完整藏文原文 · 德格版页 当前仅加载第 50 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་མདོག་ལྟ་བུར་གདའ་བ་དག་འབྱུང་བར་གྱུར་ཅིག །པད་མ་དེ་དག་ཀྱང་སངས་རྒྱས་ཀྱི་ཞིང་སྟོང་པ་གཞན་དག་ཏུ་མཆིས་ནས་བདག་གི་བསྔགས་པ་དང་། སྒྲ་དང་། དབྱངས་རྗོད་པར་གྱུར་ཅིག །སེམས་ཅན་དེ་དག་གིས་བདག་གི་མིང་དང་། བསྔགས་པ་དང་། སྙན་པ་
D112.050.0199a01.01ཐོས་ནས་དགའ་ཞིང་རབ་ཏུ་དགའ་བ་དང་། མཆོག་ཏུ་དགའ་བ་སྐྱེ་བར་གྱུར་ཅིག །དེ་དག་རབ་ཏུ་དང་བ་སྐྱེས་ནས་བདག་གི་སངས་རྒྱས་ཀྱི་ཞིང་དུ་སྐྱེ་འཚལ་བར་གྱུར་ཅིག །དགེ་བའི་རྩ་བ་དེ་དག་ཀྱང་དེར་ཡོངས་སུ་སྔོ་བར་གྱུར་ཅིག །དེ་དག་དེ་ནས་ཤི་འཕོས་ནས་ཀྱང་བདག་གི་
D112.050.0199a02.01སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །བདག་གི་ཉན་ཐོས་ཀྱི་དགེ་འདུན་ཡང་དགེ་སྦྱོང་གི་དྲི་མ་དང་བྲལ་བ་དང་། དགེ་སྦྱོང་གི་སྐྱོན་དང་། དགེ་སྦྱོང་གི་གྱ་གྱུ་དང་བྲལ་བ་དང་དགེ་སྦྱོང་གི་གཡོ་དང་བྲལ་བར་གྱུར་ཅིག །འཁོར་རྣམས་ཀྱང་ཆོས་ལྷུར་ལེན་ཅིང་ཡོ་བྱད་ལྷུར་ལེན་པ་མ་
D112.050.0199a03.01ལགས་པ་དང་། རྙེད་པ་དང་བཀུར་སྟི་ལྷུར་ལེན་པ་མ་ལགས་པ་དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་ལ་མངོན་པར་དགའ་བར་གྱུར་ཅིག །བདག་གི་འཁོར་རྣམས་བརྩོན་འགྲུས་བརྩམས་ཤིང་ཆོས་ལ་འབབ་པ་དང་། དགེ་འདུན་ལ་
D112.050.0199a04.01བབ་པར་གྱུར་ཅིག །དེ་ན་བྱང་ཆུབ་སེམས་དཔའ་གང་དག་ཕྱིར་མི་ལྡོག་པར་གྱུར་པ་དེ་དག་ཀྱང་མ་འོངས་པ་ལ་ཞུགས་པའི་དྲན་པ་ཐོབ་པར་གྱུར་ཅིག །དེ་དག་ཚེ་འཕོས་ནས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་གཏམ་རྗོད་པར་གྱུར་ཅིག །བྱང་ཆུབ་ཀྱི་མཐའི་བར་དུ་
D112.050.0199a05.01དེ་དག་གིས་ཆོས་དེ་དག་མི་བརྗེད་པར་གྱུར་ཅིག །བདག་བྱང་ཆུབ་ཐོབ་ནས་ཀྱང་བསྐལ་པ་ཆེན་པོ་ཁྲིའི་བར་དུ་གནས་པར་གྱུར་ཅིག །ཡོངས་སུ་མྱ་ངན་ལས་འདས་ནས་ཀྱང་བདག་གི་དམ་པའི་ཆོས་བསྐལ་པ་སྟོང་དུ་གནས་པར་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་
D112.050.0199a06.01པ། སྐྱེས་བུ་དམ་པ་ཁྱོད་ཀྱིས་སངས་རྒྱས་ཀྱི་ཞིང་ཡོངས་སུ་དག་པ་ཡོངས་སུ་བླངས་པ་ནི་ལེགས་སོ་ལེགས་སོ། །མི་འཁྲུགས་པ་ཁྱོད་ནི་མ་འོངས་པའི་དུས་ན། བསྐལ་པ་གྲངས་མེད་པ་གང་གཱའི་ཀླུང་གཅིག་གི་བྱེ་མ་སྙེད་འདས་ནས། གྲངས་མེད་པ་གཉིས་པ་ལ་བབ་པ་ན་ཤར་
D112.050.0199a07.01