完整藏文原文 · 德格版页 当前仅加载第 50 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
གངས་མདོག་མཛེས། ཁྱོད་ནི་གསེར་གྱི་རི་བོ་བརྩེགས་པ་འདྲ་ཞིང་ཡིད་དུ་མཆི། །ཡོན་ཏན་བརྒྱས་བལྟམས་བདག་དུས་འདི་གསུངས་འགྲོ་ནའང་བདག་འཚང་རྒྱ། །ཐུབ་པ་ཁྱུ་མཆོག་འཇིག་རྟེན་སྒྲོན་ཁྱོད་ལ་ནི་སུ་མི་འདུད། །བྲམ་ཟེ་མདུན་ན་འདོན་རྒྱ་
D112.050.0212a01.01མཚོའི་རྡུལ་གྱིས། བྲམ་ཟེའི་ཁྱེའུ་རིག་བྱེད་ཀློག་པ་སྟོང་པོ་ཐམས་ཅད་བྱང་ཆུབ་ཡང་དག་པར་འཛིན་དུ་བཅུག་ནས། ཇི་ལྟར་འཁོར་བ་འཇིག་དང་། གསེར་ཐུབ་དང་། འོད་སྲུང་དང་། བྱམས་པ་ལུང་བསྟན་པ་དེ་བཞིན་དུ། བྲམ་ཟེའི་ཁྱེའུ་རིག་བྱེད་ཀློག་པ་སེང་གེ་དང་།
D112.050.0212a02.01མཆོག་ཏུ་དགའ་བ་དང་། དགུ་བརྒྱ་དགུ་བཅུ་རྩ་དགུའི་བར་དུ་ཐམས་ཅད་ཀྱིས་ཀྱང་བསྐལ་པ་བཟང་པོ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ནས་ཐམས་ཅད་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོས་བསྐལ་པ་བཟང་པོ་འདི་ཉིད་ལ་བླ་ན་
D112.050.0212a03.01མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །དེ་དག་ཐམས་ཅད་ཀྱི་ནུ་བོ་ཐ་{ཆུངས་,ཆུང་}གང་ཡིན་པ་དེ་ལ་ཡང་མདུན་ན་འདོན་གྱིས་འདི་སྐད་དུ་ཀྱེ་བྲམ་ཟེའི་ཁྱེའུ་སྟོབས་ཆེན་ཤུགས་འཆང་རིང་དུ་བརྟག་ཏུ་ཅི་ཡོད། སེམས་ཅན་རྣམས་ལ་སྙིང་རྗེ་ཆེན་པོ་སྐྱེད་ཅིག་ཅེས་
D112.050.0212a04.01ཡང་དག་པར་བསྐུལ་ནས་ཚིགས་སུ་བཅད་པ་འདི་དག་གིས་ཀྱང་མངོན་པར་གོ་བར་བྱས་སོ། །སེམས་ཅན་གང་དག་རྒ་དང་ནད་དང་འཆི་འཕོའི་འཇིགས་པ་སྲེད་པའི་ཀླུང་དུ་ལྷུང་བ་དང་། །ཕུང་པོ་རྣམས་ལ་ཞེན་པའི་མི་དག་སྲིད་པའི་བཙོན་ར་རབ་ཏུ་འཇིགས་པར་ཆུད་པ་རྣམས། །
D112.050.0212a05.01ཕན་ཚུན་གསོད་པར་བྱེད་པའི་ཉོན་མོངས་དུག་འཐུངས་ནས་ནི་སྡུག་བསྔལ་རྒྱ་མཚོར་རབ་ཏུ་གནས། །གཏི་མུག་གིས་ནི་ལམ་སྟོར་ལོང་བ་བཞིན་དུ་མི་གཙང་འཁྲུལ་འཁོར་དག་ན་འཁྱམ་པར་འགྱུར། །ལོག་པར་ལྟ་ལ་གནས་པས་འབྱུང་པོ་ཐམས་ཅད་སྲིད་པ་གསུམ་
D112.050.0212a06.01ན་སྡུག་བསྔལ་རྣམས་ཀྱིས་འབར། །སྲོག་ཆགས་ཐམས་ཅད་འགྲོ་བ་ལྔ་པོ་དག་ན་ཇི་ལྟར་འཁོར་ལོ་འཁོར་བ་བཞིན་དུ་འཁོར། །འགྲོ་བ་ལྔ་པོ་དག་ན་ཆོས་ཀྱི་མིག་ཉམས་སྐྱབས་མེད་སེམས་ཅན་རྣམས་ནི་དྲན་གྱིས་ལ། །ཡང་དག་ཤེས་རབ་ཀྱིས་ནི་ནེམ་ནུར་ཡིད་
D112.050.0212a07.01