完整藏文原文 · 德格版页 当前仅加载第 50 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ཤིང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་དག་སྣང་བར་བགྱིད་པར་གྱུར་ཅིག །བདག་གི་ཚེའི་ཚད་ནི་དཔག་ཏུ་མ་མཆིས་ཏེ་བསྐལ་པ་བྱེ་བ་ཁྲག་ཁྲིག་འབུམ་ཕྲག་ཚད་མ་མཆིས་པར་གྱུར་ལ། ཐམས་ཅད་མཁྱེན་པའི་ཡེ་ཤེས་མ་གཏོགས་པ་དེ་སུས་
D112.050.0172a01.01ཀྱང་བགྲང་བར་རྔོ་མི་ཐོགས་པར་གྱུར་ཅིག །བདག་གི་བྱང་ཆུབ་སེམས་དཔའི་དགེ་འདུན་ནི་ཉན་ཐོས་དང་རང་སངས་རྒྱས་སྤངས་ཤིང་དཔག་ཏུ་མ་མཆིས་ལ། ཐམས་ཅད་མཁྱེན་པའི་ཡེ་ཤེས་མ་གཏོགས་པར་དེ་སུས་ཀྱང་བགྲང་བར་རྔོ་མི་ཐོགས་པར་གྱུར་ཅིག །བདག་གིས་
D112.050.0172a02.01བྱང་ཆུབ་ཐོབ་པ་ན་སངས་རྒྱས་ཀྱི་ཞིང་ཚད་མ་མཆིས་གྲངས་མ་མཆིས་པ་གཞན་དག་གི་སངས་རྒྱས་བཅོམ་ལྡན་འདས་རྣམས་བདག་གི་བསྔགས་པ་གསུང་བར་འགྱུར་བ་དང་། དབྱངས་རྗེས་སུ་སྒྲོགས་པར་འགྱུར་བ་དང་། སྙན་པ་རྗོད་པར་གྱུར་ཅིག །བདག་གིས་བྱང་ཆུབ་ཐོབ་པ་ན་སངས་
D112.050.0172a03.01རྒྱས་ཀྱི་ཞིང་ཚད་མ་མཆིས་གྲངས་མ་མཆིས་པ་གཞན་དག་ན་མཚམས་མ་མཆིས་པ་བགྱིད་པ་དང་། དམ་པའི་ཆོས་སྤོང་བ་རྣམས་མ་གཏོགས་པའི་སེམས་ཅན་གང་དག་གིས་བདག་གི་མིང་ཐོས་པར་གྱུར་པ་དེ་དག་ཐམས་ཅད་དགེ་བའི་རྩ་བ་སངས་རྒྱས་ཀྱི་ཞིང་དུ་ཡོངས་སུ་བསྔོ་བ་བགྱིས་ནས་བདག་
D112.050.0172a04.01གི་སངས་རྒྱས་ཀྱི་ཞིང་དུ་སྐྱེ་བར་གྱུར་ཅིག །བདག་གིས་བྱང་ཆུབ་ཐོབ་པ་ན་འཇིག་རྟེན་གྱི་ཁམས་བགྲང་བ་ལས་འདས་པ་གཞན་དག་གི་བྱང་ཆུབ་སེམས་དཔའ་དག །བདག་གི་སངས་རྒྱས་ཀྱི་ཞིང་དུ་སྐྱེ་བར་འཚལ་ཞིང་། བྱང་ཆུབ་ཏུ་སེམས་བསྐྱེད་པར་འགྱུར་ལ་དགེ་བའི་རྩ་བ་ཡང་དེར་
D112.050.0172a05.01ཡོངས་སུ་སྔོ་བར་གྱུར་ཅིག །དེ་དག་འགུམ་པའི་དུས་ཀྱི་ཚེ་ན་ཡང་བདག་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་མཆིས་ལ་དེ་དག་གིས་ཀྱང་བདག་མཐོང་ནས་བདག་ལ་དགའ་བ་དང་། དང་བ་སྐྱེ་བར་འགྱུར་ཞིང་དེ་དག་གི་ལས་ཀྱི་སྒྲིབ་པ་རྣམས་ཀྱང་ལྡོག་པར་གྱུར་
D112.050.0172a06.01ཅིག །འགུམ་པའི་དུས་བགྱིས་ནས་ཀྱང་བདག་གི་སངས་རྒྱས་ཀྱི་ཞིང་དུ་སྐྱེ་བར་འགྱུར་ཞིང་དེར་ཡང་བྱང་ཆུབ་སེམས་དཔའ་དེ་དག་སྔོན་མ་ཐོས་པའི་ཆོས་བསྟན་པ་དག་བདག་ལས་ཉན་འཚལ་བར་འགྱུར་བ་དང་། དེ་དག་ཇི་ལྟ་བུ་འཚལ་བར་འགྱུར་བ་དེ་ལྟ་བུ་ཐོས་པར་གྱུར་ཅིག །བདག་
D112.050.0172a07.01