完整藏文原文 · 德格版页 当前仅加载第 50 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ན་ལོ་བྱེ་བས་ཀྱང་མི་བས་པར་གྱུར་ཅིག །བྱང་ཆུབ་སེམས་དཔའ་གང་དག་སངས་རྒྱས་ཀྱི་ཞིང་གསེར་ལས་གྲུབ་པར་མཐོང་བར་འཚལ་ན་ཡང་དེ་ལ་གསེར་ལས་གྲུབ་པར་གནས་པར་འགྱུར་བ་དང་། གང་དངུལ་ལས་གྲུབ་པར་འཚལ་བ་དེས་དངུལ་ལས་གྲུབ་པར་
D112.050.0179b01.01མཐོང་ཡང་དེ་ལ་གསེར་ལས་གྲུབ་པ་ཡང་ཉམས་པར་མི་འགྱུར་བ་དང་། དེ་བཞིན་དུ་སྦྱར་ཏེ། གང་ཤེལ་ལས་གྲུབ་པ་དང་། བཻ་དཱུརྱ་ལས་གྲུབ་པ་དང་། རྡོའི་སྙིང་པོ་ལས་གྲུབ་པ་དང་། མུ་ཏིག་དམར་པོ་ལས་གྲུབ་པ་དང་། སྤུག་ལས་གྲུབ་པར་འཚལ་ན་ཡང་
D112.050.0179b02.01སངས་རྒྱས་ཀྱི་ཞིང་དེ་རིན་པོ་ཆེ་རྣམ་པ་དེ་ལྟ་བུ་དག་ཏུ་མཐོང་བར་གྱུར་ཅིག །བྱང་ཆུབ་སེམས་དཔའ་སངས་རྒྱས་ཀྱི་ཞིང་དེ་ཨ་ག་རུ་ལས་གྲུབ་པ་དང་། རྒྱ་སྤོས་ལས་གྲུབ་པ་དང་། ཏ་མ་ལའི་ལོ་མ་ལས་གྲུབ་པ་དང་། ཙན་དན་སྦྲུལ་གྱི་སྙིང་པོ་ལས་གྲུབ་པ་དང་། ཙན་
D112.050.0179b03.01དན་ས་མཆོག་པ་ལས་གྲུབ་པར་མཐོང་བར་འཚལ་ན་ཡང་དེ་ལ་དེ་བཞིན་དུ་གྱུར་ཅིག །ཇི་ལྟ་ཇི་ལྟར་ཅི་འདྲ་བར་མཐོང་བར་འཚལ་བ་དེ་ལྟ་དེ་ལྟར་དེ་དང་འདྲ་བར་མཐོང་བར་གྱུར་ཅིག །གཅིག་གིས་གཉིས་པའི་སྨོན་ལམ་མཐོང་བར་མི་འགྱུར་ཞིང་། ཐམས་ཅད་ཀྱི་སྨོན་ལམ་ཡང་
D112.050.0179b04.01ཡོངས་སུ་རྫོགས་པར་གྱུར་ཅིག །སངས་རྒྱས་ཀྱི་ཞིང་དེ་ན་ཉི་མ་དང་ཟླ་བར་མངོན་པ་ཡང་མ་མཆིས་ཤིང་། དེར་བྱང་ཆུབ་སེམས་དཔའ་འོད་ཅན་དག་སྐྱེ་བར་གྱུར་ཅིག །གཞན་ཡང་འོད་ཇི་ལྟ་བུ་དག་འཚལ་བ་དེ་ལྟ་བུ་དག་ཐ་ན་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་
D112.050.0179b05.01ཚུན་ཆད་དུ་ཡང་གཏོང་བར་གྱུར་ཅིག །སངས་རྒྱས་ཀྱི་ཞིང་དེ་ན་མེ་ཏོག་ཁ་བྱེ་བ་མ་གཏོགས་པར་མཚན་མོ་དང་། ཉིན་མོ་དག་མིང་ཡང་མ་མཆིས་པར་གྱུར་ཅིག །སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་གང་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བ་
D112.050.0179b06.01དེ་དགའ་ལྡན་དག་ཏུ་ཚེ་བས་པར་བགྱིས་ནས་འཇིག་རྟེན་གྱི་ཁམས་གཞན་དག་ཏུ་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་མ་གཏོགས་པར་གྲང་བ་དང་། ཚ་བ་དང་། ནད་དང་། མི་བདེ་བ་དང་། རྒ་བ་དང་། འགུམ་པ་ཡང་མ་མཆིས་པར་གྱུར་ཅིག །སངས་
D112.050.0179b07.01