完整藏文原文 · 德格版页 当前仅加载第 50 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འདོད་པ་ནས་བྲམ་ཟེ་ལས་མཉན་ཅིང་ཚངས་པའི་འཇིག་རྟེན་དུ་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྱག་
D112.050.0165a01.01བྱ་བ་དང་། བསྙེན་བཀུར་བྱ་བ་དང་། བཅོམ་ལྡན་འདས་ལས་ཆོས་མཉན་པའི་ཕྱིར་དེ་ནས་བབས་པའི་བར་དུ་སྔ་མ་བཞིན་དུ་སྦྱར་རོ། །རིགས་ཀྱི་བུ་དེ་ནས་ཡང་བྲམ་ཟེ་རྒྱ་མཚོའི་རྡུལ་གླིང་བཞི་པ་གཉིས་པའི་བརྒྱ་བྱིན་མཐོང་བར་འདོད་ཅིང་ལྷའི་བུ་རབ་འཐབ་བྲལ་དང་། ཡོངས་
D112.050.0165a02.01སུ་དགའ་ལྡན་དང་། རབ་འཕྲུལ་དང་། གཞན་འཕྲུལ་དབང་བྱེད་རྣམས་དང་མཐོང་བར་འདོད་པ་དང་། བཅོམ་ལྡན་འདས་ཀྱི་མཐུས་ལྷའི་རྒྱལ་པོ་དེ་ལྔ་ཡང་བྲམ་ཟེའི་དྲུང་དུ་ལྷགས་ནས་བྲམ་ཟེ་དེས་དེ་དག་ཡང་དག་པར་རྗེས་སུ་བསྟན་པ་དང་། དེ་དག་ཀྱང་རང་རང་གི་ལྷའི་གནས་དག་ཏུ་
D112.050.0165a03.01དོང་ནས་བྲམ་ཟེའི་ཚིག་གིས་རང་རང་གི་འཁོར་རྣམས་ཀྱང་ཡང་དག་པར་འཛིན་དུ་བཅུག་གོ། །དེ་བཞིན་དུ་སུམ་ཅུ་རྩ་གསུམ་པའི་ལྷའི་བུ་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་བཅས་པ་བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་ཀྱང་བླ་ན་མེད་པ་ཡང་དག་པར་
D112.050.0165a04.01རྫོགས་པའི་བྱང་ཆུབ་ཏུ་སེམས་བསྐྱེད་ནས་དེ་དག་ཀྱང་བརྒྱ་བྱིན་དང་ལྷན་ཅིག་ཏུ་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །དེ་བཞིན་དུ་
D112.050.0165a05.01ལྷའི་བུ་རབ་འཐབ་བྲལ་དང་། ཡོངས་སུ་དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་རྣམས་ཀྱིས་ཀྱང་གཞན་འཕྲུལ་དབང་བྱེད་ཀྱི་བར་གྱི་ལྷའི་བུ་རྣམས་བྱང་ཆུབ་ཡང་དག་པར་འཛིན་དུ་བཅུག་ནས། གཞན་འཕྲུལ་དབང་བྱེད་ཀྱི་བར་གྱི་ལྷའི་བུ་སྐྱེས་པ་དང་།
D112.050.0165a06.01བུད་མེད་དང་། ཁྱེའུ་དང་། བུ་མོ་དང་བཅས་པ་བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་།
D112.050.0165a07.01