完整藏文原文 · 德格版页 当前仅加载第 50 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
གཱའི་ཀླུང་གི་བྱེ་མ་སྙེད་དག་ཏུ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་ལ་མཆོད་པ་བྱས་ལ། སངས་རྒྱས་བཅོམ་ལྡན་འདས་དེ་དག་གི་ཆོས་ཉན་ཅིང་། ཏིང་ངེ་འཛིན་དང་། གཟུངས་དང་། བཟོད་པ་ཐོབ་ནས་སངས་རྒྱས་ཀྱི་ཞིང་འདི་ཉིད་དུ་
D112.050.0144a01.01ཕྱིར་འོང་བར་འགྱུར་བ་དེ་ལྟ་བུའི་རྫུ་འཕྲུལ་གྱི་ཡུལ་དང་ཡང་ལྡན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པ་འདི་ནི་ལས་ཡོངས་སུ་ཟད་པར་བྱེད་པ་དང་། དགེ་བ་མངོན་པར་
D112.050.0144a02.01འཕེལ་བར་བྱེད་པས་ན་དོན་ཆེ་བ་ཡིན་ནོ། །རིགས་ཀྱི་བུ་གང་དག་གིས་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པའི་གཟུངས་འདི་དང་། བཅོམ་ལྡན་འདས་དེ་བཞིན་གཤེགས་པ་ཟླ་བ་དམ་པ་དེའི་མཚན་ཐོས་པ་དེ་དག་ནི་ལས་ཀྱི་སྒྲིབ་པ་ཐམས་ཅད་ཡོངས་སུ་
D112.050.0144a03.01ཟད་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་ངེས་པར་འགྱུར་རོ། །དེ་ནས་བྱང་ཆུབ་སེམས་དཔའ་ཁ་ཅིག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་གིས་ནི་འདས་པའི་སངས་རྒྱས་བཅོམ་ལྡན་འདས་བཞུགས་ཏེ་འཚོ་
D112.050.0144a04.01ཞིང་གཞེས་པ་གང་གཱའི་ཀླུང་གི་བྱེ་མ་སྙེད་དག་ལས་གཟུངས་འདི་ཐོས་ཤིང་ཐོབ་ལགས་སོ། །ཁ་ཅིག་གིས་ནི་འདི་སྐད་ཅེས་བདག་ཅག་གིས་ནི་གང་གཱའི་ཀླུང་གཉིས་ཀྱི་བྱེ་མ་སྙེད་ལས་སོ་ཞེས་གསོལ་ཏོ། །ཁ་ཅིག་གིས་ནི་གསུམ་སྙེད་ལས་སོ་ཞེས། ཁ་ཅིག་གིས་ནི་བཞི་སྙེད་ལས་སོ་
D112.050.0144a05.01ཞེས། ཁ་ཅིག་གིས་ནི་ལྔ་སྙེད་ལས་སོ་ཞེས། ཁ་ཅིག་གིས་ནི་དྲུག་སྙེད་ལས་སོ་ཞེས། ཁ་ཅིག་གིས་ནི་བདུན་སྙེད་ལས་སོ་ཞེས། ཁ་ཅིག་གིས་ནི་བརྒྱད་སྙེད་ལས་སོ་ཞེས་གསོལ་ཏོ། །ཁ་ཅིག་གིས་ནི་འདི་སྐད་དུ་བདག་ཅག་གིས་ནི་འདས་པའི་ཡང་དག་པར་རྫོགས་པའི་སངས་རྒྱས་
D112.050.0144a06.01བཞུགས་ཏེ་འཚོ་ཞིང་གཞེས་པ་གང་གཱའི་ཀླུང་དགུའི་བྱེ་མ་སྙེད་དག་ལས་ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པའི་གཟུངས་འདི་ཐོས་ཤིང་རྣམ་པ་ཐམས་ཅད་དུ་ཐོབ་ལགས་སོ་ཞེས་གསོལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་གསོལ་
D112.050.0144a07.01