完整藏文原文 · 德格版页 当前仅加载第 50 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ཆགས་རབ་ཏུ་ཞི་བར་གྱུར་ཅིག །ཞེ་སྡང་དང་། གཏི་མུག་དང་། ཕྲག་དོག་དང་། ང་རྒྱལ་དང་། འཆབ་པ་དང་། ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་རབ་ཏུ་ཞི་བར་གྱུར་ཅིག །ཐམས་ཅད་བྱང་ཆུབ་ཏུ་སེམས་སྐྱེད་པར་གྱུར་ཅིག །
D112.050.0188b01.01ཏིང་ངེ་འཛིན་དང་། གཟུངས་ཀྱི་སྒོ་རྣམ་པ་ཇི་ལྟ་བུ་དག་འཚལ་བ་དེ་ལྟ་བུ་དག་ཀྱང་བདག་མཐོང་བས་ཐོབ་པར་གྱུར་ཅིག །དེ་ན་སེམས་ཅན་གང་དག་གྲང་བའི་སེམས་ཅན་དམྱལ་བར་སྐྱེས་པར་གྱུར་པ་དེ་དག་གིས་ཀྱང་བདག་མཐོང་བས་བདེ་བའི་ཚོར་བ་འབྱུང་བར་འགྱུར་ཞིང་།
D112.050.0188b02.01འདི་ལྟ་སྟེ་དཔེར་བགྱི་ན་དགེ་སློང་བསམ་གཏན་གཉིས་པ་ལ་སྙོམས་པར་ཞུགས་པ་དེ་ལྟ་བུའི་བདེ་བའི་ཚོར་བ་ཐོབ་པར་གྱུར་ཅིག །དེ་དག་གིས་བདག་མཐོང་ནས་ལུས་དང་སེམས་ཀྱི་བདེ་བ་མཆོག་དང་ལྡན་པར་གྱུར་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D112.050.0188b03.01སེམས་སྐྱེད་པར་གྱུར་ཅིག །དེ་དག་དེ་ནས་ཤི་འཕོས་ནས་ཀྱང་བདག་གི་སངས་རྒྱས་ཀྱི་ཞིང་དུ་སྐྱེ་བར་འགྱུར་ཞིང་། དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སླར་མི་ལྡོག་པར་གྱུར་ཅིག །སེམས་ཅན་གང་དག་{ཡི་དགས་,ཡི་དྭགས་}ཀྱི་གནས་རྣམས་སུ་སྐྱེས་པར་
D112.050.0188b04.01གྱུར་པ་དག་གིས་ཀྱང་བདག་མཐོང་བར་གྱུར་ཅིང་སྔ་མ་བཞིན་དུ་གྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སླར་མི་ལྡོག་པར་གྱུར་ཅིག །དེ་བཞིན་དུ་དུད་འགྲོའི་སྐྱེ་གནས་སུ་སྐྱེས་པ་རྣམས་ལ་ཡང་བརྗོད་པར་བགྱིའོ། །ལྷ་རྣམས་ལ་ཡང་དེ་བཞིན་
D112.050.0188b05.01དུ་སྦྱར་ཏེ། བདག་གི་འོད་ཀྱང་ཉིས་གྱུར་དུ་སྣང་བར་གྱུར་ཅིག །བདག་གི་ཚེ་ཡང་དཔག་ཏུ་མ་མཆིས་པར་འགྱུར་ལ། ཐམས་ཅད་མཁྱེན་པའི་ཡེ་ཤེས་མ་གཏོགས་པར་སུས་ཀྱང་བགྲང་བར་རྔོ་མི་ཐོགས་པར་གྱུར་ཅིག །བདག་བྱང་ཆུབ་ཐོབ་པ་ན་ཕྱོགས་བཅུའི་
D112.050.0188b06.01འཇིག་རྟེན་གྱི་ཁམས་ཚད་མ་མཆིས་གྲངས་མ་མཆིས་དཔག་ཏུ་མ་མཆིས་པ་གཞན་དག་གི་སངས་རྒྱས་བཅོམ་ལྡན་འདས་དག་གིས་གང་དག་བསྒྲགས་པར་འགྱུར་བ་བདག་གི་བསྔགས་པ་རྗོད་པར་གྱུར་ཅིག །དེ་ན་སེམས་ཅན་གང་དག་གིས་བདག་གི་བསྔགས་པ་ཐོས་
D112.050.0188b07.01