完整藏文原文 · 德格版页 当前仅加载第 50 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
གྱོ་མོ་དང་། ཚེར་མ་དང་། ཚང་ཚིང་དག་མ་མཆིས་པ་དང་། ཤིང་ལྗོན་པ་དག་མ་མཆིས་པ་དང་། རྒྱ་མཚོ་ཆེན་པོ་དག་མ་མཆིས་པ་དེར་བྱང་ཆུབ་མངོན་པར་རྫོགས་པར་འཚང་རྒྱ་བར་གྱུར་ཅིག །དེ་ན་ཉི་མ་དང་ཟླ་བ་དག་མ་མཆིས་པ་དང་།
D112.050.0186a01.01སྐར་མའི་གཟུགས་རྣམས་མ་མཆིས་པ་དང་། ཉིན་མོ་དང་མཚན་མོ་མ་མཆིས་པ་དང་། མུན་པ་ཐིབས་པོ་མ་མཆིས་པ་དང་། དེ་ན་སེམས་ཅན་རྣམས་ལ་བཤང་བ་དང་། གཅི་བ་དང་། མཆིལ་མ་དང་། སྣབས་དག་མ་མཆིས་པ་དང་། ལུས་
D112.050.0186a02.01ཀྱི་རྔུལ་དང་། དྲི་ང་བ་མ་མཆིས་པ་དང་། སེམས་ཅན་རྣམས་ལ་ལུས་ངལ་བ་མ་མཆིས་པ་དང་། སེམས་ངལ་བ་མ་མཆིས་པར་གྱུར་ཅིག །དེ་ན་འཐུལ་བ་མ་མཆིས་པར་གྱུར་ཅིག །དེ་ནས་གཞི་ཐམས་ཅད་རིན་པོ་ཆེའི་རྡོའི་སྙིང་པོ་ལས་གྲུབ་པར་གྱུར་ཅིག །
D112.050.0186a03.01རིན་པོ་ཆེ་འབུམ་ཕྲག་དུ་མས་བརྒྱན་ཅིང་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དག་བཀྲམ་པར་གྱུར་ཅིག །སངས་རྒྱས་ཀྱི་ཞིང་དེར་རིན་པོ་ཆེའི་ཤིང་ལྗོན་པ་སྣ་ཚོགས་དག་གིས་བརྒྱན་པར་གྱུར་ཅིག །རིན་པོ་ཆེའི་ཤིང་ལྗོན་པ་དེ་དག་ཀྱང་རིན་པོ་ཆེ་སྣ་
D112.050.0186a04.01ཚོགས་ཀྱི་དྲ་བ་དག་གིས་བརྒྱན་པར་གྱུར་ཅིག །རིན་པོ་ཆེ་སྣ་ཚོགས་ཀྱི་རས་བཅོས་བུ་དག་དང་། རིན་པོ་ཆེ་སྣ་ཚོགས་ཀྱི་གོས་དག་དང་། རིན་པོ་ཆེ་སྣ་ཚོགས་ཀྱི་ཕྲེང་བ་དག་དང་། རིན་པོ་ཆེ་སྣ་ཚོགས་ཀྱི་ལྷབ་ལྷུབ་ཀྱི་རྒྱན་གྱིས་བརྒྱན་པར་གྱུར་ཅིག །རིན་པོ་
D112.050.0186a05.01ཆེའི་ཤིང་ལྗོན་པ་དེ་དག་ལ་མེ་ཏོག་ཕྲེང་སྣ་ཚོགས་དག་དང་། རོལ་མོའི་སྒྲ་སྣ་ཚོགས་དག་དང་། རིན་པོ་ཆེའི་སྣོད་སྣ་ཚོགས་དག་དང་། རིན་པོ་ཆེའི་མེ་ཏོག་སྣ་ཚོགས་དག་གིས་བརྒྱན་པར་གྱུར་ཅིག །དེ་ན་གང་གི་ཚེ་མེ་ཏོག་དག་ཁ་ཟུམས་ཤིང་རོལ་མོའི་སྒྲ་
D112.050.0186a06.01དག་མི་གྲག་པ་མ་གཏོགས་པར་མཚན་མོ་མི་མངོན་པར་གྱུར་ཅིག །མེ་ཏོག་ཁ་ཟུམས་པ་དེ་དག་ལས་བྱང་ཆུབ་སེམས་དཔའ་དག་སྐྱེ་བར་གྱུར་ཅིག །དེར་བྱང་ཆུབ་སེམས་དཔའ་སྙོམས་པར་ཞུགས་པ་ན་ཏིང་ངེ་འཛིན་སྣང་བ་བཀོད་པ་ཞེས་བགྱི་བ་ཐོབ་པར་གྱུར་ཅིག །
D112.050.0186a07.01