完整藏文原文 · 德格版页 当前仅加载第 50 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པ་རྣམས་ཀྱིས་ནི་བརྟན་པ་བརྗོད་པ་དང་། ཆོས་ཀྱི་དབྱིངས་རབ་ཏུ་འཚལ་བ་རྣམས་ཀྱིས་ནི་མངོན་པར་ཤེས་པ་བརྗོད་པ་དང་། ཤེས་རབ་སྤངས་པ་རྣམས་ཀྱིས་ནི་ཉམས་པ་མ་མཆིས་པ་བརྗོད་པ་དང་། ལམ་རྣམ་པར་འཁྲུགས་པ་རྣམས་ཀྱིས་ནི་འགྱུར་བ་
D112.050.0232a01.01མ་མཆིས་པ་བརྗོད་པ་དང་། ནམ་མཁའ་ལྟ་བུའི་ཡེ་ཤེས་མངོན་པར་འཚལ་བ་རྣམས་ཀྱིས་ནི་ཅི་ཡང་མ་མཆིས་པ་བརྗོད་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པ་རྣམས་ཀྱིས་ནི་ཡོངས་སུ་དག་པ་ལ་རབ་ཏུ་འགོད་པ་བརྗོད་པ་དང་། བསྡུ་བའི་དངོས་པོ་ཡོངས་སུ་མ་རྫོགས་པ་
D112.050.0232a02.01རྣམས་ཀྱིས་ནི་ཤིན་ཏུ་ཡང་དག་པར་གཟུང་བ་བརྗོད་པ་དང་། ཚངས་པའི་གནས་པ་ཚོལ་བ་རྣམས་ཀྱིས་ནི་སྦྱོར་བ་མཉམ་པ་བརྗོད་པ་དང་། བྱང་ཆུབ་ཀྱི་ཕྱོགས་རིན་པོ་ཆེ་ཡོངས་སུ་མ་རྫོགས་པ་རྣམས་ཀྱིས་ནི་རྣམ་པར་གནས་པས་ངེས་པར་འབྱུང་བ་བརྗོད་པ་དང་། ཤེས་པ་མ་བསྒོམས་ཤིང་
D112.050.0232a03.01རབ་ཏུ་སྡང་བའི་སེམས་དང་ལྡན་པ་རྣམས་ཀྱིས་ནི་རྒྱ་མཚོའི་ཕྱག་རྒྱ་བརྗོད་པ་དང་། མི་སྐྱེ་བའི་ཆོས་ཀྱི་བཟོད་པ་ལ་ངོ་མཚར་དུ་སེམས་པ་རྣམས་ཀྱིས་ནི་སེམས་མ་མཆིས་པ་བརྗོད་པ་དང་། ཇི་ལྟར་ཐོས་པའི་ཆོས་རབ་ཏུ་ཉམས་པའི་སེམས་དང་ལྡན་པ་རྣམས་ཀྱིས་ནི་བསྐྱུད་པ་མ་མཆིས་པ་བརྗོད་
D112.050.0232a04.01པ་དང་། ཕན་ཚུན་ལེགས་པར་སྨྲས་པ་ལ་མི་དགའ་བ་རྣམས་ཀྱིས་ནི་རབ་རིབ་མ་མཆིས་པ་བརྗོད་པ་དང་། དཀོན་མཆོག་གསུམ་ལ་རབ་ཏུ་དང་བ་ཐོབ་པ་རྣམས་ཀྱིས་ནི་བསོད་ནམས་ཆེ་བ་བརྗོད་པ་དང་། ཆོས་ཀྱི་སྒོའི་ཆར་རབ་ཏུ་འབབ་པས་ཆོག་མ་འཚལ་བ་རྣམས་ཀྱིས་ནི་ཆོས་ཀྱི་སྤྲིན་
D112.050.0232a05.01བརྗོད་པ་དང་། དཀོན་མཆོག་གསུམ་རྒྱུན་ཆད་པར་ལྟ་བ་རྣམས་ཀྱིས་ནི་རིན་ཆེན་བཀོད་པ་བརྗོད་པ་དང་། ཤེས་པ་ཉམས་པའི་ལས་ལ་མངོན་པར་བརྩོན་པ་རྣམས་ཀྱིས་ནི་དཔེ་མ་མཆིས་པ་བརྗོད་པ་དང་། ཀུན་ཏུ་སྦྱོར་བ་དང་འཆིང་བ་ཅན་ཐམས་ཅད་ཀྱིས་ནི་ནམ་མཁའི་སྒོ་བརྗོད་པ་དང་།
D112.050.0232a06.01ཆོས་ཐམས་ཅད་གཞན་མ་ལགས་པར་སེམས་པ་རྣམས་ཀྱིས་ནི་ཡེ་ཤེས་ཀྱི་ཕྱག་རྒྱ་བརྗོད་པ་དང་། དེ་བཞིན་གཤེགས་པའི་ཡོན་ཏན་ཡོངས་སུ་མ་རྫོགས་པ་རྣམས་ཀྱིས་ནི་འཇིག་རྟེན་གྱི་རིག་པ་མངོན་སུམ་དུ་བགྱི་བའི་དངོས་པོ་བརྗོད་པ་དང་། སྔོན་གྱི་སངས་རྒྱས་ལ་ལྷག་པར་བགྱི་བ་བགྱིས་
D112.050.0232a07.01