完整藏文原文 · 德格版页 当前仅加载第 50 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མི་དང་། ལྷ་མ་ཡིན་དང་བཅས་པའི་འཇིག་རྟེན་འདི་ཡང་བདག་ལ་ཐལ་མོ་སྦྱར་ཏེ་ཕྱག་འཚལ་ཞིང་མཆོད་པ་བྱེད་པར་འགྱུར་བ་དང་། སངས་རྒྱས་བཅོམ་ལྡན་འདས་འདི་ཡང་བདག་ལ་ལེགས་སོ་ཞེས་བྱ་བ་བྱིན་ཞིང་ལུང་སྟོན་པར་འགྱུར་བ་དང་། དེ་
D112.050.0217a01.01བཞིན་དུ་སངས་རྒྱས་བཅོམ་ལྡན་འདས་གང་དག་ཕྱོགས་བཅུ་ན་བཞུགས་ཏེ་འཚོ་ཞིང་གཞེས་ལ་སེམས་ཅན་རྣམས་ལ་ཆོས་ཀྱང་སྟོན་པའི་སངས་རྒྱས་བཅོམ་ལྡན་འདས་དེ་དག་ཀྱང་བདག་གིས་སེང་གེའི་སྒྲ་བསྒྲགས་པ་ལ་ལེགས་སོ་ཞེས་བྱ་བ་བྱིན་ཞིང་བླ་ན་མེད་པ་ཡང་དག་
D112.050.0217a02.01པར་རྫོགས་པའི་བྱང་ཆུབ་ཏུ་ལུང་སྟོན་པ་ཡང་མཛད་ལ་ཕོ་ཉ་དག་ཀྱང་གཏོང་བར་འགྱུར་བ་དང་། ཐམས་ཅད་དང་ལྡན་པའི་འཁོར་འདིས་ཀྱང་དེ་ཐོས་ཤིང་ཕོ་ཉ་དེ་དག་ཀྱང་མཐོང་བར་འགྱུར་བ་དང་། གང་ཡང་ཕྱི་མའི་དུས་ན་སྙིང་རྗེ་ཆེན་པོ་དང་ལྡན་པའི་བྱང་ཆུབ་སེམས་
D112.050.0217a03.01དཔའ་དག་འབྱུང་བར་འགྱུར་བ་དེ་དག་ཀྱང་དེ་ལྟ་བུའི་རྩོད་པ་ཆེན་པོའི་དུས་ཀྱི་ཚེ་སངས་རྒྱས་ཀྱི་ཞིང་ཉོན་མོངས་པ་ཅན་དུ་སྨོན་ལམ་གྱིས་བྱང་ཆུབ་ཡོངས་སུ་འཛིན་པར་འགྱུར་ཞིང་ཆོས་ཀྱི་མུ་གེའི་དགོན་པ་དང་། ཉོན་མོངས་པ་དང་། ནད་དག་གིས་བདས་པར་གྱུར་པའི་
D112.050.0217a04.01སེམས་ཅན་རྣམས་ལ་ཡོངས་སུ་སྐྱོབ་པར་འགྱུར་ཞིང་སངས་རྒྱས་ཀྱི་མཛད་པ་ཡང་མཛད་པར་འགྱུར་ལ་སེམས་ཅན་རྣམས་ལ་ཡང་ཆོས་སྟོན་པར་འགྱུར་བ་དང་། བདག་ཡོངས་སུ་མྱ་ངན་ལས་འདས་ནས་ཀྱང་བསྐལ་པ་བྱེ་བ་ཁྲག་ཁྲིག་འབུམ་ཕྲག་བསམ་གྱིས་མི་ཁྱབ་
D112.050.0217a05.01པ་དག་འདས་ཀྱི་བར་དུ་ཕྱོགས་བཅུའི་སངས་རྒྱས་ཀྱི་ཞིང་གཞལ་དུ་མ་མཆིས་པ་དང་། དཔག་ཏུ་མ་མཆིས་པ་དག་ན་སངས་རྒྱས་བཅོམ་ལྡན་འདས་དཔག་ཏུ་མ་མཆིས་པ་དག་བདག་ཡོངས་སུ་མྱ་ངན་ལས་འདས་པའི་བསྔགས་པ་རྗོད་ཅིང་སྙན་པ་དང་དབྱངས་ཀྱང་སྒྲོགས་
D112.050.0217a06.01པར་འགྱུར་ལ། བྱང་ཆུབ་སེམས་དཔའ་རྣམས་ཀྱི་མདུན་དུ་བདག་གི་སྨོན་ལམ་གྱི་ཚུལ་ཡང་རྗོད་པར་འགྱུར་བ་དང་། བྱང་ཆུབ་སེམས་དཔའ་དེ་དག་གིས་ཀྱང་སྙིང་རྗེ་ཆེན་པོས་ཡོངས་སུ་བསྒོས་ཤིང་བྱིན་གྱིས་བརླབས་པའི་སྨོན་ལམ་ཐོས་ནས་མཆོག་ཏུ་ངོ་མཚར་དུ་འཛིན་
D112.050.0217a07.01