完整藏文原文 · 德格版页 当前仅加载第 50 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་མཐོང་བའི་བདེ་བས་ལུས་རབ་ཏུ་ཚིམ་སྟེ། སངས་རྒྱས་མཐོང་ནས་འདི་སྙམ་དུ་སེམས་ཅན་འདིའི་མཐུས་བདག་ཅག་གིས་བདེ་བའི་ཚོར་བ་ཐོབ་བོ་སྙམས་དུ་སེམས་ཏེ། དེ་དག་བཅོམ་ལྡན་འདས་ལ་དགའ་ཞིང་དང་ལ་གུས་པ་སྐྱེས་པ་དང་། བཅོམ་
D112.050.0147a01.01ལྡན་འདས་ཀྱིས་དེ་དག་ལ་བཀའ་སྩལ་པ། ཀྱེ་སེམས་ཅན་དག་སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ་ཞེས་ཚིག་དེ་སྐད་བརྗོད་ཅིག་དང་རྟག་ཏུ་དེ་ལྟ་བུའི་བདེ་བ་དང་ལྡན་པར་འགྱུར་རོ། །དེ་ནས་སེམས་ཅན་དམྱལ་བ་པ་དེ་དག་
D112.050.0147a02.01གིས་ཐལ་མོ་སྦྱར་ནས་སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ་ཞེས་ཚིག་དེ་སྐད་བརྗོད་དོ། །དེ་ནས་སེམས་ཅན་དམྱལ་བ་པའི་སེམས་ཅན་དེ་དག་དགེ་བའི་རྩ་བ་དེ་དང་། སེམས་དང་བ་དེས་དེ་ནས་ཤི་འཕོས་ནས། ཁ་ཅིག་
D112.050.0147a03.01ནི་ལྷ་རྣམས་ཀྱི་ནང་དུ་སྐྱེས་སོ། །ཁ་ཅིག་ནི་མི་རྣམས་ཀྱི་ནང་དུ་སྐྱེས་སོ། །གང་དག་གྲང་བའི་སེམས་ཅན་དམྱལ་བ་རྣམས་སུ་སྐྱེས་པའི་སེམས་ཅན་དེ་དག་ལ་ནི་རླུང་དྲོན་པོ་དག་ལངས་ནས་སྔ་མ་བཞིན་དུ་མི་རྣམས་ཀྱི་བར་དུ་སྐྱེས་སོ། །དེ་བཞིན་དུ་{ཡི་དགས་,ཡི་དྭགས་}བཀྲེས་པ་དང་སྐོམ་པས་
D112.050.0147a04.01ལུས་རབ་ཏུ་འབར་བར་གྱུར་པ་དེ་དག་ཀྱང་འོད་ཟེར་དེ་དག་གིས་བཀྲེས་པ་དང་སྐོམ་པའི་མེ་ཞི་བར་བྱེད་ཅིང་བདེ་བའི་ཚོར་བ་སྐྱེད་དེ། {ཡི་དགས་,ཡི་དྭགས་}རེ་རེའི་མདུན་ན་ཡང་སངས་རྒྱས་ཀྱི་སྤྲུལ་པའི་གཟུགས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་ཅིང་དཔེ་བྱད་བཟང་པོ་
D112.050.0147a05.01བརྒྱད་ཅུས་རྣམ་པར་མཛེས་པ་དག་བཞུགས་པར་གྱུར་ཏེ། {ཡི་དགས་,ཡི་དྭགས་}དེ་དག་གིས་དེ་མཐོང་ནས་སངས་རྒྱས་མཐོང་བའི་བདེ་བས་ལུས་ཚིམ་པར་གྱུར་ནས་འདི་སྙམ་དུ་སེམས་ཅན་འདིའི་མཐུས་བདག་ཅག་གིས་བདེ་བའི་ཚོར་བ་ཐོབ་བོ་སྙམ་དུ་སེམས་ཏེ། དེ་དག་བཅོམ་ལྡན་འདས་ལ་དགའ་
D112.050.0147a06.01ཞིང་དང་ལ་གུས་པ་སྐྱེས་པ་དང་། བཅོམ་ལྡན་འདས་ཀྱིས་དེ་དག་ལ་བཀའ་སྩལ་པ། སེམས་ཅན་དག་ཚུར་ཤེག །ཁྱེད་ཅག་སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ་ཞེས་ཚིག་དེ་སྐད་བརྗོད་ཅིག་དང་ཞེས་བྱ་བ་ནས།
D112.050.0147a07.01