完整藏文原文 · 德格版页 当前仅加载第 50 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ནི་སྙིང་རྗེ་ལ་ནི་ངུ་བར་བྱེད། །བྱང་ཆུབ་སེམས་དཔའ་འཇམ་དཔལ་གྱིས་སྨྲས་པ། བརྩོན་འགྲུས་ཏིང་འཛིན་བརྟན་པ་དང་། །མཁས་པ་དང་ནི་ཤེས་རབ་མཆོག །ཕྲེང་བ་དྲི་དང་བྱུག་པ་ཡིས། །དེ་ཕྱིར་ཁྱོད་ལ་མཆོད་པར་འོས། །བྱང་ཆུབ་སེམས་
D112.050.0241a01.01དཔའ་ནམ་མཁའི་ཕྱག་རྒྱས་སྨྲས་པ། སྙིང་རྗེ་ཆེན་པོས་སེམས་ཅན་ལ། །དེ་ལྟར་ཁྱོད་ཀྱིས་སྦྱིན་པ་བྱིན། །ཁྱོད་ནི་དུས་འདི་ཟད་ནས་ཀྱང་། །མགོན་པོ་མཚན་གྱི་མཆོག་ཏུ་འགྱུར། །བྱང་ཆུབ་སེམས་དཔའ་རྡོ་རྗེས་གཅོད་པ་ཤེས་རབ་སྣང་བའི་དཔལ་གྱིས་འདི་སྐད་ཅེས་སྨྲས་སོ། །ཇི་
D112.050.0241a02.01ལྟར་ནམ་མཁའ་རྒྱ་ཆེ་བ། །དེ་ལྟར་ཁྱོད་ཀྱི་སྙིང་རྗེའི་གནས། །ཁྱོད་ཀྱིས་སེམས་ཅན་འཇིགས་མེད་ལ། །བྱང་ཆུབ་སྤྱོད་པ་དག་ཀྱང་བསྟན། །བྱང་ཆུབ་སེམས་དཔའ་རྣམ་པར་སྣང་བྱེད་ཤུགས་ཀྱིས་སྨྲས་པ། དེ་བཞིན་གཤེགས་པ་མ་གཏོགས་པར། །སེམས་ཅན་ལ་བརྩེ་གཞན་
D112.050.0241a03.01མེད་དེ། །གང་ཕྱིར་ཤེས་རབ་མཁས་པའི་མཆོག །ཁྱོད་ནི་ཡོན་ཏན་ཀུན་དང་ལྡན། །སྤོས་ཀྱི་སེང་གེས་སྨྲས་པ། ཁྱོད་ནི་མ་འོངས་དུས་ན་ནི། །བཟང་ལ་ཉོན་མོངས་བདུད་ཀྱི་ཚེ། །སེམས་ཅན་སྡུག་བསྔལ་སྒྲོལ་བྱེད་ཅིང་། །ཁྱོད་ཀྱི་གྲགས་དང་སྙན་པ་འཐོབ། །བྱང་ཆུབ་སེམས་དཔའ་
D112.050.0241a04.01ཀུན་ཏུ་བཟང་པོས་སྨྲས་པ། སྐྱེ་བའི་དགོན་པར་བརྩོན་གྱུར་ཅིང་། །ལོག་སྒྱུས་ཤིན་ཏུ་ཉམ་ང་བ། །ཤ་ཟ་བ་དང་ཁྲག་འཐུང་བའི། །སེམས་རྒྱུད་ཚིག་རྣམས་བཟུང་བར་གྱུར། །མི་འཁྲུགས་པས་སྨྲས་པ། མ་རིག་སྒོ་ངའི་སྦུབས་ཆུད་ཅིང་། །ཉོན་མོངས་འདམ་དུ་བྱིང་གྱུར་ལ། །
D112.050.0241a05.01མཚམས་མེད་པ་དག་བྱེད་པ་པོ། །སེམས་རྒྱུད་ཚིག་རྣམས་བཟུང་བར་གྱུར། །སྤོས་ཀྱི་གླང་པོས་སྨྲས་པ། ཁྱོད་ཀྱིས་མ་འོངས་འཇིགས་མཐོང་བ། །ཇི་ལྟར་མེ་ལོང་དཀྱིལ་འཁོར་བཞིན། །དམ་པའི་ཆོས་ནི་སྤོང་བྱེད་པའི། །སེམས་རྒྱུད་ཚིག་རྣམས་བཟུང་བར་གྱུར། །རིན་
D112.050.0241a06.01པོ་ཆེ་ཏོག་གིས་སྨྲས་པ། ཡེ་ཤེས་ཚུལ་ཁྲིམས་ཏིང་འཛིན་དང་། །སྙིང་རྗེའི་རྒྱན་གྱིས་བརྒྱན་པ་པོ། །འཕགས་ལ་སྐུར་པ་འདེབས་བྱེད་པ། །སེམས་རྒྱུད་ཚིག་རྣམས་བཟུང་བར་གྱུར། །འཇིགས་དང་གདུང་བྲལ་གྱིས་སྨྲས་པ། །ཁྱོད་ཀྱིས་ངན་སོང་གསུམ་ལམ་དུ། །
D112.050.0241a07.01