完整藏文原文 · 德格版页 当前仅加载第 50 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་སེམས་ཅན་བསམ་པ་ཉོན་མོངས་པ་ཅན་ལྟ་བ་ལོག་པར་གྱུར་པ་དག་འདུལ་བ་ཡང་ཡོངས་སུ་ལེན་པར་བྱེད་པས་ཁྱོད་བདག་རང་གིས་ཤེས་པར་གྱིས་ཤིག །རིགས་ཀྱི་བུ་དེ་ནས་བྲམ་ཟེའི་ཁྱེའུ་རྒྱ་མཚོའི་དབང་ཕྱུག་ཁྱབ་བདག་དེ་དེ་བཞིན་གཤེགས་པ་རིན་པོ་
D112.050.0202a01.01ཆེའི་སྙིང་པོ་ག་ལ་བ་དེར་དོང་སྟེ་ཕྱིན་པ་དང་། དེ་བཞིན་གཤེགས་པ་རིན་པོ་ཆེའི་སྙིང་པོའི་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ནི་སྐྱེ་དགུ་ལོ་བརྒྱད་ཁྲི་ཐུབ་པ་ན་བྱང་ཆུབ་དམ་པ་ལ་རེག་པར་གྱུར་པ་དེ་ལྟ་བུར་བླ་ན་མེད་པ་ཡང་དག་པར་རྫོགས་པའི་
D112.050.0202a02.01བྱང་ཆུབ་བཙལ་ལགས་ཏེ། བཅོམ་ལྡན་འདས་ཇི་ལྟར་ད་ལྟར་གྱི་སེམས་ཅན་རྣམས་འདོད་ཆགས་ཆུང་བ་དང་། ཞེ་སྡང་ཆུང་བ་དང་། གཏི་མུག་ཆུང་བ་དང་། སྐྱོ་བའི་བསམ་པ་ཅན་དང་། འཁོར་བ་ལ་འཇིགས་པ་དང་། སྐྱོན་དུ་ལྟ་བ་དེ་ལྟར་གང་དུ་བདག་མངོན་པར་རྫོགས་པར་
D112.050.0202a03.01འཚང་རྒྱ་བར་འགྱུར་བའི་སངས་རྒྱས་ཀྱི་ཞིང་དེར་སེམས་ཅན་རྣམས་ཀྱང་དེ་ལྟ་བུར་གྱུར་ཅིག །དེ་དག་ཀྱང་བདག་ལས་རབ་ཏུ་འབྱུང་བར་འགྱུར་ཞིང་། བདག་ཀྱང་སེམས་ཅན་རྣམས་ལ་ཐེག་པ་གསུམ་པོ་དག་གིས་ཆོས་སྟོན་པར་གྱུར་ཅིག །བཙུན་པ་བཅོམ་ལྡན་འདས་གལ་ཏེ་
D112.050.0202a04.01བདག་གི་རེ་བ་འདི་ལྟ་བུ་ཡོངས་སུ་རྫོགས་པར་འགྱུར་བ་ལྟ་ན། དེའི་སླད་དུ་བཅོམ་ལྡན་འདས་ཀྱིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་དུ་གསོལ། །དེ་བཞིན་གཤེགས་པ་རིན་པོ་ཆེའི་སྙིང་པོས་བཀའ་སྩལ་པ། བྲམ་ཟེའི་ཁྱེའུ་ཁྱོད་ནི་མ་འོངས་
D112.050.0202a05.01པའི་དུས་ན་བསྐལ་པ་གྲངས་མེད་པ་གང་གཱའི་ཀླུང་གཅིག་གི་བྱེ་མ་སྙེད་འདས་ནས་བསྐལ་པ་གྲངས་མེད་པ་གང་གཱའི་ཀླུང་གི་བྱེ་མ་སྙེད་གཉིས་པ་ལ་བབ་པ་ན་བསྐལ་པ་ཨུད་པ་ལ་ཡང་དག་རྟོག་ཅེས་བྱ་བ་ལ། སངས་རྒྱས་ཀྱི་ཞིང་འདིའི་གླིང་བཞི་པ་མཆོག་ཅེས་བྱ་བར་འགྱུར་ཞིང་སྐྱེ་
D112.050.0202a06.01དགུའི་ལོ་བརྒྱད་ཁྲི་ཐུབ་པ་ན་བྱང་ཆུབ་མངོན་པར་ཐོབ་པར་འགྱུར་ཏེ། དེ་བཞིན་གཤེགས་པ་རིན་པོ་ཆེ་བརྩེགས་པ་ཞེས་བྱ་བ་སངས་རྒྱས་བཅོམ་ལྡན་འདས་ཀྱི་བར་དུ་འགྱུར་རོ། །དེས་གསོལ་པ། བཙུན་པ་བཅོམ་ལྡན་འདས་གལ་ཏེ་བདག་གི་རེ་བ་འདི་ལྟ་བུ་ཡོངས་སུ་རྫོགས་
D112.050.0202a07.01