完整藏文原文 · 德格版页 当前仅加载第 50 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་རྣམས་མཐོང་ཞིང་། སངས་རྒྱས་བཅོམ་ལྡན་འདས་དེ་དག་གིས་ཆོ་འཕྲུལ་གང་དག་རྣམ་པར་བསྟན་པ་དེ་དག་ཀྱང་མཐོང་ལ་བདག་ཅག་གིས་མི་མཐོང་བར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་རིན་
D112.050.0130b01.01པོ་ཆེ་རྣམ་པར་སྣང་བྱེད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་སེམས་ཅན་བྱེ་བ་ཁྲག་ཁྲིག་འབུམ་ཕྲག་མང་པོ་རྣམས་ཀྱི་དགེ་བའི་རྩ་བ་ཡོངས་སུ་སྨིན་པར་བྱ་བའི་དོན་དུ་དེ་བཞིན་གཤེགས་པ་པད་མ་དམ་པས་བྱང་ཆུབ་ཐོབ་པའི་ཆོ་འཕྲུལ་
D112.050.0130b02.01རྣམ་པར་བསྟན་པར་བྱ་བ་དང་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཡོངས་སུ་དྲི་བའི་ཕྱིར་དེ་བཞིན་གཤེགས་པ་ལ་དོན་དེ་ལྟ་བུ་ཡོངས་སུ་ཞུ་བར་སེམས་པ་ནི་ཁྱོད་ཀྱི་སྤོབས་པ་དགེ་བ་ཡིན་ཏེ་ཁྱོད་ཀྱིས་ཡོངས་སུ་ཞུས་པ་ལེགས་པ་ཡིན་ནོ། །རིགས་ཀྱི་བུ་དེའི་ཕྱིར་ཁྱོད་ལེགས་པར་རབ་ཏུ་ཉོན་ལ་
D112.050.0130b03.01ཡིད་ལ་ཟུང་ཤིག་དང་བཤད་པར་བྱའོ། །བྱང་ཆུབ་སེམས་དཔའ་རིན་པོ་ཆེ་རྣམ་པར་སྣང་བྱེད་ཀྱིས་བཅོམ་ལྡན་འདས་དེ་བཞིན་ནོ་ཞེས་གསོལ་ཏེ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་རིན་པོ་ཆེ་རྣམ་པར་སྣང་བྱེད་ལ་འདི་སྐད་ཅེས་བཀའ་
D112.050.0130b04.01སྩལ་ཏོ། །རིགས་ཀྱི་བུ་འདི་ནས་ཤར་ལྷོའི་ཕྱོགས་ལོགས་སུ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་གང་གཱའི་ཀླུང་གི་བྱེ་མ་སྙེད་དག་གི་སངས་རྒྱས་ཀྱི་ཞིང་རྣམས་འདས་པ་ན། འཇིག་རྟེན་གྱི་ཁམས་པད་མ་ཞེས་བྱ་བ་ཡོན་ཏན་སྣ་ཚོགས་ཀྱིས་བརྒྱན་པ། མེ་ཏོག་སྣ་ཚོགས་བཀྲམ་པ།
D112.050.0130b05.01སྤོས་སྣ་ཚོགས་ཀྱིས་ཁྱབ་པ། རིན་པོ་ཆེའི་ཤིང་ལྗོན་པ་དག་གིས་བརྒྱན་པ། རིན་པོ་ཆེའི་པད་མ་དག་གིས་ཀུན་ཏུ་གང་བ་ཞིག་ཡོད་དེ། དེ་ནས་གཞི་ནི་བཻ་དཱུརྱ་སྔོན་པོ་ལས་གྲུབ་ཅིང་། བྱང་ཆུབ་སེམས་དཔའ་དག་གིས་ཀུན་ཏུ་གང་ལ་ཆོས་ཀྱི་སྒྲས་ཁྱབ་པ་ཡིན་ནོ། །བཻ་དཱུརྱ་ལས་གྲུབ་པའི་ས་
D112.050.0130b06.01གཞི་དེ་ཡང་ཀ་ཙ་ལིན་དི་ཀ་ལྟར་རེག་ན་བདེ་ཞིང་འཇམ་ལ། རྐང་པ་བཞག་ན་ནི་སོར་བཞི་ཙམ་ནེམས་ཞེས་བྱེད། རྐང་པ་བཏེག་ན་ནི་སོར་བཞི་ཙམ་པར་ཅེས་བྱེད་ཅིང་པད་མ་སྣ་ཚོགས་དག་གིས་ཀུན་ཏུ་གང་བ་ཡིན་ནོ། །དེ་ན་རིན་པོ་ཆེ་སྣ་བདུན་གྱི་ཤིང་ལྗོན་པ་འཕང་དུ་དཔག་ཚད་བདུན་གྱི་སྲིད་ཙམ་
D112.050.0130b07.01