完整藏文原文 · 德格版页 当前仅加载第 50 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྐྲག་པའི་གོ་ཆ་དང་། ཆོས་ཐམས་ཅད་སྒྱུ་མ་དང་། རྨི་ལམ་དང་། མིག་ཡོར་ལྟ་བུར་རྟོགས་པའི་ཕྱིར་འཇིག་རྟེན་གྱི་ཁམས་ཐམས་ཅད་དུ་འགྲོ་བའི་གོ་ཆ་དང་། ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་ལ་གནས་པའི་ཕྱིར་འཇིག་རྟེན་གྱི་ཁམས་
D112.050.0294a01.01ཐམས་ཅད་སྣང་བས་རྒྱན་པར་བྱེད་པའི་གོ་ཆ་དང་། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པའི་ཕྱིར་དེ་བཞིན་གཤེགས་པའི་སྟོབས་བཅུ་ཡོངས་སུ་སྒྲུབ་པའི་གོ་ཆ་དང་། ཇི་སྐད་སྨྲས་པ་དེ་བཞིན་དུ་བྱེད་པའི་ཕྱིར་མི་འཇིགས་པ་བཞི་ཐོབ་པའི་གོ་ཆ་དང་།
D112.050.0294a02.01བྱང་ཆུབ་སེམས་དཔའ་རྣམས་ཀྱི་ཇི་ལྟར་ཐོས་པའི་ཆོས་བསྒྲུབ་པའི་ཕྱིར་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དག་མ་ལུས་པར་ཐོབ་པའི་གོ་ཆ་དང་། སྤྲོས་པ་མེད་པ་སྟེ། དེ་དག་ནི་བདེ་བ་སྤྱོད་པའི་ཆོས་ཐམས་ཅད་ལ་གཟུད་པ་རྣམ་པ་བཅུའོ། །མཚན་ཉིད་མེད་པའི་སྒོ་ཡོངས་
D112.050.0294a03.01སུ་ཤེས་པ་རྟོགས་པའི་སྤྱོད་པ་དང་། ཆོས་ཐམས་ཅད་བདག་མེད་པར་ཡིད་ལ་བྱེད་པ་དང་། སེམས་སྐྱེ་བ་མེད་པ་དང་། འགག་པ་མེད་པར་རྟོགས་པ་གང་ཡིན་པ་ནི་ཕྱིར་མི་ལྡོག་པའི་ས་ཡིན་ཏེ། དེ་ལ་ནི་འཇུག་པ་དང་། ལྡོག་པ་ཆད་ཅིང་རྟག་པ་མེད་པ་དང་། གདེག་པ་མེད་པ་དང་། གཞག་པ་མེད་པ་
D112.050.0294a04.01ཡིན་ནོ། །ཆོས་ཀྱི་རྣམ་གྲངས་འདི་བཤད་པ་ན་དེ་བཞིན་གཤེགས་པའི་སྐུའི་ཁོང་པར་ཞུགས་པའི་སེམས་ཅན་གང་གཱའི་ཀླུང་དུང་ཕྱུར་ཕྲག་བརྒྱད་ཀྱི་བྱེ་མ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེར་བྱང་ཆུབ་སེམས་དཔའ་སེམས་དཔའ་ཆེན་པོ་བགྲང་བ་
D112.050.0294a05.01ལས་ཡང་དག་པར་འདས་པ་སྙེད་པོ་དེ་དག་གིས་ནི་གཟུངས་དང་བཟོད་པ་རྣམ་པ་སྣ་ཚོགས་ཐོབ་པར་གྱུར་ནས་ཐམས་ཅད་དེ་བཞིན་གཤེགས་པའི་སྐུའི་སྤུའི་སྒོ་དག་ནས་ཕྱིར་ཐོན་པ་དང་ངོ་མཚར་དུ་གྱུར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། དེ་བཞིན་གཤེགས་པའི་
D112.050.0294a06.01དབྱངས་ཀྱི་དཀྱིལ་འཁོར་དང་། སྐུའི་ཚད་བརྟགས་པའི་ཕྱིར་ཕྱོགས་བཅུར་རང་རང་གི་སངས་རྒྱས་ཀྱི་ཞིང་དག་ཏུ་དོང་ངོ་། །དེ་ན་བྱང་ཆུབ་སེམས་དཔའ་གང་དག་ཤར་ཕྱོགས་ལོགས་སུ་དོང་བ་དང་། ཤར་ཕྱོགས་ལོགས་སུ་སངས་རྒྱས་ཀྱི་ཞིང་དཔག་ཏུ་མེད་གྲངས་མེད་པ་དག་འདས་ཀྱང་དེ་བཞིན་གཤེགས་
D112.050.0294a07.01