完整藏文原文 · 德格版页 当前仅加载第 50 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བུའི་ཆོ་འཕྲུལ་དག་བསྟན་ཏོ། །རིགས་ཀྱི་བུ་དེ་བཞིན་གཤེགས་པ་རིན་ཆེན་ཟླ་བ་ལ་བྱང་ཆུབ་སེམས་དཔའ་དེ་གཉིས་ཀྱིས་ཡོངས་སུ་ཞུས་པ། བཙུན་པ་བཅོམ་ལྡན་འདས་གང་གིས་སྙིགས་མ་ལྔ་དང་ལྡན་པའི་འཇིག་རྟེན་དུ་ཉོན་མོངས་པ་དང་། འཁྲུག་པ་བདོ་ཞིང་རྩོད་པའི་
D112.050.0243b01.01དུས་ལ་བབ་པའི་དུས་ཡོངས་སུ་བཟུང་སྟེ། མཚམས་མ་མཆིས་པ་བགྱིད་པ་དང་། མི་དགེ་བའི་རྩ་བའི་བར་དང་འགྲོགས་པར་གྱུར་ཅིང་། སེམས་ཀྱི་རྒྱུད་ཚིག་པའི་འདུལ་བའི་སེམས་ཅན་རྣམས་ཀྱང་ཡོངས་སུ་བཟུང་བར་གྱུར་པའི་བྱང་ཆུབ་སེམས་དཔའ་སེམས་དཔའ་ཆེན་
D112.050.0243b02.01པོ་སྙིང་རྗེ་ཆེན་པོ་དང་ལྡན་པ་དེས་ཡུན་རིང་པོ་ཇི་སྲིད་ཅིག་ནས་བྱང་ཆུབ་ཏུ་སེམས་བསྐྱེད་ཅིང་། ཡུན་རིང་པོ་ཇི་སྲིད་ཅིག་ཏུ་བྱང་ཆུབ་ཀྱི་སྤྱད་པ་སྤྱོད་པ་ལགས། དེ་བཞིན་གཤེགས་པ་རིན་ཆེན་ཟླ་བས་བཀའ་སྩལ་པ། རིགས་ཀྱི་བུ་དག་སྙིང་རྗེ་ཆེན་པོ་དང་ལྡན་པ་དེས་ནི་ད་
D112.050.0243b03.01གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་དང་པོ་བསྐྱེད་དོ། །རིགས་ཀྱི་བུ་དག་ཁྱེད་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་དེ་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བའི་ཕྱིར་
D112.050.0243b04.01སངས་རྒྱས་ཀྱི་ཞིང་ཡང་དག་རྟོག་དེར་དེང་ལ། ཏིང་ངེ་འཛིན་གྱི་སྒོ་བསྟན་པའི་སྤྱོད་པ་འཇིགས་པ་མེད་པའི་ཆོས་ཀྱི་རྣམ་གྲངས་དེ་ཡང་ཉོན་ཅིག །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་དེ་ལ་ངའི་ཚིག་གིས་དྲིས་ལ་འདི་སྐད་དུ་དེ་བཞིན་གཤེགས་
D112.050.0243b05.01པ་རིན་ཆེན་ཟླ་བ་སྐྱེས་བུ་དམ་པ་ཁྱོད་ལ་འདྲི་བ་མཛད་དེ། མེ་ཏོག་ཟླ་བ་མདོག་མཛེས་དྲི་མ་མེད་པ་འདི་ཡང་བསྐུར་ཞིང་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་ཁྱོད་ཀྱིས་དེ་ལྟར་སེམས་དང་པོ་བསྐྱེད་པ་ནས་སྙིང་རྗེ་ཆེན་པོ་བརྗོད་པས་ཕྱོགས་བཅུའི་འཇིག་རྟེན་གྱི་ཁམས་
D112.050.0243b06.01སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་སངས་རྒྱས་ཀྱི་ཞིང་རྣམས་སུ་སྒྲས་གང་བར་གྱུར་ཏེ། དེས་ན་ཁྱོད་ཀྱིས་ཐམས་ཅད་དུ་སྙིང་རྗེ་ཆེན་པོ་དང་ལྡན་པ་ཞེས་བྱ་བའི་མིང་རབ་ཏུ་ཐོབ་པ་ཡིན་ནོ། །སྐྱེས་བུ་དམ་པ་དེའི་ཕྱིར་ཁྱོད་ནི་བྱང་ཆུབ་སེམས་དཔའ་སེམས་
D112.050.0243b07.01