完整藏文原文 · 德格版页 当前仅加载第 50 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་སྲོག་གཅོད་པ་སྤོང་བ་ལ་འགོད་པར་གྱུར་ཅིག །འདོད་པ་མི་བཟད་པས་ཟིལ་གྱིས་ནོན་པ་རྣམས་ནི་མ་བྱིན་པར་ལེན་པ་སྤོང་བ་ལ་འགོད་པར་གྱུར་ཅིག །ཆོས་མ་ལགས་པ་ལ་འདོད་པས་ཆགས་པ་རྣམས་ནི་འདོད་པ་ལ་ལོག་པར་གཡེམ་པ་སྤོང་བ་ལ་འགོད་པར་གྱུར་ཅིག །
D112.050.0234b01.01ཕན་ཚུན་{བརྫུན་,རྫུན་}གྱི་ཚིག་སྨྲ་བ་རྣམས་ནི་{བརྫུན་,རྫུན་}དུ་སྨྲ་བ་སྤོང་བ་ལ་འགོད་པར་གྱུར་ཅིག །མྱོས་པར་འགྱུར་བ་ལ་མངོན་པར་དགའ་བ་རྣམས་ནི་ཆང་དང་བཅོས་པའི་ཆང་མྱོས་པར་འགྱུར་བ་བག་མེད་པ་སྤོང་བ་ལ་འགོད་པར་གྱུར་ཅིག །སེམས་ཅན་གང་དག་ནོངས་པ་ལྔ་པོ་ཐམས་ཅད་
D112.050.0234b02.01བགྱིད་པར་འགྱུར་བ་དེ་དག་ནི་ནོངས་པ་ལྔ་པོ་སྤོང་ཞིང་དགེ་བསྙེན་གྱི་སྡོམ་པ་ལ་འགོད་པར་གྱུར་ཅིག །སེམས་ཅན་གང་དག་དགེ་བའི་ཆོས་རྣམས་ལ་མངོན་པར་མི་དགའ་བ་དེ་དག་ནི་བདག་གིས་ཉིན་ཞག་གཅིག་ཙམ་ཡང་ཡན་ལག་བརྒྱད་དང་ལྡན་པའི་ཚུལ་ཁྲིམས་ལ་རབ་ཏུ་འགོད་
D112.050.0234b03.01པར་གྱུར་ཅིག །སེམས་ཅན་གང་དག་དགེ་བའི་རྩ་བ་ཆུང་ངུ་ལ་མངོན་པར་དགའ་བའི་སེམས་དང་ལྡན་པ་དེ་དག་ནི་བདག་གིས་ལེགས་པར་གསུངས་པའི་ཆོས་འདུལ་བ་ལ་ཉེ་བར་སྦྱར་བར་བགྱི་ཞིང་། རབ་ཏུ་བྱུང་བའི་སྡོམ་པ་བསླབ་པའི་གཞི་བཅུའི་ཚངས་པར་སྤྱོད་པ་ལ་འགོད་
D112.050.0234b04.01པར་གྱུར་ཅིག །སེམས་ཅན་གང་དག་དགེ་བའི་ཆོས་རྣམས་ཡོངས་སུ་ཚོལ་བར་འཚལ་བ་དེ་དག་ནི་བདག་གིས་དགེ་བའི་ཆོས་རྣམས་ལ་ཉེ་བར་བསྒྲུབས་ནས་ཚངས་པར་སྦྱོར་བ་ཐམས་ཅད་ལ་རབ་ཏུ་འགོད་པར་གྱུར་ཅིག །སེམས་ཅན་མཚམས་མ་མཆིས་པ་བགྱིད་པ་དང་། ཀུན་
D112.050.0234b05.01ནས་འཛིན་པའི་རྒྱུད་ཅན་གྱི་བར་དེ་ལྟ་བུ་དག་གི་དོན་དུ་བདག་གིས་དོན་དང་། ཚིག་དང་། ཡི་གེ་རྣམ་པ་སྣ་ཚོགས་མང་པོ་དག་གི་ཆོ་འཕྲུལ་རྣམས་ཀྱིས་ཆོས་སྟོན་པར་གྱུར་ཅིག །ཕུང་པོ་དང་། ཁམས་དང་། སྐྱེ་མཆེད་དག་མི་རྟག་པ་དང་། སྡུག་བསྔལ་བ་དང་། བདག་
D112.050.0234b06.01མ་མཆིས་པ་དང་། སྟོང་པར་སྟོན་པར་འགྱུར་ཞིང་བདེ་བ་དང་། དགེ་བ་དང་། ཞི་བ་དང་། ཤིས་པ་དང་། འཇིགས་པ་མ་མཆིས་པའི་གྲོང་ཁྱེར་མྱ་ངན་ལས་འདས་པ་ལ་རབ་ཏུ་འགོད་པར་གྱུར་ཅིག །དེ་ལྟར་བདག་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་
D112.050.0234b07.01