完整藏文原文 · 德格版页 当前仅加载第 50 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཡང་དག་པར་ཞུགས་པའི་སེམས་ཅན་དཔག་ཏུ་མ་མཆིས་གྲངས་མ་མཆིས་པ་དག་ལ་ཡང་བདག་གིས་ཚིག་གཅིག་བརྗོད་པས་དགེ་བ་རྣམ་པར་སྦྱོང་བ་ཡང་དག་པར་བསྩགས་པ་ཆེན་པོས་ཡང་དག་པར་ཚིམ་པར་གྱུར་ཅིག །དེ་ན་བྱང་ཆུབ་སེམས་དཔའ་སེམས་
D112.050.0234a01.01དཔའ་ཆེན་པོ་དེ་དག་གིས་ཆོས་ཐམས་ཅད་ལ་གཞན་གྱི་དྲིང་མི་འཇོག་པའི་ཡེ་ཤེས་ཐོབ་པར་གྱུར་ཅིག །ཆོས་ཀྱི་སྣང་བ་ཆེན་པོ་དང་ཡང་ལྡན་པར་གྱུར་ཅིག །མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་གྱུར་ཅིག །བཙུན་
D112.050.0234a02.01པ་བཅོམ་ལྡན་འདས་འཇིག་རྟེན་གྱི་ཁམས་གཞན་དག་ན་ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའམ། བླ་ན་མེད་པའི་ཐེག་པ་ཆེན་པོ་པའི་སེམས་ཅན་གང་དག་མཚམས་མ་མཆིས་པ་བགྱིད་པ་དང་། ལྟུང་བའི་རྩ་བའི་བར་གྱི་ནོངས་པ་དང་བཅས་པ་དང་
D112.050.0234a03.01སེམས་ཀྱི་རྒྱུད་ཚིག་པར་གྱུར་པ་དེ་དག་ཀྱང་སྨོན་ལམ་གྱི་དབང་གིས་བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །སེམས་ཅན་མི་དགེ་བའི་རྩ་བ་དང་འགྲོགས་པ། རྩུབ་པ། སྡིག་པ་འཚལ་བ། ཁྲ་ཁྲོ་དང་། རྨུ་རྒོད་ཀྱི་རྒྱུད་ཅན། བློ་ལྡོག་པ་ཀུན་འཛིན་པའི་རྒྱུད་ཅན་དེ་དག་ལ་
D112.050.0234a04.01ཡང་བདག་གི་སེམས་དང་སྐད་བརྒྱད་ཁྲི་བཞི་སྟོང་དག་སྟོན་པར་གྱུར་ཅིག །སེམས་ཅན་ལེ་ལོ་ཅན་གྱི་བར་དག་ལ་ཡང་བདག་གིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དག་རྒྱ་ཆེར་སྟོན་པར་གྱུར་ཅིག །དེ་ན་སེམས་ཅན་གང་དག་བླ་ན་མེད་པའི་ཐེག་པ་ཆེན་པོར་གྱུར་པ་དེ་དག་ལ་ཡང་བདག་གིས་
D112.050.0234a05.01ཕ་རོལ་ཏུ་ཕྱིན་པ་དྲུག་གི་ཆོས་རྣམས་རྒྱ་ཆེར་སྟོན་པར་འགྱུར་ཞིང་། སྦྱིན་པའི་ཕ་རོལ་ཏུ་ཕྱིན་པ་རྒྱ་ཆེར་སྟོན་པར་འགྱུར་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་རྒྱ་ཆེར་སྟོན་པར་གྱུར་ཅིག །ཡང་དེ་ན་སེམས་ཅན་གང་དག་ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་
D112.050.0234a06.01པ་པར་གྱུར་པའམ། དགེ་བའི་རྩ་བ་མ་བསྐྲུན་ཅིང་བསྟན་བཅོས་ལ་མངོན་པར་དགའ་བར་མ་གྱུར་པ་དེ་དག་ཀྱང་བདག་གིས་གསུམ་ལ་སྐྱབས་སུ་མཆི་བ་ལ་འགོད་པར་འགྱུར་ཞིང་། སླད་ཀྱིས་ཕ་རོལ་ཏུ་ཕྱིན་པ་དྲུག་པོ་དག་ལ་ཡང་སྦྱོར་བར་གྱུར་ཅིག །རྣམ་པར་འཚེ་བ་ལ་དགའ་བ་
D112.050.0234a07.01