完整藏文原文 · 德格版页 当前仅加载第 50 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྒྱལ་པོ་སྐར་མ་དྲི་མ་མེད་པས་གསོལ་པ། བཙུན་པ་བཅོམ་ལྡན་འདས་གལ་ཏེ་བདག་གི་རེ་བ་འདི་ལྟ་བུ་ཡོངས་སུ་རྫོགས་པར་འགྱུར་བ་ལྟ་ན་དེའི་སླད་དུ་བཅོམ་ལྡན་འདས་ཀྱིས་བསོད་ནམས་ཀྱི་མཚན་གྱིས་བརྒྱན་པའི་ཕྱག་གིས་བདག་གི་སྤྱི་བོ་ལ་བྱུག་པར་གསོལ།
D112.050.0216b01.01རིགས་ཀྱི་བུ་དེ་ནས་དེ་བཞིན་གཤེགས་པ་རིན་པོ་ཆེའི་སྙིང་པོས་བྱང་ཆུབ་སེམས་དཔའ་སྨན་གྱི་རྒྱལ་པོ་སྐར་མ་དྲི་མ་མེད་པའི་སྤྱི་བོ་ལ་བསོད་ནམས་བརྒྱའི་མཚན་གྱིས་བརྒྱན་པའི་ཕྱག་གིས་ཡོངས་སུ་བྱུག་པ་མཛད་ནས་དེ་ན་བཞུགས་སོ། །རིགས་ཀྱི་བུ་དེ་ནས་བྱང་ཆུབ་
D112.050.0216b02.01སེམས་དཔའ་སྨན་གྱི་རྒྱལ་པོ་སྐར་མ་དྲི་མ་མེད་པ་སེམས་དགའ་ཞིང་མགུ་ལ་ཡི་རངས་ཤིང་རབ་ཏུ་དགའ་བར་གྱུར་ཏེ། དེ་བཞིན་གཤེགས་པ་རིན་པོ་ཆེའི་སྙིང་པོའི་ཞབས་ལ་ཡན་ལག་ལྔས་མགོ་བོས་ཕྱག་བྱས་ནས་ལངས་ཏེ་ཕྱོགས་གཅིག་ཏུ་འདུག་པ་དང་། བྲམ་ཟེ་རྒྱ་
D112.050.0216b03.01མཚོའི་རྡུལ་གྱིས་ལྷའི་ཀ་ཤི་ཀའི་གོས་བསྐོན་ཏེ་སྨྲས་པ། སྐྱེས་བུ་དམ་པ་ལེགས་སོ་ལེགས་སོ། །ཁྱོད་ཀྱིས་སྨོན་ལམ་བཟང་པོ་བཏབ་སྟེ། ད་ཕྱིན་ཆད་ཁྱོད་ཀྱིས་ཁོ་བོའི་བསྙེན་བཀུར་བྱ་མི་དགོས་ཀྱི་ཇི་ལྟར་བདེ་བ་ཉིད་དུ་སྤྱོད་ཅིག །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་
D112.050.0216b04.01རྡུལ་འདི་སྙམ་དུ་སེམས་ཏེ། ཇི་ལྟར་ཐམས་ཅད་དང་ལྡན་པའི་འཁོར་འདི་ན་སྣང་བ་ལྟར་བདག་གིས་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་གོ། །སེམས་ཅན་ཆེན་པོ་འདི་དག་ཐམས་
D112.050.0216b05.01ཅད་ཀྱིས་ནི་སྨོན་ལམ་རྒྱ་ཆེ་བ་དགུ་བཏབ་ཅིང་སངས་རྒྱས་ཀྱི་ཞིང་རབ་ཏུ་དང་བ་ཤ་སྟག་ཡོངས་སུ་བླངས་ཏེ། ཁྱབ་འཇུག་རླུང་མ་གཏོགས་པ་བྱང་ཆུབ་སེམས་དཔའ་གཞན་དག་གིས་རྩོད་པའི་དུས་ཡོངས་སུ་སྤངས་པས་བདག་གིས་ནི་རྩོད་པའི་དུས་ལ་བབ་པར་གྱུར་པ་ན།
D112.050.0216b06.01སེམས་ཅན་རྣམས་ཆོས་ཀྱི་བཅུད་ཀྱིས་འགྲོན་དུ་གཉེར་བར་བྱ་ཞིང་བརྩོན་འགྲུས་བརྟན་པོར་བྱ་སྟེ། བདག་གིས་ཅི་ནས་ཀྱང་བྱང་ཆུབ་སེམས་དཔའི་འཁོར་འདི་དག་ཐམས་ཅད་ངོ་མཚར་ཐོབ་པར་འགྱུར་བ་དང་། ཐམས་ཅད་དང་ལྡན་པའི་འཁོར་འདི་དང་། ལྷ་དང་། དྲི་ཟ་
D112.050.0216b07.01