完整藏文原文 · 德格版页 当前仅加载第 50 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཞོན་པ་ལས་བབས་ཏེ། རྐང་པས་སྐྱེད་མོས་ཚལ་དུ་ཞུགས་སོ། །ཞུགས་ནས་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོ་ག་ལ་བ་དེར་སོང་སྟེ་ཕྱིན་པ་དང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོའི་ཞབས་ལ་མགོ་བོས་ཕྱག་
D112.050.0150b01.01འཚལ་ཏེ། ལན་གསུམ་བསྐོར་བ་བྱས་ནས། རང་གིས་དེ་བཞིན་གཤེགས་པ་རིན་པོ་ཆེའི་སྙིང་པོ་ཕྱག་ཆབ་གསོལ་ཏེ། བདག་ཉིད་ལག་དར་ནས་བཟའ་བ་དང་། བཅའ་བ་དང་། བལྡག་པ་དང་། བསོད་པ་མང་པོ་དག་ལེགས་པར་བསྟབས་ཤིང་ཚིམ་པར་བྱས་སོ། །བདག་
D112.050.0150b02.01ཉིད་ལག་དར་ཏེ་ལེགས་པར་བསྟབས་ཤིང་ཚིམ་པར་བྱས་ནས་ཀྱང་བཅོམ་ལྡན་འདས་ཀྱིས་ཕྱག་ནས་ལྷུང་བཟེད་བཞག་སྟེ་ཕྱག་བཅབས་པར་རིག་ནས། བདག་ཉིད་ཀྱིས་བསིལ་ཡབ་བླངས་ཏེ་བཅོམ་ལྡན་འདས་ལ་གཡབས་སོ། །རྒྱལ་བུ་སྟོང་དང་། ཁམས་ཀྱི་རྒྱལ་པོ་སྟོང་གིས་ཀྱང་ཉན་
D112.050.0150b03.01ཐོས་རེ་རེ་ལ་དེ་ལྟ་བུའི་བསྙེན་བཀུར་བྱས་ནས་བསིལ་ཡབ་བླངས་ཏེ། ཉན་ཐོས་རྣམས་ལ་གཡབས་སོ། །ཞལ་ཟས་བྲིམ་པ་རྫོགས་ཏེ་གདུགས་ཚོད་གྱུ་མ་ཐག་ཏུ་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཀྱང་ཆོས་མཉན་པའི་ཕྱིར་ཀུན་དགའ་ར་བར་ལྷགས་སོ། །ལྷ་བྱེ་བ་ཁྲག་ཁྲིག་
D112.050.0150b04.01འབུམ་ཕྲག་དུ་མ་དག་གིས་ཀྱང་ནམ་མཁའི་དཀྱིལ་ནས་མེ་ཏོག་གི་ཆར་དག་མངོན་པར་རབ་ཏུ་ཕབ་ནས། ལྷའི་རོལ་མོའི་སྒྲ་དག་ཀྱང་རབ་ཏུ་བསྒྲགས་སོ། །ལྷའི་གདུགས་དང་། གོས་དང་། རྒྱན་དག་ཀྱང་རབ་ཏུ་དཔྱངས་སོ། །གནོད་སྦྱིན་གོས་སྔོན་པོ་ཅན་ས་ཡ་ཕྲག་བཞིས་ཀྱང་བཅོམ་
D112.050.0150b05.01ལྡན་འདས་དང་དགེ་སློང་གི་དགེ་འདུན་བསྲུང་བའི་ཕྱིར་ཙན་དན་གྱི་ཚལ་ནས་ཙན་དན་ས་མཆོག་པའི་སྡོང་པོ་དག་བླངས་ནས་ཐུན་དུ་བླགས་ཏེ་མེལ་ཚེ་བྱེད་དོ། །རྒྱལ་པོ་རྩིབས་ཀྱི་མུ་ཁྱུད་ཉིད་ཀྱིས་ཀྱང་མཚན་མོ་བཅོམ་ལྡན་འདས་དང་དགེ་སློང་གི་དགེ་འདུན་རྣམས་ཀྱི་སྤྱན་སྔར་མར་མེ་ཁ་བྱེ་བ་ཁྲག་
D112.050.0150b06.01ཁྲིག་འབུམ་ཕྲག་དུ་མ་དག་བུས་སོ། །རིགས་ཀྱི་བུ་དེ་ནས་རྒྱལ་པོ་རྩིབས་ཀྱི་མུ་ཁྱུད་བཅོམ་ལྡན་འདས་ཀྱི་སྤྱན་སྔར་འདུག་ནས། མགོའི་སྟེང་དུ་ཡང་མར་མེའི་ཀོང་བུ་གཅིག་བཞག །ཕྲག་པ་གཉིས་དང་། ལག་པ་གཉིས་དང་། རྐང་པ་གཉིས་སུ་ཡང་མར་མེའི་ཀོང་བུ་རེ་རེ་བཞག་
D112.050.0150b07.01