འགྱུར། །དེ་ཡི་སེམས་ཀྱི་རྒྱུད་ཀྱང་རླུང་དང་འདྲར་འགྱུར་ཏེ། །དེ་ནི་འཇིག་རྟེན་དག་ན་ཐོགས་མེད་མ་ཆགས་འགྲོ། །རླུང་ལངས་པ་ནི་རྒྱ་མོས་གཟུང་དུ་རུང་ཡང་
D127.055.0111a05.01སྲིད། །རླུང་ནི་ཞགས་པ་དག་གིས་བཅིང་བར་ནུས་གྱུར་ཀྱང་། །རྡུལ་དང་བྲལ་བ་ཞི་བའི་ཏིང་འཛིན་འདི་བསྒོམས་ན། །དེ་ཡི་སེམས་ནི་རབ་ཏུ་ཤེས་པར་སླ་མ་ཡིན། །གཟུགས་བརྙན་དག་ནི་ཆུ་ཡི་ནང་དུ་གཟུང་བར་རུང་། །འབྲུ་མར་གང་བའི་སྣོད་དང་ཆུ་ཡི་ནང་དུ་འབྱུང་། །
D127.055.0111a06.01དེ་བཞིན་རྡུལ་བྲལ་ཞི་བའི་ཏིང་འཛིན་འདི་བསྒོམས་ན། །དེ་ཡི་སེམས་ནི་རབ་ཏུ་ཤེས་པར་སླ་མ་ཡིན། །སྤྲིན་ལས་འབྲུག་ཟེར་གློག་གི་འཁྲི་ཤིང་བྱུང་བ་དག །མི་དག་གི་ནི་ལག་པས་གཟུང་བར་ནུས་གྱུར་ཀྱང་། །རྡུལ་དང་བྲལ་བ་ཞི་བའི་ཏིང་འཛིན་འདི་ཐོབ་ན། །དེ་ཡི་
D127.055.0111a07.01