完整藏文原文 · 德格版页 当前仅加载第 50 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནམ་ཡང་ཚོལ་བར་མི་བྱེད་དོ། །གནས་ལ་རྟེན་པ་མེད་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་གནས་པའི་ཆོས་ནམ་ཡང་ཡང་དག་པར་རྗེས་སུ་མི་མཐོང་བར་བྱེད་དོ། །ནམ་མཁའ་ལྟ་བུའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ནམ་མཁའི་ངོ་
D112.050.0261b01.01བོ་ཉིད་ལྟ་བུར་སྙིང་པོ་མེད་པ་ཉིད་དུ་ཡང་དག་པར་རྗེས་སུ་མཐོང་བར་བྱེད་དོ། །སེམས་མེད་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་སེམས་དང་སེམས་ལས་བྱུང་བའི་ཆོས་རྣམས་སྤོང་བར་བྱེད་དོ། །གཟུགས་མུ་མེད་པའི་ཏིང་ངེ་འཛིན་གྱིས་ནི་གཟུགས་ཀུན་ཏུ་སྣང་
D112.050.0261b02.01བར་བྱེད་དོ། །དྲི་མ་མེད་པའི་སྒྲོན་མའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་སྒྲོན་མ་བཞིན་དུ་བྱེད་དོ། །ཆོས་ཐམས་ཅད་མུ་མེད་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་ཡེ་ཤེས་མུ་མེད་པར་སྟོན་པར་བྱེད་དོ། །གློག་ལྟ་བུའི་ཏིང་ངེ་འཛིན་གྱིས་ནི་ཏིང་ངེ་
D112.050.0261b03.01འཛིན་ཐམས་ཅད་ལ་ཤེས་པ་མུ་མེད་པ་སྟོན་པར་བྱེད་དོ། །འོད་ཐམས་ཅད་བྱེད་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་འོད་བྱེད་པའི་སྒོ་ཉེ་བར་སྟོན་པར་བྱེད་དོ། །ཁམས་ཀྱི་མཐའི་ཏིང་ངེ་འཛིན་གྱིས་ནི་ཏིང་ངེ་འཛིན་མཐའ་མེད་པ་ཐམས་ཅད་རྣམ་པར་ཤེས་པར་བྱ་
D112.050.0261b04.01བའི་ཕྱིར་ཉེ་བར་སྟོན་པར་བྱེད་དོ། །ཏིང་ངེ་འཛིན་དག་པ་དམ་པའི་ཏིང་ངེ་འཛིན་གྱིས་ནི་ཏིང་ངེ་འཛིན་གྱི་ཆོས་རྣམས་ལས་སྟོང་པ་ཉིད་རྗེས་སུ་ཐོབ་པར་བྱེད་དོ། །ལྷུན་པོ་ལྟར་བཀྲ་བའི་ཏིང་ངེ་འཛིན་གྱིས་ནི་ཆོས་ཐམས་ཅད་གསོག་ཉིད་དུ་ཀུན་ཏུ་སྟོན་པར་བྱེད་དོ། །འོད་དྲི་མ་མེད་
D112.050.0261b05.01པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ཀྱི་དྲི་མ་སེལ་བར་བྱེད་དོ། །ཆོས་ཐམས་ཅད་ཀྱི་བརྡའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་མ་འདྲེས་པ་ཉིད་དུ་ཡང་དག་པར་སྟོན་པར་བྱེད་དོ། །དགའ་བ་བྱེད་པའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་དགའ་
D112.050.0261b06.01བ་རབ་ཏུ་ཐོབ་པར་བྱེད་དོ། །ཆོས་ཐམས་ཅད་ཀྱི་ངོ་བོ་ཉིད་ལ་རྣམ་པར་རྩེ་བའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་ངོ་བོ་ཉིད་མི་དམིགས་པ་སྟོན་པར་བྱེད་དོ། །གློག་འགྱུར་བའི་ཏིང་ངེ་འཛིན་གྱིས་ནི་ཏིང་ངེ་འཛིན་ཐམས་ཅད་ལ་མི་ཟད་པ་ཉིད་སྟོན་པར་བྱེད་དོ། །ཆོས་
D112.050.0261b07.01