完整藏文原文 · 德格版页 当前仅加载第 50 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བལྟ་བའི་སླད་དུ་སངས་རྒྱས་ཀྱི་ཞིང་ཡང་དག་རྟོག་དེར་མཆི་ལགས་སོ། །རིགས་ཀྱི་བུ་དེ་བཞིན་གཤེགས་པ་རིན་ཆེན་ཟླ་བ་དེས་བཀའ་སྩལ་པ། རིགས་ཀྱི་བུ་དག་དེའི་དུས་ལ་དབབ་པར་ཤེས་ན་དེང་ལ། དེར་དེ་བཞིན་གཤེགས་པ་རིན་པོ་ཆེའི་སྙིང་པོ་ལས་ཏིང་ངེ་འཛིན་
D112.050.0244b01.01གྱི་སྒོ་བསྟན་པའི་སྤྱོད་པ་འཇིགས་པ་མེད་པའི་ཆོས་ཀྱི་རྣམ་གྲངས་དེ་ཡང་ཉོན་ཅིག །རིགས་ཀྱི་བུ་དེ་ནས་རིན་པོ་ཆེའི་ཏོག་དང་། ཟླ་བའི་ཏོག་གཉིས་ཀྱིས་དེ་བཞིན་གཤེགས་པ་རིན་ཆེན་ཟླ་བ་ལས་མེ་ཏོག་ཟླ་བ་མདོག་མཛེས་དྲི་མ་མེད་པ་བླངས་ཏེ་བྱང་ཆུབ་སེམས་དཔའ་དུང་ཕྱུར་
D112.050.0244b02.01ཕྲག་དགུ་དང་། བྱེ་བ་ཕྲག་གཉིས་པོ་དག་དང་ལྷན་ཅིག་ཏུ་འཇིག་རྟེན་གྱི་ཁམས་རིན་ཆེན་བསྩགས་པ་ནས་འཕགས་ནས། འདི་ལྟ་སྟེ་དཔེར་ན་གློག་བཞིན་དུ་བྱང་ཆུབ་སེམས་དཔའི་འཁོར་དེ་དང་། སངས་རྒྱས་ཀྱི་ཞིང་རིན་ཆེན་བསྩགས་པ་དེ་ནས་མི་སྣང་བར་གྱུར་ཏེ་
D112.050.0244b03.01སངས་རྒྱས་ཀྱི་ཞིང་ཡང་དག་རྟོག་གི་འཛམ་བུའི་ཚལ་གྱི་སྐྱེད་མོས་ཚལ་འདིར་ལྷགས་ནས་དེ་བཞིན་གཤེགས་པ་རིན་པོ་ཆེའི་སྙིང་པོ་ག་ལ་བ་དེར་དོང་སྟེ་ཕྱིན་པ་དང་། དེ་བཞིན་གཤེགས་པ་རིན་པོ་ཆེའི་སྙིང་པོའི་ཞབས་ལ་མགོ་བོས་ཕྱག་འཚལ་ཏེ། བྱང་ཆུབ་སེམས་
D112.050.0244b04.01དཔའི་རྣམ་པར་འཕྲུལ་པ་རྣམ་པ་སྣ་ཚོགས་དག་གིས་མཆོད་པ་བྱས་ནས་དེ་བཞིན་གཤེགས་པ་རིན་པོ་ཆེའི་སྙིང་པོའི་སྤྱན་སྔ་ན་བྲམ་ཟེ་ལ་ཐམས་ཅད་དང་ལྡན་པའི་བྱང་ཆུབ་སེམས་དཔའི་འཁོར་རྣམས་ཀྱིས་ཐལ་མོ་སྦྱར་ཅིང་བསྔགས་བརྗོད་པ་མཐོང་བ་དང་། བྱང་ཆུབ་
D112.050.0244b05.01སེམས་དཔའ་དེ་གཉིས་འདི་སྙམ་དུ་སེམས་ཏེ་དེ་བཞིན་གཤེགས་པ་རིན་ཆེན་ཟླ་བས་གང་ལ་མེ་ཏོག་ཟླ་བ་མདོག་མཛེས་དྲི་མ་མེད་པ་འདི་དག་བསྐུར་བའི་སྙིང་རྗེ་ཆེན་པོ་དང་ལྡན་པ་དེ་ནི་འདི་ཡིན་པ་བལྟ་སྙམ་མོ། །དེ་ནས་བྱང་ཆུབ་སེམས་དཔའ་དེ་གཉིས་བཅོམ་ལྡན་འདས་ཀྱི་
D112.050.0244b06.01དྲུང་དུ་ཕྱིར་ཕྱོགས་ཏེ། བྲམ་ཟེ་ལ་མེ་ཏོག་ཕུལ་ནས་འདི་སྐད་ཅེས་སྨྲས་སོ། །སྐྱེས་བུ་དམ་པ་དེ་བཞིན་གཤེགས་པ་རིན་ཆེན་ཟླ་བས་ཁྱོད་ལ་མེ་ཏོག་ཟླ་བ་མདོག་མཛེས་དྲི་མ་མེད་པ་འདི་དག་ཀྱང་བསྐུར་ཏེ། སྐྱེས་བུ་དམ་པ་ཁྱོད་ལ་ལེགས་སོ་ཞེས་བྱ་བ་ཡང་སྤྲིང་
D112.050.0244b07.01