完整藏文原文 · 德格版页 当前仅加载第 50 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཡང་དག་འདོད་ལ་བྱིན་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ངའི་རྫུ་འཕྲུལ་གྱི་སྟོབས་བསྐྱེད་པས་ཁྱེད་ཅག་འཇིག་རྟེན་གྱི་ཁམས་མི་མཇེད་དུ་དེང་ཤིག །དེ་ན་སྲོག་ཆགས་ཉི་ཁྲིས་ཀྱང་གསོལ་པ།
D112.050.0292a01.01བཙུན་པ་བཅོམ་ལྡན་འདས་བདག་ཅག་ཀྱང་དེ་བཞིན་གཤེགས་པའི་མཐུས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བའི་སླད་དུ་འཇིག་རྟེན་གྱི་ཁམས་མི་མཇེད་དུ་མཆིས་ལགས་སོ། །དེ་
D112.050.0292a02.01བཞིན་གཤེགས་པ་དེས་བཀའ་སྩལ་པ། རིགས་ཀྱི་བུ་དག་བསམ་པ་ཇི་ལྟ་བ་བཞིན་དུ་དེང་ཤིག །དེ་ནས་དེ་བཞིན་གཤེགས་པ་དེའི་མཐུས་བྱང་ཆུབ་སེམས་དཔའ་དེ་གཉིས་བྱང་ཆུབ་སེམས་དཔའ་ཉི་ཁྲི་དང་ལྷན་ཅིག་འགྲོགས་ཏེ་སངས་རྒྱས་
D112.050.0292a03.01ཀྱི་ཞིང་རྣམ་པར་རྒྱལ་བ་དེ་ནས་འཕགས་པ་དང་། སེམས་ཀྱི་སྐད་ཅིག་གཅིག་གིས་སངས་རྒྱས་ཀྱི་ཞིང་མི་མཇེད་འདིར་ཕྱིན་ཏེ་བྱ་རྒོད་ཕུང་པོའི་རི་ལ་སོ་སོར་འཁོད་དོ། །འཁོད་ནས་ཀྱང་དེ་དག་གིས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་
D112.050.0292a04.01ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་གསོལ་པ། བཙུན་པ་བཅོམ་ལྡན་འདས་འདི་ནས་བྱང་ཤར་གྱི་ཕྱོགས་ལོགས་སུ་ཞེས་བྱ་བ་ནས་དེ་བཞིན་གཤེགས་པ་དེས་མེ་ཏོག་ཟླ་བ་མདོག་མཛེས་དྲི་མ་མེད་པ་འདི་དག་ཀྱང་བསྐུར་ཞིང་། བཅོམ་ལྡན་འདས་
D112.050.0292a05.01ལ་སྙུན་མི་མངའ་འམ། ཐུགས་བདེའམ་ཞེས་ཀྱང་སྙུན་གསོལ་ལགས་སོ་བཞེས་བྱ་བའི་བར་དུ་ཇི་སྐད་སྔར་སྨོས་པ་བཞིན་དུ་སྦྱར་རོ། །དེ་བཞིན་དུ་དེ་བཞིན་གཤེགས་པ་བདུད་ཀྱི་གནས་རྣམ་པར་འཇོམས་པའི་གདན་ཡང་གཡོས་ཏེ། བྱང་ཆུབ་
D112.050.0292a06.01སེམས་དཔའ་གང་དག་དེར་འདུས་པར་གྱུར་པ་དེ་དག་གིས་དེ་བཞིན་གཤེགས་བདུད་ཀྱི་གནས་རྣམ་པར་འཇོམས་པའི་གདན་ཡང་གཡོས་པ་མཐོང་སྟེ། དེ་བཞིན་གཤེགས་པ་དེ་ལ་ཡོངས་སུ་ཞུས་པ་ནས་ཇི་སྐད་སྔར་སྨོས་པའི་བར་དག་
D112.050.0292a07.01