完整藏文原文 · 德格版页 当前仅加载第 50 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་རིན་པོ་ཆེ་དེ་དག་བཏང་བ་དང་། དེ་དག་འདི་ལྟར་མགྱོགས་པར་སོང་སྟེ། འདི་ལྟ་སྟེ། དཔེར་ན་སངས་རྒྱས་བཅོམ་ལྡན་འདས་མགྱོགས་པས་གཤེགས་པ་དེ་བཞིན་དུ་འཁོར་ལོ་རིན་པོ་ཆེ་དེ་དག་ཀྱང་སོང་སྟེ་ཕྱོགས་བཅུའི་སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པ་དཔག་ཏུ་མེད་
D112.050.0195b01.01གྲངས་མེད་པ་དག་ཏུ་སོང་ནས། སེམས་ཅན་རྣམས་བྱང་ཆུབ་སེམས་དཔའ་ལུང་སྟོན་པ་དྲན་པ་མི་བརྗེད་པའི་ཡེ་ཤེས་མཐོང་བ་སྟོང་པ་ཉིད་བསྒོམ་པ་ལ་སྤྱོད་པ་སངས་རྒྱས་ཀྱི་ཡུལ་གྱི་ཆོས་ཀྱི་རྣམ་གྲངས་འདི་སྤྱོད་དུ་བཅུག་གོ། །སེམས་ཅན་གང་དག་གི་རྣ་བའི་དབང་པོར་ཆོས་ཀྱི་རྣམ་གྲངས་
D112.050.0195b02.01འདི་གྲག་པར་གྱུར་པ་དེ་དག་ཐམས་ཅད་ཀྱི་འདོད་ཆགས་དང་། སེར་སྣའི་བར་གྱི་སེམས་དང་སེམས་ལས་བྱུང་བ་དག་རབ་ཏུ་ཞི་བར་གྱུར་ཅིག །ཐམས་ཅད་ཀྱིས་ཀྱང་སངས་རྒྱས་ཀྱི་ཡེ་ཤེས་ཀྱི་ཡུལ་ཡིད་ལ་བྱེད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་འཁོར་
D112.050.0195b03.01ལོ་དེ་དག་ཀྱང་ཡུད་ཙམ་གཅིག་གིས་ཕྱིར་ལོག་སྟེ་རྒྱལ་བུ་སྡིག་མེད་ཀྱི་མདུན་དུ་འདུག་གོ། །རིགས་ཀྱི་བུ་དེ་ནས་དེ་བཞིན་གཤེགས་པ་རིན་པོ་ཆེའི་སྙིང་པོས་རྒྱལ་བུ་སྡིག་མེད་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །ཁྱོད་ཀྱིས་ནི་སྨོན་ལམ་ཤིན་ཏུ་བཟང་པོ་
D112.050.0195b04.01བཏབ་སྟེ། ལྷའི་འཁོར་ལོ་རིན་པོ་ཆེ་འདི་དག་ཀྱང་སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པ་སྟོང་པ་དག་ཏུ་བཏང་བས་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་མང་པོ་དག་རྙོག་པ་མེད་པའི་སེམས་ལ་བཀོད་ཅིང་བྱང་ཆུབ་ཡང་དག་པར་འཛིན་དུ་བཅུག་པས་ན་རིགས་ཀྱི་བུ་དེའི་ཕྱིར་ཁྱོད་མི་
D112.050.0195b05.01འཁྲུགས་པ་ཞེས་བྱ་བར་གྱུར་ཅིག །མི་འཁྲུགས་པ་ཁྱོད་ནི་འཇིག་རྟེན་གྱི་ཡོངས་སུ་འདྲེན་པར་འགྱུར་གྱིས། མི་འཁྲུགས་པ་ཁྱོད་ཀྱིས་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཇི་ལྟ་བུ་དག་འདོད་པ་ལོངས་ཤིག །མི་འཁྲུགས་པས་གསོལ་པ། བཙུན་པ་བཅོམ་ལྡན་འདས་བདག་ནི་ཇི་ལྟར་
D112.050.0195b06.01ས་གཞི་ཐམས་ཅད་གསེར་ལས་གྲུབ་ཅིང་ལག་མཐིལ་ལྟར་མཉམ་ལ། ལྷའི་ནོར་བུ་རིན་པོ་ཆེ་རྣམ་པར་བཀྲམ་པ་གསེག་མ་དང་གྱོ་མོ་དག་མ་མཆིས། གོར་མའི་ཀ་བ་དང་། ཕ་བོང་དང་རི་དག་མ་མཆིས་ཤིང་། ཀ་ཙ་ལིན་དི་ཀ་ལྟར་རེག་ན་བདེ་ཞིང་འཇམ་ལ། རྐང་མཐིལ་
D112.050.0195b07.01