完整藏文原文 · 德格版页 当前仅加载第 50 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་ལུས་རིའི་ཚད་ཙམ་དུ་གྱུར་ཅིང་། མགོ་འབུམ་ཕྲག་དུ་མ་ཡོད་པར་གྱུར་ལ། ཁྱོན་དུ་ནི་དཔག་ཚད་བརྒྱ། འཕང་དུ་ཡང་དཔག་ཚད་བརྒྱར་གྱུར་ནས། མི་དང་། {རི་དགས་,རི་དྭགས་}དང་། བྱའི་བར་དག་གིས་ཀྱང་ཤ་དང་ཁྲག་བཟའ་བར་བརྩམས་སོ། །རིགས་ཀྱི་བུ་ངའི་
D112.050.0274a01.01ལུས་ལ་སེམས་ཅན་དེ་དག་གིས་ཟོས་པ་ན་ཉིན་གཅིག་བཞིན་དུ་ཕྱིར་སྐྱེ་ཞིང་ཁྱོན་དུ་ཡང་དཔག་ཚད་འབུམ། འཕང་དུ་ཡང་དཔག་ཚད་འབུམ་ཡོད་པར་འགྱུར་ལ། ཐམས་ཅད་ནས་མིའི་མགོ་བོ་སྐྲ་དང་། རྣ་བ་དང་། མིག་དང་བཅས་པ། མཆུ་དང་སོ་དང་བཅས་པ། ལྕེ་དང་
D112.050.0274a02.01བཅས་པའི་ཁ་འབུམ་ཕྲག་དུ་མ་དག་བྱུང་བར་གྱུར་ནས། ཁ་འབུམ་ཕྲག་དུ་མ་པོ་དེ་དག་ནས་མིའི་སྐད་ཀྱིས་སྒྲ་སྒྲོགས་པ། ཀྱེ་སེམས་ཅན་དག་ཅི་འདོད་པ་ལོང་ཤིག །ཀྱེ་ཤ་ཟོ་ཤིག །ཁྲག་འཐུང་ཤིག །མིག་དག་ཁྱེར་ཅིག །རྣ་བ་དང་། སྣ་དང་། སྐྲ་དང་། མཆུ་དང་།
D112.050.0274a03.01སོ་དང་། ལྕེ་དག་ཁྱེར་ཅིག །གང་འདོད་པ་དང་། གང་གིས་འདོད་པ་དང་། ཇི་སྙེད་འདོད་པས་ལུས་ཚིམ་པར་གྱུར་ཅིག །བསམ་པ་ཡོངས་སུ་རྫོགས་པར་གྱུར་པ་རྣམས་ནི་ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། བླ་ན་མེད་པ་ཡང་དག་པར་རྫོགས་
D112.050.0274a04.01པའི་བྱང་ཆུབ་ཏུ་སེམས་སྐྱེད་ཅིག །ཁྱེད་ཀྱི་ལོངས་སྤྱོད་དང་། ཡོངས་སུ་སྤྱོད་པ་འདི་ནི་ཟད་པར་ཡང་མི་འགྱུར་ལ། ཁྱེད་ལ་དད་པས་བྱིན་པར་ཡང་མི་འགྱུར་གྱིས། ཁྱེད་ཅག་མྱུར་བ་ཉིད་དུ་སྲོག་ཟད་པར་ཡང་མ་གྱུར་ཅིག་ཅེས་སྒྲ་སྒྲོགས་པར་བྱེད་དོ། །དེ་ན་སེམས་ཅན་
D112.050.0274a05.01མཁས་པ་གང་ཡིན་པ་དེ་དག་ལས་ཁ་ཅིག་ནི་ཉན་ཐོས་ཀྱི་ཐེག་པར་སེམས་སྐྱེད་པར་བྱེད། ཁ་ཅིག་ནི་རང་སངས་རྒྱས་ཀྱི་ཐེག་པར་སེམས་སྐྱེད་པར་བྱེད། ཁ་ཅིག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་དོ། །ཁ་ཅིག་ནི་ལྷ་དང་མིར་སྐྱེ་
D112.050.0274a06.01བར་སེམས་སྐྱེད་པར་བྱེད་ཅིང་། ཤ་ནི་ཟ། ཁྲག་ནི་འཐུང་ངོ་། །ཁ་ཅིག་གིས་ནི་མིག་དག་ཁྱེར། ཁ་ཅིག་གིས་ནི་རྣ་བ་དག །ཁ་ཅིག་གིས་ནི་སྣ་དག །ཁ་ཅིག་གིས་ནི་མཆུ་དག །ཁ་ཅིག་གིས་ནི་སོ་དག་བླངས་ནས་ཁྱེར་ཏེ་དོང་ཡང་སྨོན་ལམ་གྱི་དབང་གིས་ཤ་བྲི་བར་
D112.050.0274a07.01