完整藏文原文 · 德格版页 当前仅加载第 50 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ཙམ་པ་དེ་ཐམས་ཅད་གཡོས། རབ་ཏུ་གཡོས། འགུལ། རབ་ཏུ་འགུལ། འཁྲུགས། རབ་ཏུ་འཁྲུགས། ལྡེག །རབ་ཏུ་ལྡེག་གོ། །སིལ་སྙན་དག་ཀྱང་མ་དཀྲོལ་བར་སྒྲ་འཁྲོལ་ལོ། །{རི་དགས་,རི་དྭགས་}དང་། བྱ་གག་ཇི་སྙེད་པ་དེ་དག་ཐམས་ཅད་ཀྱང་འཇམ་ཞིང་ཡིད་དུ་
D112.050.0218a01.01འོང་བའི་སྒྲ་སྒྲོགས་སོ། །ཤིང་ལྗོན་པ་དག་ལས་ཀྱང་མེ་ཏོག་དག་འབྲུལ་ལོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་སེམས་ཅན་དམྱལ་བ་པ་རྣམས་དང་། གཤིན་རྗེའི་འཇིག་རྟེན་པ་རྣམས་མ་གཏོགས་པར་གང་སུ་དག་ས་ལ་རྟེན་ཅིང་གནས་པའི་འབྱུང་པོ་
D112.050.0218a02.01བྱང་ཆུབ་ཡང་དག་པར་འཛིན་དུ་བཅུག་པ་གང་ཡིན་པ་དང་། བྱང་ཆུབ་ཡང་དག་པར་འཛིན་དུ་མ་བཅུག་པ་གང་ཡིན་པ་དེ་དག་ཐམས་ཅད་ཀྱང་ཕན་པའི་སེམས་དང་། དགེ་བའི་སེམས་དང་། ཁོན་མེད་པའི་སེམས་དང་། རྙོག་པ་མེད་པའི་སེམས་དང་། བྱམས་པའི་སེམས་
D112.050.0218a03.01དང་། ངོ་མཚར་གྱི་སེམས་དག་ཏུ་གྱུར་ཏོ། །སེམས་ཅན་གང་དག་ནམ་མཁའ་ལ་རྒྱུ་བ་དེ་དག་ཀྱང་བྲམ་ཟེའི་སྨོན་ལམ་སྒྲ་འཇམ་ཞིང་ཡིད་དུ་འོང་བ་མཉན་པའི་ཕྱིར་ནམ་མཁའ་ལ་འཁོད་ནས་འདི་ལྟར་མཆོག་ཏུ་དགའ་བའི་ཡིད་ཀྱིས་མེ་ཏོག་དང་། མེ་ཏོག་ཕྲེང་དང་། སྤོས་དང་།
D112.050.0218a04.01རོལ་མོའི་སྒྲ་དང་། རིན་པོ་ཆེའི་གདུགས་དང་། རྒྱལ་མཚན་དང་། བ་དན་དང་། གོས་དང་། རས་བཅོས་བུ་དག་གིས་མཆོད་པའི་ལས་ལ་བརྩོན་པར་གྱུར་ཏོ། །དེ་བཞིན་དུ་འོག་མིན་གྱི་གནས་མན་ཆད་ཀྱི་ལྷ་གང་ཇི་སྙེད་པ་རྣམས་ཀྱང་། བྲམ་ཟེའི་སྨོན་ལམ་མཉན་
D112.050.0218a05.01པའི་ཕྱིར་འཛམ་བུའི་གླིང་དུ་བབས་ཏེ། ནམ་མཁའི་དཀྱིལ་ན་འཁོད་ཅིང་། ལྷའི་སྤོས་དང་། རས་བཅོས་བུའི་བར་དག་གིས་མཆོད་པའི་ལས་ལ་བརྩོན་པར་གྱུར་ཏོ། །བྲམ་ཟེས་ཀྱང་ཐལ་མོ་སྦྱར་ནས་དེ་བཞིན་གཤེགས་པ་རིན་པོ་ཆེའི་སྙིང་པོ་ལ་ཚིགས་སུ་བཅད་པ་འདི་
D112.050.0218a06.01དག་གིས་མངོན་པར་བསྟོད་དོ། །བསམ་གཏན་དག་གིས་རྣམ་གྲོལ་ཚངས་པ་བཞིན། །གཟུགས་ཀྱིས་འོད་གསལ་བརྒྱ་བྱིན་འདྲ་བ་སྟེ། །རྒྱལ་པོ་བཞིན་དུ་ནོར་འབྲུ་རབ་གཏོང་ཞིང་། །རིན་ཆེན་མཆོག་མངའ་ཐུབ་པ་ཚོང་དཔོན་བཞིན། །ཞི་བ་སྒྲོགས་མཛད་རི་ལ་
D112.050.0218a07.01