完整藏文原文 · 德格版页 当前仅加载第 50 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཡང་ཕུལ་ལོ། །བཅོམ་ལྡན་འདས་ལ་རིན་པོ་ཆེའི་དཔག་བསམ་གྱི་ཤིང་བརྒྱད་ཁྲི་བཞི་སྟོང་དང་། རིན་པོ་ཆེའི་མེ་ཏོག་གི་ཕུང་པོ་བརྒྱད་ཁྲི་བཞི་སྟོང་དང་། རིན་པོ་ཆེ་སྣ་བདུན་གྱི་གདུགས་བརྒྱད་ཁྲི་བཞི་སྟོང་དང་། རྒྱལ་པོ་ལ་འོས་པའི་གོས་རྒྱན་ཆེན་པོ་བརྒྱད་ཁྲི་བཞི་སྟོང་དང་། རིན་པོ་
D112.050.0151b01.01ཆེའི་ཕྲེང་བ་བརྒྱད་ཁྲི་བཞི་སྟོང་དང་། རྒྱན་དང་། ཁྲིའུ་དང་། མགོ་ལྟ་བུ་དང་། མིག་ལྟ་བུ་དང་། སྙན་ཆ་གདུབ་འཁོར་དང་། གསེར་གྱི་ཙོང་ཙོང་དང་། མུ་ཏིག་གི་དོ་ཤལ་དང་། ཆགས་དང་། གཟིམས་ཆ་དང་། ཞབས་རྟེན་དང་། སྣོད་དང་། རྔ་བོ་ཆེ་དང་། རོལ་མོའི་སྒྲ་
D112.050.0151b02.01དང་། དུང་དང་། དྲིལ་བུ་དང་། རྒྱལ་མཚན་དང་། རིལ་བ་བྷྲིང་ག་ར་དང་། ཀུན་དགའི་ར་བ་དང་། མར་མེའི་ཀོང་བུ་དག་ཀྱང་ཕུལ་ལོ། །བཅོམ་ལྡན་འདས་ལ་རིན་པོ་ཆེའི་བྱ་དང་། རིན་པོ་ཆེའི་{རི་དགས་,རི་དྭགས་}དང་། བསིལ་ཡབ་བརྒྱད་ཁྲི་བཞི་སྟོང་ཡང་ཕུལ་ལོ། །དེ་བཞིན་
D112.050.0151b03.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་ལ་སྨན་བཅུད་ཀྱིས་ལེན་བརྒྱད་ཁྲི་བཞི་སྟོང་ཡང་ཕུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་བགྱི་བ་མང་ཞིང་བགྱིད་པ་མང་བ་ལགས་ན། བཅོམ་ལྡན་འདས་ཀྱིས་བདག་ལ་བཟོད་པ་མཛད་
D112.050.0151b04.01ཅིང་། བདག་ཅག་གི་སྐྱེད་མོས་ཚལ་དུ་བཞུགས་པ་དང་། བཅོམ་ལྡན་འདས་སྐྱེད་མོས་ཚལ་འདིར་རྟག་ཏུ་དགྱེས་པར་མཛད་དུ་གསོལ། བཅོམ་ལྡན་འདས་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བའི་སླད་དུ་བདག་སླད་ཀྱིས་ཀྱང་མཆིའོ། །རྒྱལ་པོ་རྩིབས་
D112.050.0151b05.01ཀྱི་མུ་ཁྱུད་ཀྱི་བུ་སྟོང་པོ་གང་ཡིན་པ་དེ་དག་གིས་ཀྱང་བཅོམ་ལྡན་འདས་ཀྱི་ཞབས་ལ་གཏུགས་ནས། སོ་སོ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཅག་རེ་རེས་ཀྱང་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་དགུང་ཟླ་གསུམ་ཞིག་ཡོ་བྱད་ཐམས་
D112.050.0151b06.01ཅད་ཀྱིས་བསྙེན་བཀུར་བགྱི་བར་འཚལ་ན་བཅོམ་ལྡན་འདས་ཀྱིས་བདག་ཅག་ལ་གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་རྒྱལ་བུ་དེ་དག་ལ་གནང་བར་མཛད་དོ། །དེ་ནས་རྒྱལ་པོ་རྩིབས་ཀྱི་མུ་ཁྱུད་ཀྱིས་གནང་བར་རིག་ནས། བཅོམ་ལྡན་འདས་དང་
D112.050.0151b07.01