完整藏文原文 · 德格版页 当前仅加载第 50 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་གཡོས་པ་མཐོང་བ་དང་། དེ་བཞིན་གཤེགས་པ་དེ་ཉིད་ལ་ཞུས་པ། བཅོམ་ལྡན་འདས་སྔོན་མ་མཐོང་བ་བཅོམ་ལྡན་འདས་ཀྱི་གདན་རབ་ཏུ་གཡོས་པ་འདིའི་རྒྱུ་ནི་གང་ལགས། རྐྱེན་ནི་གང་ལགས། དེ་བཞིན་གཤེགས་པ་དེས་དེ་དག་ལ་བཀའ་སྩལ་པ། རིགས་
D112.050.0284a01.01ཀྱི་བུ་དག་སངས་རྒྱས་ཀྱི་ཞིང་འདི་ནས་ནུབ་ཕྱོགས་ཀྱི་ཕྱོགས་ལོགས་སུ་སངས་རྒྱས་ཀྱི་ཞིང་ས་ཡ་ཕྲག་དགུ་དང་ཆིག་འབུམ་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་པ་དེ་ད་ལྟར་
D112.050.0284a02.01འཁོར་བཞི་པོ་རྣམས་ལ་སྔོན་གྱི་ཚུལ་ལས་བརྩམས་ཏེ་ཆོས་སྟོན་ཏོ། །དེ་བཞིན་གཤེགས་པ་དེ་སྔོན་བྱང་ཆུབ་སེམས་དཔར་གྱུར་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྤྱད་པ་སྤྱོད་པ་ན་དེས་ང་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་
D112.050.0284a03.01དུ་བཅུག་སྟེ། གང་གིས་ང་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་དེ་བཞིན་གཤེགས་པ་དེས་ང་དང་པོ་སྦྱིན་པའི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དག་ཀྱང་ཡང་དག་པར་འཛིན་དུ་བཅུག་ཅིང་བཞག་སྟེ་རབ་ཏུ་གནས་
D112.050.0284a04.01པར་བྱས་སོ། །དེ་བཞིན་གཤེགས་པ་དེ་སྔོན་བྱང་ཆུབ་སེམས་དཔར་གྱུར་ཅིང་བྱང་ཆུབ་སེམས་དཔའི་སྤྱད་པ་སྤྱོད་པ་ན་དེས་ང་དང་པོ་སངས་རྒྱས་བཅོམ་ལྡན་འདས་བཞུགས་ཏེ་འཚོ་ཞིང་གཞེས་པ་དག་གི་ཐད་དུ་ཕུལ་ནས། དེར་ངས་དང་པོ་བླ་ན་མེད་པ་ཡང་དག་པར་རྫོགས་
D112.050.0284a05.01པའི་བྱང་ཆུབ་ཏུ་ལུང་བསྟན་པ་ཐོབ་སྟེ། ངའི་དགེ་བའི་བཤེས་གཉེན་དེ་བཞིན་གཤེགས་པ་ཤཱཀྱ་ཐུབ་པ་དེ་འཇིག་རྟེན་གྱི་ཁམས་མི་མཇེད་ན་བཞུགས་ཏེ་འཚོ་ཞིང་གཞེས་སོ། །དེ་འཁོར་བཞི་པོ་རྣམས་ལ་སྔོན་གྱི་ཚུལ་དེ་ཉིད་ལས་བརྩམས་ཏེ་ཆོས་སྟོན་པས་ན། དེ་བཞིན་གཤེགས་
D112.050.0284a06.01པ་དེའི་བྱིན་གྱི་རླབས་དེས་ངའི་སྟན་རབ་ཏུ་གཡོས་སོ། །རིགས་ཀྱི་བུ་དག་ཁྱེད་ཅག་ལས་ངའི་ཚིག་གིས་དེ་བཞིན་གཤེགས་པ་ཤཱཀྱ་ཐུབ་པ་ལ་སྙུན་མི་མངའ་འམ། ཐུགས་བདེའམ་ཞེས་ཡོངས་སུ་དྲི་བའི་ཕྱིར་སངས་རྒྱས་ཀྱི་ཞིང་མི་མཇེད་དུ་འགྲོ་བར་སྤྲོ་བ་སུ་ཡོད། དེ་ནས་དེ་བཞིན་
D112.050.0284a07.01