完整藏文原文 · 德格版页 当前仅加载第 50 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲོན་མཆོག་སངས་རྒྱས་འགྱུར། །རིགས་ཀྱི་བུ་ཡང་དེའི་ཚེ་ན་སྲོག་ཆགས་ལེ་ལོ་ཅན་ཁྲིས་ཚིག་འཐུན་པར་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསམ་པ་ཤིན་ཏུ་རྣམ་པར་དག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་བྱང་ཆུབ་སེམས་དཔའི་སྤྱད་པ་སྤྱོད་ཅིང་
D112.050.0192b01.01ཡོངས་སུ་དག་པར་འཇོག་པར་འགྱུར་བ་ན་བདག་ཅག་ཀྱང་སངས་རྒྱས་ཀྱི་ཞིང་ཡོངས་སུ་དག་པ་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བགྱིའོ། །དེ་ལྟར་བདག་ཅག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བགྱིས་ནས་སངས་རྒྱས་ཀྱི་ཞིང་
D112.050.0192b02.01དེར་སྐྱེ་བར་གྱུར་ཅིག །རིགས་ཀྱི་བུ་དེ་བཞིན་གཤེགས་པ་རིན་པོ་ཆེའི་སྙིང་པོས་སྲོག་ཆགས་ཁྲི་པོ་དེ་དག་ལ་འདི་སྐད་ཅེས་ལུང་བསྟན་ཏེ། གང་གི་ཚེ་བྱང་ཆུབ་སེམས་དཔའ་ཀུན་ཏུ་བཟང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེའི་ཚེ། ཁྱོད་ཅག་འཇིག་རྟེན་གྱི་
D112.050.0192b03.01ཁམས་དེའི་ཁོ་ར་ཁོར་ཡུག་དག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། སྟོང་སྟོང་ཞིང་མཚན་འཐུན་པའི་དེ་བཞིན་གཤེགས་པར་འགྱུར་རོ། །འདི་ལྟ་སྟེ་སྟོང་ནི་དེ་བཞིན་གཤེགས་པ་མེ་ལྕེ་ཐབ་ཁུང་དབང་ཕྱུག་དབྱངས་ཞེས་བྱ་བར་འགྱུར་རོ། །གཞན་ཡང་སྟོང་ནི་
D112.050.0192b04.01དེ་བཞིན་གཤེགས་པ་སྡོམ་པའི་དབང་ཕྱུག་དབྱངས་ཞེས་བྱ་བར་འགྱུར་རོ། །གཞན་ཡང་སྟོང་ནི་དེ་བཞིན་གཤེགས་པ་ཤིན་ཏུ་དྲི་མེད་དབྱངས་ཀྱི་དབང་ཕྱུག་རྒྱལ་པོ་ཞེས་བྱ་བར་འགྱུར་རོ། །གཞན་ཡང་སྟོང་ནི་དེ་བཞིན་གཤེགས་པ་གྱ་ནོམ་འཇིགས་མེད་དབྱངས་ཀྱི་དབང་ཕྱུག་རྒྱལ་པོ་ཞེས་བྱ་བར་འགྱུར་
D112.050.0192b05.01རོ། །གཞན་ཡང་སྟོང་ནི་དེ་བཞིན་གཤེགས་པ་དྲི་མེད་དབྱངས་ཀྱི་གཟི་བརྗིད་དབང་ཕྱུག་རྒྱལ་པོ་ཞེས་བྱ་བར་འགྱུར་རོ། །ལྔ་བརྒྱ་ཡང་མཚན་འཐུན་ཏེ། འདི་ལྟ་སྟེ་ཉི་མའི་དབྱངས་ཞེས་བྱ་བར་འགྱུར་རོ། །དེ་བཞིན་དུ་ཉིས་སྟོང་ལྔ་བརྒྱ་ནི་འཇིགས་བྲལ་གྲགས་པའི་རྒྱལ་པོ་དང་། འོད་ཟེར་བྲལ་དང་། འོད་ཟེར་བྲལ་བའི་
D112.050.0192b06.01དབྱངས་དང་། གྲགས་པའི་དབང་ཕྱུག་དབྱངས་དང་། རྣམ་གྲོལ་ཆོས་གྲགས་དབྱངས་དང་། སྙིང་པོ་གྲགས་པའི་རྒྱལ་པོ་དང་། རིན་ཆེན་རྒྱལ་མཚན་དང་། སྣང་བའི་དབང་ཕྱུག་དང་། ཐུབ་ཆེན་ཡེ་ཤེས་འབར་བའི་དབང་ཕྱུག་དང་། གནས་ཀྱི་གོས་བསྩགས་རྒྱལ་པོ་དང་། ཡེ་ཤེས་བློ་གྲོས་བསམ་ཡས་
D112.050.0192b07.01