完整藏文原文 · 德格版页 当前仅加载第 50 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་གྱུར་ཅིག །བརྒྱ་བྱིན་མུ་ཁྱུད་ཅན་ཞེས་བྱ་བ་དང་། གཞན་ཡང་བརྒྱ་བྱིན་ཕ་རོལ་སེམས་ཤེས་བྱ་བ་དེ་གཉིས་ཀྱིས་ཀྱང་སྨྲས་པ། ཀྱེ་སྙིང་རྗེ་ཆེན་པོ་དང་ལྡན་པ་བདག་ཅག་ཀྱང་དེ་དག་ཅེས་བྱ་བ་ནས།
D112.050.0255a01.01ཁྱོད་ཀྱིས་བྱང་ཆུབ་ཐོབ་པ་ཞེས་བྱ་བའི་བར་དུ་སྟེ། བདག་ཅག་ཤེས་རབ་དང་ལྡན་པ་དང་། རྫུ་འཕྲུལ་དང་ལྡན་པའི་ཉན་ཐོས་ཟུང་དུ་གྱུར་ཅིག །གཞན་ཡང་བརྒྱ་བྱིན་སྤྱད་སྤྱོད་ལྟ་མཛེས་ཚོགས་ཞེས་བྱ་བ་དེས་འདི་སྐད་ཅེས་སྨྲས་སོ། །སྙིང་རྗེ་ཆེན་པོ་དང་ལྡན་པ་བདག་
D112.050.0255a02.01ཀྱང་ཁྱོད་དེ་དང་དེ་དག་ཅེས་བྱ་བ་ནས་སྲིད་པ་ཐ་མའི་བར་དུ་གྱུར་པའི་བུར་གྱུར་ཅིག །གཞན་ཡང་རི་རྩེའི་ལྷ་མོ་དེས་པ་ཀིང་ཤུ་ཀ་ཞེས་བྱ་བ་དེས་ཀྱང་སྨྲས་པ། སྙིང་རྗེ་ཆེན་པོ་དང་ལྡན་པ་བདག་ཀྱང་ཚེ་རབས་དེ་དང་དེ་དག་ཏུ་ཁྱོད་ཀྱི་བཙུན་མོར་གྱུར་ཅིང་། ཁྱོད་ཀྱིས་བྱང་ཆུབ་
D112.050.0255a03.01ཐོབ་ནས་བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་གྱུར་ཅིག །ལྷ་མ་ཡིན་གྱི་དབང་པོ་མཛེས་སྤྱོད་ཅེས་བྱ་བ་དེས་ཀྱང་སྨྲས་པ། སྙིང་རྗེ་ཆེན་པོ་དང་ལྡན་པ་ཁྱོད་བསྐལ་པ་གྲངས་མེད་པ་དེ་དང་དེ་དག་ཏུ་བྱང་ཆུབ་ཀྱི་སྤྱད་པ་སྤྱོད་པ་ན་བདག་ཀྱང་
D112.050.0255a04.01སྐྱེས་བུ་དམ་པ་ཁྱོད་ལ་བྱམས་པ་དང་འཐུན་པའི་ཡོ་བྱད་ཀྱིས་གྲོགས་བྱེད་པའི་བྲན་ཉིད་དུ་གྱུར་ཏེ། ཁྱོད་ལ་བསྙེན་བཀུར་བྱེད་པར་གྱུར་ཅིག །ཁྱོད་སྲིད་པ་ཐ་མ་པར་གྱུར་པ་ལ་ཡང་བདག་བསྙེན་བཀུར་བྱེད་པར་གྱུར་ཅིག །སྐྱེས་བུ་དམ་པ་ཁྱོད་ཀྱིས་བྱང་ཆུབ་ཐོབ་ནས་ཀྱང་
D112.050.0255a05.01ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་བའི་ཕྱིར་གསོལ་བ་འདེབས་པར་གྱུར་ཅིག །ཁྱོད་ཀྱིས་ཆོས་བསྟན་པ་བདག་གིས་དང་པོར་འབྲས་བུ་དང་བཅས་པར་བྱེད་པར་གྱུར་ཅིག །ཆོས་ཀྱི་བཅུད་ཀྱང་འཐུང་བར་གྱུར་ཅིག །འཆི་བ་མེད་པ་ཡང་རྟོགས་པར་གྱུར་ཅིག །
D112.050.0255a06.01ཉོན་མོངས་པ་ཐམས་ཅད་སྤངས་པའི་ཕྱིར་དགྲ་བཅོམ་པ་ཉིད་ཀྱི་བར་ཡང་ཐོབ་པར་གྱུར་ཅིག །དེ་བཞིན་དུ་སྦྱར་ཏེ། དེ་ན་ལྷ་དང་། ཀླུ་དང་། ལྷ་མ་ཡིན་གང་གཱའི་ཀླུང་གི་བྱེ་མ་སྙེད་དག་གིས་ཀྱང་སྙིང་རྗེ་ཆེན་པོ་དང་ལྡན་པ་དེའི་སྤྱོད་པའི་རྗེས་སུ་འཇུག་པའི་ཕྱིར་སྨོན་
D112.050.0255a07.01