完整藏文原文 · 德格版页 当前仅加载第 50 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་རྫོགས་པའི་སངས་རྒྱས་པད་མ་དམ་པའི་སྐུ་ཚེའི་ཚད་ནི་བར་གྱི་བསྐལ་པ་སུམ་ཅུར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པར་འགྱུར་རོ། །རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་དམ་པ་ཡོངས་སུ་མྱ་
D112.050.0135b01.01ངན་ལས་འདས་ནས་ཀྱང་དམ་པའི་ཆོས་ནི་བར་གྱི་བསྐལ་པ་བཅུར་གནས་པར་འགྱུར་རོ། །འཇིག་རྟེན་གྱི་ཁམས་པད་མར་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སྐྱེས་པ་དང་། སྐྱེ་བར་འགྱུར་བ་དེ་དག་གི་ཚེའི་ཚད་ནི་བར་གྱི་བསྐལ་པ་བཞི་བཅུར་འགྱུར་རོ། །རིགས་ཀྱི་བུ་
D112.050.0135b02.01འཇིག་རྟེན་གྱི་ཁམས་པད་མ་དེ་སྔོན་ནི་ཙན་དན་ཞེས་བྱ་བར་གྱུར་ཏེ། ད་ལྟར་གྱི་འཇིག་རྟེན་གྱི་ཁམས་པད་མ་ལྟར་ཡོངས་སུ་དག་པར་ཡང་མ་གྱུར་ལ། དེ་ལྟར་སེམས་ཅན་དག་པ་དག་གིས་གང་བར་ཡང་མ་གྱུར་ཏོ། །རིགས་ཀྱི་བུ་འཇིག་རྟེན་གྱི་ཁམས་ཙན་དན་དུ་ནི་དེ་བཞིན་གཤེགས་
D112.050.0135b03.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་དམ་པ་ཞེས་བྱ་བ་རིག་པ་དང་ཞབས་སུ་ལྡན་པ་ཞེས་བྱ་བ་ནས་སངས་རྒྱས་བཅོམ་ལྡན་འདས་ཞེས་བྱ་བའི་བར་དང་ལྡན་པར་གྱུར་ཏེ། དེས་ཀྱང་བར་གྱི་བསྐལ་པ་སུམ་ཅུར་ཆོས་བསྟན་པར་གྱུར་ཏོ། །ཡོངས་སུ་མྱ་ངན་ལས་
D112.050.0135b04.01འདས་པའི་དུས་ཀྱི་ཚེ་ན་བྱང་ཆུབ་སེམས་དཔའ་ཁ་ཅིག་ནི་སྨོན་ལམ་གྱི་དབང་གིས་སངས་རྒྱས་ཀྱི་ཞིང་གཞན་དག་ཏུ་དོང་ངོ་། །བྱང་ཆུབ་སེམས་དཔའ་ལྷག་མ་གང་དག་དེ་ན་འཁོད་པ་དེ་དག་ནི་འདི་སྙམ་དུ་སེམས་པར་གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D112.050.0135b05.01སངས་རྒྱས་ཟླ་བ་དམ་པ་ནི་དོ་མོད་ནམ་གྱི་གུང་ཐུན་ལ་ཡོངས་སུ་མྱ་ངན་ལས་འདའ་བར་འགྱུར་རོ། །བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ནི་བར་གྱི་བསྐལ་པ་བཅུར་གནས་པར་གྱུར་ན་དམ་པའི་ཆོས་ནུབ་པའི་འོག་ཏུ་སུ་ཞིག་བླ་ན་མེད་པ་ཡང་དག་
D112.050.0135b06.01པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་སྙམ་དུ་སེམས་པར་གྱུར་ཏོ། །ཡང་དེའི་ཚེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་ཕྱག་རྒྱ་ཞེས་བྱ་བ་དེ་སྔོན་གྱི་སྨོན་ལམ་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D112.050.0135b07.01